Nepaliko Aawaz :: Nepali Aawaz

प्रविधिलाई रोक्ने दूरसंचारको असफल प्रयास

2010-08-24T11:51:00.001-06:00

भर्खरै मात्रै नेपाल दुरसंचार प्राधिकरणले अबैध भन्दै केहि इन्टरनेट फोन तथा यिनीहरुको साइटमाथि प्रतिबन्ध लगाएको खबर सार्वजनिक भएको छ | तर साइबर तथा कम्युनिकेसन ब्यबसायीहरु भने यसबाट रुष्ट भएका छन् | रुष्ट हुनुपनि एक हिसाबले ठिकै किनकि सरकारले चाही साइबर तथा कम्युनिकेसन ब्यबसायीहरुसंग कर पनि लिने अनि आफुखुसि सस्तो Account चलाउन पनि नदिने | फेरी ग्राहकलाई पनि सस्तै थियो विदेश फोन गर्न | हुन त अहिलेलाई पांच ओटा साइटमाथि मात्रै प्रतिबन्ध लगाइएको छ तर अरु साइटहरु पनि पत्ता लागे प्रतिबन्ध गराउने घोषणा गरेको छ | प्राधिकरणको यो लक्ष केवल प्रविधिलाई रोक्ने असफल प्रयास मात्रै हो किनकि उसले गर्दैमा हुने भए यो कल बाइपास पनि उहिले नै हटिसक्नु पर्ने हो तर अहिलेसम्म खै हटेको ??(हटेको भए विदेशबाट फोन गर्दा नेपालकै नम्बर नआउनु पर्ने हो ) अनि आज एउटालाई पक्रेको खबर आउछ अनि फेरी २/४ दिनपछि धरौटीमा रिहा भएको भन्ने खबर आउछ | अरु त अरु जसले यस्ता अपराधिहरुलाई पक्रिन्छ भोलि उसको सरुवा हुने हो कि जागिर जाने हो था' हुन्न | अनि केहि नभए पनि अपराधीहरुलाई छोडिन्छ माथिको आदेश वा त बिदेशी प्रभुको हुकुमले अनि कसरि हुन्छा अपराध निर्मुलिकरण ??

तर प्राधिकरणको ध्यान यता भन्दा पनि नेपाल टेलिकमलाई घाटा भयो भन्नेतिर मात्रै छ | अनि राजस्वमा घाटा भयो रे तै भएर बन्द गराएको रे वाहियात कारण | यदि राजस्वमा घाटा हुने बित्तिकै बन्द गर्नु पर्ने हो भने त कल बाइपास उहिल्यै बन्द हुनुपर्ने हो किनकि मैले बुझे सम्म टेलिकमका इन्जिनियरहरुलाई कुन टावरबाट कति फोन लागेको छ भन्ने सबै था हुन्छ रे ! अनि टेलिकममा त अझ फोन कलहरुको रेकर्ड पनि त हुन्छ नि नत्र त कल डिटेल दिन नपर्ने हो NTC ले हरेक महिना | अनि तेती हुदा पनि कल बाइपास चाही नरोक्ने तर साइबर तथा कम्युनिकेसन ब्यबसायीहरुले कर तिरेर आफुलाई सस्तो पर्ने फोन चलेर ग्राहकलाई सस्तो फोन दिदा चाही राजस्वमा घाटा भयो भन्दै नेट फोनमाथि नै प्रतिबन्ध लगाउने कदम कस्तो कदम हो ??

कुरा यतिमै सिमित हुदैन, प्राधिकरणले बन्द गर्यो लौ अब राजस्वमा वृद्धि हुने भयो भन्ठान्ने हो भने पनि त्यो सम्भव देखिदैन किनकि नेपालमा लगभग ५०% भन्दा बदिले चलाएको एकाउन्ट बन्द गरेर कति दिन बन्द गराउन सकिन्छ र ?? उनीहरुले विकल्प खोज्दैनन् होला र ?? कतिले त proxy address प्रयोग गरेर खोलेर हेरी पनि सके तर यसो गर्दा फोन लगाउन सकिदैन नि भन्नु होला तर तेसो होइन आज साइट खोल्नेले भोलि फोन नलगाउला भन्न सकिदैन | प्राधिकरणको यो कदम मात्रै होइन अन्य कदम बारे पनि चर्चा हुन थालेको छ अचेल त्यो हो अब याहू च्याटको भ्वाइस च्याट माथि पनि प्रतिबन्ध लगाउन खोजेको रे भन्ने पनि सुन्नमा आएको छ | तर यो कदम पनि नमच्चिने पिंगको सय झड्का भने झैँ हुने छ किनकि नेपालमा अहिले सायद प्राय: सबै जसो मानिस जो इन्टरनेट चलाउछन तिनीहरुले याहू मेल चलाउछन अनि यसैमा प्रतिबन्ध लगाउनु कतिको जायज हुनेछ ?? अब सोच्नुस के NTA को प्रविधिलाई रोक्ने यो कदम सफल होला वा असफल ?? अनि किन डराउछ NTA प्रविधिसंग?, किन NTA नयाँ प्रविधि भित्र्याएर त्यसलाई व्यवस्थित गरेर अझ बढी राजस्व कमाउन सकिने तर्फ सोच्न सक्दैन ?? धिक्कार छ नेपाल दुरसंचार प्राधिकरणलाई जसले आजको २१औं शताब्दीमा प्रविधिलाई र प्रविधिको महत्व र आवश्यकता अनि यसलाई व्यवस्थित गर्ने तरिकाबारे सोच्न र बुझ्न सक्दैन !!!!!!!!!!!!

Source:: Nepalithinking

अर्जेन्टिना गयो, अब स्पेनको सपोर्ट !!

2010-07-08T09:58:00.003-06:00

सुरुदेखि नै विश्वकपको दाबेदार मानिदै आएको र आफ्नो अपराजित यात्रा लम्ब्याउदै आएको देश अर्जेन्टिनाको अप्रत्याशित र अबिस्वासनिय पराजयपछी अब स्पेनको सपोर्टमा लगियो है जसले जे भने पनि |

हुन त कसैले जितेर हामीलाई हुनेवाला केहि छैन तैपनि फूटबलप्रति हाम्रो प्रेम भनौ वा Crazyness भनौ यति बढ्दै छ कि हामीलाई World Cup को Game छुट्यो भने त्यसको नतिजा बिहानै पाउन हतार हुन्छ हामीलाई | अहिले नेपालमा मात्रै नभएर विश्वमै फूटबलको भुत छाडेको छ सबैलाई | के बुढा के बालक सबैको मुखमा विभिन्न रास्ट्रको नाम हुन्छ विश्वकपको बिजेताको रुपमा | सेमी फाइनलमा जितेर बाकी रहेका राष्ट्रहरुमध्ये अबको मेरो समर्थन Spainलाई|

व्यस्तताको कारणले ब्लग update गर्न नपाएकोमा क्षमा माग्दै तपैहरुको समर्थनको राष्ट्र बारे लेखना अनुरोध गर्दछु|

लोकतन्त्र : नेताहरुको Top Ten योगदान तथा उपलब्धीहरु

2010-06-29T08:20:00.001-06:00

हुन त जनताले अहिलेसम्म कुनै शासन आए पनि केहि पाएका छैनन् दुख बाहेक | न राणाशासण कालमा शान्ति र चैनको सास फेर्न पाए न पंचायत कालमा न बहुदल आएपछि न लोकतान्त्रिक गणतन्त्रको स्थापनापश्चात नै राहत महसुस गर्न पाएका छन् | झन् लोकतान्त्रिक गणतन्त्रको बहालीपछि त यहाँ १ राजाको ठाउंमा कयौं राजाहरु आए | जसले गर्दा मुलुकमा भएका केहि नेताहरुको Top Ten योगदान तथा उपलब्धीहरु हेरौं |
उपलब्धी नं. १ :- भ्रस्टाचार तथा घुसखोरिमा अतुलनिय योगदान तथा अबिश्वासनिय सफलता ।
उपलब्धी नं. २ :- सत्ता प्रप्तिको लागि भारतीय नेता तथा उच्च पदस्थ पधादिकारिहरुको गुलामी ।
उपलब्धी नं. ३ :- देशलाई अनिर्णयको बन्दी बनाउन हदैसम्मको लचकताको प्रदर्शन तथा सफलता ।
उपलब्धी नं. ४ :- देशलाई गरीब बनाएर आफु धनी हुने खेलमा राम्रो रणनितीको प्रदर्शन ।
उपलब्धी नं. ५ :- बर्षमा ३०० दिनभन्दा बढी बन्द गर्ने प्रचलनको सुरुवात ।
उपलब्धी नं. ६ :- श्रीमान श्रीमतीको बिचमा झगडा हुँदा नेपाल बन्द गर्ने प्रथाको सुरुवात ।
उपलब्धी नं. ७ :- झगडा गरेर मरेका, लडेर मरेका, गाडीको ठक्करबाट मरेका, रक्सि तथा अन्य नशाजन्य पदार्थको सेवनबाट मरेकाहरु सबैलाई शाहीद घोषणा गरेर देशलाई मशानघाट बनाउन योगदान ।
उपलब्धी नं. ८ :- कुर्सी जोगाउन नेपाली भुमी भारतलाई दिएर भारत खुशी बनाउ अभियानको सुरुवात ।
उपलब्धी नं. ९ :- एक कार्यकर्ता एक हतियार र हत्या माफ अभियानको सुरुवात ।
उपलब्धी नं. १०:- संबिधान तथा कानुनको धज्जी उड़ाउनेलाई नै पुरस्कृत गर्ने प्रथाको थालनी |

यतातिर ध्यान कहिले जाला ????

2010-06-27T10:39:00.003-06:00

सार्वजनिक यातायातमा मनपरी भाडा
----राजु शर्मा
विभिन्न माइक्रोबस समिति तथा सवारी समितिहरु गठन भइराखेका बेला पनि सार्वजनिक यातायातको भाडा मनपरी रुपमा उठाउने गरिएको छ | एउटै रुटमा पनि सवारी पिच्छे छुट्टाछुट्टै दरले भाडा लिने गर्छन खलासिहरु | सायद सबैभन्दा बढी सवारी चल्ने चक्रपथको रुटमा नै पनि खलासिहरुले सवारी पिच्छे फरक फरक भाडा लिन्छन | Identity कार्डको छुटपश्चात कुनै गाडीले १० रुपैयाँ मात्रै लिने ठाउमा कुनै गाडीले १५ रुपैयाँ पनि लिने गरेको पाइन्छ | १० रुपैयाँ भाडा लाग्ने ठाउमा १५ रुपैयाँ भाडा लिंदा पनि १० रुपैयाँ मात्रै दियो वा १२ रुपैयाँ मात्रै दियो भने पनि खलासिहरुले बेइज्जत गरिदिन्छन उल्टै झगडा गरेर | त्यो भन्दा बरु ५ रुपैयाँ बढी तिर्नु नै बुद्धिमानी हुन्छ भन्दै कतिले त १५ रुपैयाँ पनि दिने गर्छन |

यो सबै सवारी संघका नाममा दर्ता हुने संघहरुको कारणले भएको हो किनकि यदि सवारीको नाममा राजनीति गर्ने तथा विभिन्न नाममा खुलेका सवारी संघहरुले सबै सवारीको ढोकामा कुन रुटमा कुन ठाउँ देखि कुन ठाउंसम्मको भाडा दर कति हो भनेर सवारीको ढोकामा तसर राखी दिने हो भने न यात्रु मारमा पर्थे न त सवारी संचालकहरु नै मारमा पर्थे |

यस तर्फ राज्य र सवारी संघको ध्यान कहिले जाला ??

rs_sh@yahoo.com

गौशाला..... चाबहिल........

2010-06-14T11:39:00.001-06:00

आजदेखि हामीले नयाँ स्तम्भ सडक संघर्ष सुरु गरेका छौं | जस अन्तर्गत हामीले सडकमा संघर्ष गरेर जीवन गुजारा गर्ने व्यक्तिहरुको संघर्ष कथा वा सडक संघर्षसंग सम्बन्धित कथा कविता वा जुनसुकै लेख वा तस्बिरहरु राख्नेछौं | तपाई पनि हामीलाई यस्ता सामाग्रीहरु पठाउन सक्नुहुन्छ हाम्रो इमेल ठेगाना हो nepalikonepaliaawaz@gmail.com | हामीलाई प्राप्त पहिलो कथा कुनैपनि सम्पादन बिना तल राखिएको छ |

गौशाला..... चाबहिल...... एअरपोर्ट........ सातदोबाटो........ कुसुन्ती....... कलंकी.........
धेरैलाई चिरपरिचित लाग्ने यो Dialogue उनलाई भने कन्ठै थियो र सधै भट्ट्याइरहन्थे अझ भनौं उनको दिनचर्या बनेको थियो यो Dialogue भट्ट्याउने काम | आधा भन्दा बढी सेतो फुलेको र आधा भन्दा कम कालो कपाल मिस्रित टाउको, अनुहारमा केहि मात्रै फुल्न बाकी काला दारी, स्वरमा २५ बर्से ठिटोको झैँ दम, सामान्य जिउडाल, पेन्ट माथि हल्का मैलो गन्जी, उमेरले ६० कटेका बृद्ध, उनको परिचय यतिमै सिमित हुदैन उनको परिचय अन्त्यमा आएर खलासीमा टुंगिन्छ | हजुर उमेरले ६० कटेपनि किन यो(खलासी) पेशा त ?? भन्ने प्रश्नमा उनि फिस्स हाँस्छन अनि उल्टो प्रतिप्रश्न गर्छन "किन र बुढो मान्छेले खलासी बन्नु हुदैन र ??" हुन त अधिकांस खलासीको इच्छा वा चाहना हुन्छ कि भबिस्यमा Driver बन्ने तर उनको त्यो संग केहि पनि लेनादेना छैनha "भन्छन अब यो बुढो उमेरमा मर्ने बेलामा मा के Driver बन्छु र ??" फेरी अनि किन त यस्तो काम?? भनेपछि सुरु भयो उनको रामकहानी | गाउँको गरिब परिवारमा जन्मेहुर्केका उनले अनपढ हुनाले अन्य जागिर नपाएको भन्दै परिवार र आफ्नो पापी पेट पाल्न यो काम गर्नुपरेको बताउदै भने के गर्नु हजुर पापी पेटले धनि गरिब छुट्याउँदो रहेनछ | आफ्नो ज्यान आफैलाई भरि पर्न थालिसकेको र घरमा काम गर्ने कोहि नहुदा बाध्य भएको कुरा पनि उनले छुटाएनं | यसै बिचमा Drivarको आदेश जारी भयो ओइ चुरोट एउटा किन त | driver आफै चै अधबैंसे २५/३० बर्षे जवान थियो | उनलाई यस्तो तँ तँ को शब्द पचिसकेको थियो |

उनि सुनाउदै थिए कतिले त उनलाई नहेरी कहाँ जाने हो भै भनेर सोध्थे रे अनि उनलाई देकेपछी लाजले भुत्तुक्कै हुन्थे रे | अनि कतिले चाही हजुरबा पनि भने रे | उनले यस्तो काम गर्न थालेको ५ बर्ष भयो रे यसबीचमा उनले धेरै थरि मानिसहरुलाई चक्रपथमा ओहोरदोहोर गराइसकेका थिए | बढ्दो बुढ्यौलीसंगै अब काम गर्न नसक्ने हुदै जना थालेको बताउदै थिए उनि | उनलाई यात्रुको उनीप्रतिको अपमान वा मान केहीको चासो थिएन चासो थियो त केवल पेट पाल्ने कसरि? भन्ने मात्रै | मलाई अचम्मका साथै साहास अनि गर्व र आनन्द पनि लग्यो उनलाई देखेर तर आफु थलिएपछि कसले पल्ला भन्ने चिन्ता चाही उनको अनुहारमा प्रस्टै देखिन्थ्यो | घरमा को को छन् त भन्ने प्रश्नमा अलि भाबुक बन्दै छोराहरु दुइवटा २५ र १५ बर्षका छन् भन्ने उत्तर दिए उनले तर उनले ठुलो छोरो दुर्व्यसनी भएको र सानो छोरो पढ्दै गरेको बताए | अब ओर्लने समय आएकोले उनीसंग नचाहदै नचाहदै बिदाबारी भएर ओर्लिए तर फेरी पनि उनलाई भेट्न मनभरि चाहना लिएर आफ्नो काममा लागियो |

नभन्दै एकदिन जाडो मौसममा उनलाई भेटियो फेरी मेरो मनमा उनका बारेमा विभिन्न जिज्ञासा पलायो | तर सोधिहाल्न आंट आएन तै पनि आंट गरेर केहीबेर पछी सोधे | यसपटकको भेटमा भने उनि अझ बढी खुलेर कुरा गरे उनलाई माओबादी युद्धताका बिस्थापित गराइएको रहेछ | त्यै बेला देखि काठमाडौँ नदेखेका उनि काठमाडौँ आइपुगेका थिए र बसमा खलासी बनेका थिए | उनको कथा जति सुन्यो उति दर्दनाक र खल्लो अनि पिडा भरिएको भएकोले अब सोध्न मन लागेन | तर उनि भने कुरा मोडेर राजनीतितर्फ लागे र भन्दै थिए जनताका लागि लड्ने भन्ने अनि देश बिकाश र सम्पूर्ण जनतालाई समान हकहित प्रदान गर्ने भन्दै जनताका सामु देखा पर्ने नेता र राजनीतिक दलहरुले गर्ने बन्द हड्तालले उनको रोजी रोटि खोसेको गुनासो पनि गर्दै थिए | अब गन्तव्य आएकोले उनको भाडा दिएर आफ्नो बाटो लाग्दै गर्दा उनको मुहार आँखा अगाडी आएर भन्दै थियो गौशाला..... चाबहिल................... |

---शुभम सिंह

'डा. भक्तमान' अपहरणदेखी रिहासम्म सबै रहस्यमय र अचम्म

2010-06-07T10:58:00.002-06:00

डा. भक्तमान अपहरणको १९ दिनपछी बल्ल बल्ल रिहा भए । न त प्रहरिले अपहरणकारी पत्ता लगाउन सक्यो न भक्तमानको रिहाइपछी कुर्लिने माओवादीहरुले नै पत्ता लगाउन सके । जे भएपनी खुशीको कुरा हो डा. भक्तमान सकुशल रिहा हुनु । तर जसरी उन्को रहस्यमयी ढंगबाट अपहरण भयो त्यसरी नै उनको रिहाइ अझै रहस्यमयी भएको छ । अझ रहस्यमयी त उनको कहानि छ । अपहरणकारी त कतै नामै नसुनिएको हिन्दू जनता पार्टी रे । अनी केही समयपछी काठमान्डौमा सर्वजनिक हुने रे अन्य जिल्लामा चाँही सार्वजनिक भईसकेका छन रे (तर कुनै तथ्य बहिर आको था'छैन) । अपहरणकारीले उनलाई रिह गर्न न फिरौती रकम मगे न कुनै सर्त सार्वजनिक गरे न त आफुले अपहरण गरेको भनेर वा रिह गर्दै छौ भनेर कुनै विज्ञप्ती नै जारी गरे ।

अब उनको कुरामा कतिको सत्यता छ त्यो त उनै जानुन तर उनको यो कुरा पुरै काहानी र फिल्मी स्टाईलको छ अनी उनी छन साह्रै डरमा । कारण उनी कुनै पनि कार्यक्रममा खुलेर कुरा गरिरहेका छैनन मानौ उनको मुखबाट सत्य बाहिर आउला । अनी अपहरणकारीको धम्कीले नराम्रा्ओ र उग्र रुप लेला । मलाई त लाग्छ अहिलेसम्मा डा भक्तमान हैन एउटा रङ्गकर्मी बोलिरहेको छ जस्को मुखबाट निर्देशकको निर्देशन अनुसारका वाक्यहरुमात्रै बहिर आइरहेका छन ।

अर्को रहस्य यो पनि छ कि माओवादी नेता अमिक शेरचन गर्जिरहेका छन कि उनिहरुलाई थाहा थियो कि भक्तमान कहाँ छन र कस्ले कस्तो अवस्थामा राखेका छन भनेर तर खै किन समतिएनन त अपराधीहरु । यस्ले के यो संकेत गर्छ कि माओवादीले नै अपराधीलाई संरक्षण गरेर राखेको छ र अपराधी थाहा हुँदाहुँदै पनि सुरक्षा निकायलाई पनि जानकारी दिन चाहदैन । त्यसैले अबदेखी बोल्दा अलिक होस् पुर्याएर र सोचेर बोल्ने कि नेताज्यु । यस्तो अवस्थामा जनताले कसलाई विश्वाश गर्ने न सरकारलाई, न नेता तथा राजनीतिक दलहरुलाई न त सुरक्षा निकायलाई ??

यसै बिच नागरिकन्युजडटकोममा यस्तो समाचार आएको थियो .
'डा. भक्तमानको अपहरण इसाइ मिसनको सहयोगमा माओवादीद्वारा'

जेठ २४ (नागरिक)- हिन्दू प्रजातान्त्रिक पार्टीले डा. भक्तमान श्रेष्ठको अपहरण इसाइको निर्देशनमा माओवादीले गरेको आरोप लगाएको छ। पार्टीले हिन्दू समुदायलाई बदनाम गराउन इसाइ मिसनहरुको निर्देशनमा युरोपियन युनियनसमेतको संलग्नतामा यो घटना गराइएको दाबी गरेको छ।
पार्टीका अध्यक्ष विष्णुकुमार प्रसाई‌द्वारा जारी विज्ञप्तिमा इसाइ मिसनअनुसार माओवादीले हिन्दूहरुलाई बदनाम गराइरहेको आरोप पनि लगाइएको छ। 'उनलाई यसो नगरे ज्यान मार्ने धम्की दिएको हुन सक्छ', विज्ञप्तिमा भनिएको छ- '४-५ हजार सेना अपहरित स्थानमा थिए भन्ने भनाइ भ्रामक र नियोजित हो। यदि त्यस्तो हो भने डाक्टर श्रेष्ठ माओवादी लडाकु शिविरमा थिए।'
डा. श्रेष्ठ माओवादी निकटस्थ व्यक्ति भएको भन्दै उक्त पार्टीले हिन्दू पार्टीको नाम दिइ अपहरणको आरोप लगाउने माओवादीप्रति भर्त्सना पनि गरेको छ।- News Source: http://nagariknews.com

अन्त्यमा
सानो कुरामा नाराबाजी गर्ने र आन्दोलन गर्दै देश ठप्प बनाउने र आफूलाई जनप्रतिनिधी भन्नेहरु किन चुप रहे । डा. भक्तमान सत्य कुरा बोल्न किन डराइरहेका छन ?? अनी सत्य के हो कहिले बहिर आउँछ जब कि दुइचार वटा छानबिन समिती गठन भयो उनकै अपहरणको छानबिन गर्न ???

संविधानको समय सिमा हैन तलब र भत्ता थप

2010-05-29T11:15:00.001-06:00

जसरि जनताले राणाशसाण हटाए त्यसरी नै प्राण भन्दा प्यारो लाग्ने र विष्णुका अवतार मानिने राजापनि फाले त्यसै गरि तिमीहरुको पनि त्यै दिन नआउला भन्न सकिन्न | त्यसैले बेलैमा विचार गर नेताहरु !!!!!

हिजो जेठ १४ गते हाम्रो अन्तरिम संबिधानको अन्तिम र नयाँ नेपालको समाबेशी संविधानको पहिलो दिन हुनुपर्थ्यो तर......... तरले कुरो बिगार्यो फलस्वरूप नयाँ संबिधान जारी गर्न भनेर एक बर्ष समय थपियो अन्तरिम संविधानको | अन्तरिम संविधानको मिति त थपियो तर यहाँ पनि तरले कुरो बिगार्न सक्छ यत्रो समयमा त केहि तयारी छैन भने एक बर्षमा नै संविधान बनाउलान यी सभासदहरुले भनेर के विश्वास गर्नु ? खैर छाडौं यी कुरा, आखिर या त नयाँ संबिधान जारी या त अन्तरिम संविधानको म्याद थप त गर्न नै थियो मुलुकलाई बचाउन | तर अनौठो के छ भने आखिर अन्तिम घडीमा आएर मिल्नु नै (राजनीतिक भाषामा झुक्नु नै थियो ) थियो भने यत्रो नाटक किन गर्नु र जनतालाई किन नानाभाति भनेर दुख दिनु |

हुन त देशको अवस्थाबारे गम्भीर थुप्रै जनताहरु रातभर नसुतेर TV र रेडियोमा समाचार तथा प्रत्यक्ष प्रशारण हेरेर बसे होलान र कतिपय दिनभरिको थकानले गर्दा सुते होलान | जनताले जे सोचेका थिए ठिक बिपरित भएको थियो यद्यपी जनाचना भने त्यहिँ थियो जे भयो | जे भो राम्रै भो | तर बिहान पत्र पत्रिका भेट्नासाथ राजनीतिक घटनाक्रम जान्न समाचार हेर्नेहरुको गल्लिदेखि चोक चोक र चिया पसल अनि कफी पसलमा समेत त्यै बिषयमा गफ हुन थालेको थियो अझ भनौ सबै सर्वसाधारणको चर्चाको बिषय बनेको थियो संबिधानसभाको म्याद थप्ने कार्य | बिहानै पत्रिका किन्न जादा एउटा पसलमा बसेका बुढा बाजेहरुको गफ सुनेर भने अचम्म लाग्यो कुरो सहि पनि थियो | उनीहरु भन्दै थिए कि यो त संबिधानसभाको हैन सभासद्हरुको तलब र भत्ताको पो समयसीमा थप गरेको हो रे | किन भन्दा त संविधान निर्माणका लागि दुइ बर्ष होइन दुइ महिना काफी हुन्छ रे | पहिला पहिला संबिधान बन्द पनि यस्तो बर्षौ लागेको थिएन नि त | तर अहिलेको संबिधान बनाउन एक बर्ष सम्मको समय ठिक समय हो रे किनकि सबैको भावना र विचार समात्ने संबिधान बन्न केहि समय लग्नु ठिकै हो तर समय थपेर झगडा गरेर मात्रै भत्ता पचाउने हो भने त उही बजेहरुले भने जस्तै संविधानको समय सिमा हैन तलब र भत्ता थप भा'को हो |

अझै पनि सहिदहरुको सपनालाई कुल्चेर तिमि नेताहरु कति माथि जना चाहन्छौ ?? हे नेताहरु अब त तिमीहरुको घैंटोमा घाम लागोस सधै रास्ट्रको ढुकुटी रित्याएर आफु आफुमा झगडा गरेर र भाई भाईका बिरुद्धमा भाई भाई लडाएर मात्रै नयाँ नेपाल र नयाँ संबिधान बन्दैन | जसरि जनताले राणाशासण हटाए त्यसरी नै प्राण भन्दा प्यारो लाग्ने र विष्णुका अवतार मानिने राजापनि फाले त्यसै गरि तिमीहरुको पनि त्यै दिन नआउला भन्न सकिन्न | त्यसैले बेलैमा विचार गर नेताहरु !!!!!

अब झन्डा नबोक्ने जनताको मर्का कसले बुझ्ने, जंगली जनावरले?

2010-05-12T05:27:00.001-06:00

सन्तोष रिमाल, काठमाडौं, वैशाख २९- नेपाली आकासमा निजी कम्पनी विमानहरूको चुरीफुरी बढ्दो छ। तर, सरकारी विमानको हालत भने पखेटा काटिएका पन्छीहरूको जस्तो छ। हिजोआज टिभीमा 'मुटु चाहिन्छ मुटु' भन्दै छाइरहने कलाकार तथा विमानचालक विजय लामाले मंगलबार नागरिकसँग यही विषयबाट कुराकानी सुरु गरे।

'नेपाल वायुसेवा निगमको स्थिति खस्कनुमा दोषी को?' यो पहिलो प्रश्नमा निगमका क्याप्टेन विजयले ढाकछोपको प्रयास गरेनन्, 'हामी कर्मचारी नै हौं। दोषबाट पन्छिन अरूलाई किन औंला देखाउनु?'

कर्मचारीमाथि राजनीति हावी हुनाले एकअर्कामा विभाजित भएको उनले अनुभव गरेका छन्। उनलाई लाग्छ व्यवसायिक सफलताको तगारो यही हो।
'युनियन धेरै भए। युनियनहरूले गर्दा निगम व्यावसायिकभन्दा राजनीतिक थलो बन्यो,' उनले भने, 'आवाजको गतिमा चल्नुपर्ने निगममा झटपट निर्णय हुनुपर्ने हो।' तर, निगममा पञ्चभेलाले जसरी निर्णय गर्ने शैलीदेखि उनी दिक्क छन्। पछि पर्नुको एउटा कारण यसैलाई मान्छन्।

'सबैको राय बुझेर निर्णय गर्न खोज्दा लामो समय लाग्छ। २१ औं शताब्दीको एयरलाइन्स क्षेत्रको बाधक भनेकै ढिलसुस्ती हो,' अरु कार्यालयजस्तै सरकारी पाराले निगमलाई पनि सताएको उनले दोहोर्‍याए।

निगम माथि उठ्न सकेन, कर्मचारीका नाताले विजय दुःखी छन्। तर, उनको नजरमा निगमको यो स्थिति एउटा सानो घाउमात्र हो। देशलाई शरीर निगमलाई एउटा अंग मान्दै उने भने, 'शरीर तन्दुरुस्त भए पो सानातिना रोगले छुँदैन। हाम्रो त देशै बिरामी छ।'

उनले आफ्नै अनुभव सुनाए, 'म भरिएको जहाज उडाएर विदेश जान्छु। फर्किदा खाली हुन्छ।' देश छाड्ने युवामात्र होइन अहिलेको परिस्थितिले यात्रा छोट्याएर स्वदेश फर्कने पर्यटकप्रति समेत उनी संकेत गर्दैथिए। 'देशको अवस्था राम्रो नभएपछि सबैतिर यस्तै हो। भ्रमण छोट्याएर फर्कने पर्यटकको लर्कोले नै यो देशको अवस्था चित्रण गर्छ,' उनले भने।

धेरै नेपालीलाई विदेश पुर्‍याएका यी पाइलट आफूले विदेशिने सपना भने कहिल्यै नपालेको बताउँछन्। 'नेपाली हुनुमा गर्व गर्ने व्यक्ति हुँ म। तर, अब त नेपाली हुँ कि होइन भन्नेमा शंका लाग्न थाल्यो,' एकीकृत माओवादी अध्यक्ष प्रचण्डले शनिबार गरेको भाषणपछि उनले व्यक्त गरेको प्रतिक्रिया हो यो।
'जनता हुन त कि माओवादीमा लाग्नुपर्ने रहेछ। कि सरकारको मान्छे भएर उनीहरूको प्रतिकारमा उत्रनुपर्ने रहेछ,' विजयले प्रश्न गरे, 'मजस्तो समर्थन र प्रतिकारको खेलमा नलाग्नेहरूलाई स्वतन्त्र नागरिक भएर बाँच्ने अधिकार छैन?'

'कित्ता क्लियर' गर्ने बहानामा उनका केही सहकर्मी कलाकार माओवादी प्रवेश गरे। ६ दिने आमहडतालमा उनीहरूको 'सडक कलाकारिता' राम्ररी नियालेका रहेछन् विजयले। पर्दामा राम्रो कला देखाउनेले सडकमा प्रदर्शन गरेको कला उनलाई मन परेन।

'ती सबैका प्रिय कलाकार थिए। सबैको मान्छे हुन छोडेर उनीहरू किन एउटा पार्टीको हुन गए मैले बुझिन। फराकिलो छवि किन घटाउन मन लागेको होला!' उनले आफ्नो भनाइ राखे, 'मान्छे हजारपटक होइन एकपटक मर्छ। म कुनै पार्टीको कार्यकर्ता होइन नेपाली भएर मर्छु।'

केही कलाकर्मी आन्दोलनको उचाइ बढाउन लागिरहँदा उनी शान्तिर्‍यालीमा सहभागी थिए। जसको प्रभाव स्वरूप हडताल स्थगित भयो। त्यो खबरले उनलाई जति खुशी बनायो त्यतिकै दुःखी भएँ भन्छन् माओवादी अध्यक्ष प्रचण्डको भोलपल्टको भाषणले।

'नागरिक समाज, व्यापारी, बुद्धिजीवी सम्मिलित शान्तिर्‍यालीलाई भिजिलान्ते भन्नु साह्रै आपत्तिजनक भनाइ हो,' उनले बिमति पोख्दै गए, 'यदि त्यो भिजिलान्तेको भीड थियो भने किन कसैलाई नपकडेको? त्यति ठूलो पार्टीको नेताले बोल्दा विचार पुर्‍याउनुपर्छ।'

प्रचण्डको भाषणमा मैलालाई सुकिलो बनाउने चाहना भेटेनन् उनले। 'उनी मैलालाई सुकिला होइन सुकिलालाई मैला बनाउने दिशातिर बढ्न खोज्दैछन् जस्तो लाग्यो,' उनी समानताकै विषयमा पोखिए एकछिन, 'सबै जनता बराबर हुनै सक्दैनन्। बरु अवसरचाहिँ समान बनाउन सकिन्छ।'

त्यसो त उनलाई प्रधानमन्त्री माधव नेपालको शैली पनि मन परेको छैन। 'उद्योगीव्यवसायीहरू समस्याको पोको बोकेर पुगे। तर, उनी उल्टै सर्पलाई दूध पिलाएको आरोप लगाउँदै कड्किए,' उनले भने, 'कुखुरा नबास्दै सिंहदरबार छिर्ने मन्त्रीहरूको नियति जनतासामु छिपेको छैन। उनीहरूले आफ्नै सुरक्षाको प्रत्याभूति गर्न सकेका छैनन्, जनताको के गर्लान्?'

ठूलो पार्टी र सरकारको मारमा जनता पिल्सिएकोमा उनले दुःख प्रकट गरे। कुनै पार्टीले नछोएको जनताको अवस्थाप्रति उनलाई चिन्ता छ। 'अब झन्डा नबोक्ने जनताको मर्का कसले बुझ्ने, जंगली जनावरले?' विजयले प्रश्न गरे।

प्रधानमन्त्री र प्रचण्डको टक्करका कारण जनताले दुःख पाएको आरोप उनले निर्धक्क लगाए। 'उनीहरूले गद्दीको शासन चलाएका छन्। यसमा जनता मर्नु ठूलो कुरा रहेन,' यति बोलेपछि उनी आफ्नो टिभी कार्यक्रम 'ब्ल्याक एन्ड ह्वाइट'को सुटिङमा लागे, जहाँ उनी सेलिब्रिटीमार्फत् समाजको चिरफार गर्छन् |

Source:nagariknews.com

राजनेता कि अराजकनेता ??

2010-05-05T00:13:00.001-06:00

सामान्यतया राजनेता भन्नेबित्तिकै हामी सबैले बुझ्ने कुरा हो राजनीति गर्ने व्यक्ति भनेर। राजनेताको परिभाषा धेरै थरि होला तर मेरो बुझाइमा भने राजनेता भनेका त्यस्ता व्यक्ति जो देशलाई शान्त सम्ब्रिद्द र बिकसित बनाउने उद्देश्यले देशका लागि राजनीति गर्ने व्यक्ति हो। अरजकनेता भनेको चाही अराजक कार्य गर्ने तथा त्यस्ता व्यक्तिहरुको नेतृत्व गर्ने व्यक्ति हो ।
            अब क.प्रचण्ड जो दशबर्षे गृहयुद्ध पश्चात शान्तिपूर्ण रुपमा राजनीति गर्ने भनेर देशकै ठुलो पार्टीका अध्यक्षका रुपमा उदाएका छन् राजनेता हुनकी अराजकनेता ? दुविधा यहानेर किन छ भने देशमा दिगो शान्ति ल्याउने र मुलुकको बिकाश गर्ने सपना जनतालाई बाँडेर र नेपालीलाई जनताको संबिधान दिने नारा लिएर आएका प्रचण्ड आफै अहिले आएर आन्दोलनजस्तो अराजक कार्य गर्न थालेका छन् । उनकै आदेश पाएर हो वा के हो गाउँ गाउँमा एक परिवार एक सदस्यका दरले आन्दोलनमा उत्रनुपर्ने भन्दै मानिसलाई ल्याइएको भन्ने खबरहरु पत्रपत्रिकामा आउन थालेका छन् ।

             यसरि जब्बरजस्ती घर घरबाट मान्छे उठाएर ल्याउने कार्यबाट आन्दोलन सफल हुनेभन्दा पनि क.प्रचण्ड र उहाँको पार्टीको अराजक छबी प्रष्ट हुन्छ क.प्रचण्डको मात्रै होइन नेपालका सबै नेताहरुको हाल यस्तै छ । यस्तो अराजक कार्यबाट सरकारमा बस्नेले होइन जनताले दुख पाउछन भन्ने कुरा प्रचण्ड लगायत सम्पूर्ण नेताहरुले किन बुझ्दैनन् ? आखिर सबै जनता नेताहरुकै पछी किन लाग्छन आफुले दुख पाउने थाहा पाउदा पाउदै ? हुन त राजतन्त्र अलि बढी नै अराजक भएकोले फालिएको हो तर यहाँ त राजतन्त्रको अन्त्य पछी १ जना राजाको ठाउँमा ६०१ राजाहरु आए जसले गर्दा एक जना होइन सबै नेताहरु अराजक कार्य गर्ने अरजकनेता बन्न पुगे ।

अब यस्तो अवस्थामा हाम्रा देशका सम्पूर्ण नेताहरुलाई राजनेता भन्ने कि अराजकनेता भन्ने ?? अझ वर्तमान अवस्थामा क.प्रचण्डलाई के भन्ने प्रश्न तपाइहरुलाई नै !

क.प्रचण्डलगायत सम्पूर्ण दलका नेताहरुलाई राजनेता बन्नका निमित्त जनताको मन जित्न र देश र जनताका लागि लड्नुका साथै देशमा शान्त र सम्बृद्ध बनाउन नयाँ संबिधान बनाएर अराजक स्थितिको अन्त्य गरि शान्त र सम्बृद्ध नेपालको निर्माणतर्फ अगाडी बढ्नुहोस यहि छ हाम्रो सुझाव ।

पक्ष र प्रतिपक्षका कमरेडहरुलाई चिट्ठी

2010-05-03T01:00:00.002-06:00

कमरेड प्रचण्डलाई खुला चिट्ठी
लालसलाम,अनि न्यानो अभिवादन
कमरेड
कमरेडको गाथमा त आरामै होला नत्र त आन्दोलन गर्नुको सट्टा कुन देश पुग्नुहुन्थ्यो होला उपचारार्थ तर हामी जनता र बिद्यार्थीहरु शारीरिक र मानसिक रुप दुबैले अस्वस्थ भएका छौ हजुरको आन्दोलनले ! दुइ छाक खान पनि दिनभरी परिश्रम गर्नुपर्ने हाम्रो त गांसै तपाइले बन्द गरिदिहाल्नुभयो | हुन त नेपाल पर्यटन बर्ष २०११ सफल पर्न प्रमुख लगायत अन्य केहि दलका प्रमुख नेताहरुले बन्द हड्ताल र आन्दोलन नगर्ने भनि प्रतिबद्दता जनाएको थाहा पाएर अब देशमा केहि होला भन्ने सोचेका म र मजस्ता बिद्यार्थी र जनता तपाइको कदमले फेरी जिल्लिएका छौ | कमरेड हजुरको आन्दोलनले हाम्रो त परिक्षा पनि स्थगित भयो रे दिनरात गरेको परिश्रम पनि खेर गयो | कमरेड तपाइको नागरिक सर्वोच्चता अनि संबिधान निर्माणको नारा कहिले सम्म टिक्ला र त्यै जेठ १४ गते सम्म त हो नि त्यसपछि त जनताले तपाई जस्ता नेताहरुलाई के विश्वास गर्ने | कमरेड तपाइलाई मेरा हजुरबा-हजुरआमा, बा-आमा, दाजु-दिदिहरुले भोट दिएर जितेको आन्दोलन गर्न होइन त्यो त देशमा दिगो शान्तिका निमित्त नयाँ संबिधान बनाउनका निमित्त हो | त्यसैले कमरेड अब आन्दोलन छोडेर सहमतितर्फ लाग्नुस् हो कमरेड ठुलो दलका हिसाबले तपाइको पार्टीकै नेतृत्वमा सरकार बन्नुपर्छ र अन्य दलहरु पनि सहमतिको निम्ति लचिलो बन्नुपर्छ | यसर्थमा माधव नेपालले पनि त तपाइको बाहेक अरुको नेतृत्वको सरकार बनाउने भएमा आफु छोड्न तयार छु भनेका छन् नि त्यै भएर तपाईकै पार्टीका डा. बाबुराम लाई प्रधानमन्त्रि बनाउने प्रस्ताव राख्नुहोस न त अनि सहमति गर्नुहोस |

बिन्ति छ कमरेड जनतालाई नमार्नुस जनयुद्धको नाममा १५००० नेपाली जनता मरे अब फेरी जनताको रगतको खोला नबगाउनुस | कमरेड कुर्सीका निमित्त किन जनताको रगत बगाउनु हुन्छ ? के तपाई सत्तामा गए मात्रै संबिधान बन्ने र नागरिक सर्वोच्चता स्थापना हुने हो त ? गिरिजाबाबुको मृत्यु लगत्तै जुर्मुराएका राजा अनि चार दिन अघि नेपाल आएका पारसलाई जेठ १४ पछीको विकल्पका रुपमा देख्न नपरोस भन्ने जनचाहनालाई किन लत्याउनु हुन्छ ? यस्तै चाला तपाई नेताहरुको रहने हो भने तयार हुनुहोस जनताको सामना गर्न मात्र कुर्नुस जेठ १४ अनि तपाई लगायत अन्य दल र नेताहरुको हाल के हुन्छ ?

अन्तमा, देशमा संबैधानिक रिक्तता नाराखिदिनुहोला भन्दै मेरो पत्र टुंग्याउछु |
उही तपाइको शुभचिन्तक
जनता बिद्यार्थी

प्रधानमन्त्रि तथा क.माधवलाई खुला पत्र
सर्व प्रथम त कमरेडलाई पनि
लालसलाम,अनि न्यानो अभिवादन
कमरेड तपाई त आरामै हुनुहुन्छा भन्ने पक्का छ किनकि तपाइलाई त भारतको साथ् र आशिर्बाद दुवै छ | तर हामी जनतालाई भने दिनहुको बन्द र हड्तालले सारै गारो पर्यो कहिले स्कूल बन्द त कहिले कलेजको परिक्षा स्थगित अनि कम गरेर खान पनि नपाइने, सधै चन्दा आतंक सारै गारो भो कमरेड तपाई त देशकै ठुलो मान्छे लुना केहि गर्नुस | कमरेड हुनत बालुवातारमा बसेर जनताको दुख तपाइले के बुझ्नुहुन्थ्यो तै पनि केहि कुरा हजुरलाई सुनाउन अनि झक्झकाउन मन लाग्यो | कमरेड देशमा यति धेरै त्राश छाहिसक्यो कि अब त्यो त्राशलाई हटाउन गार्है पर्ला | कमरेड दिनहुको बन्द हड्ताल अनि के के ले हामीलाई त बच्ने गार्हो भो | कमरेड पहिले पनि जनयुद्ध र जनान्दोलन भन्दै हजारौ जनता मरी अहिले पनि फेरी जनता नै मारिनेवाला छन् त्यसैले सहमतिको विकल्प छैन र सहमति गरेरै अगाडी बढ्नुस न | कमरेड तपाइलाई प्रचण्डको नेतृत्व अमान्य भए क.डा.बाबुराम लाई आगाडी ल्याउने कम गरौँ न त कमरेड | कृपया बेलैमा सहमति गरेर हामीलाई नयाँ संबिधान दिनुस न कमरेड | कमरेड म कुनै नेता होइन रण साहित्यकार पनि होइन त्यसिए धेरै लेख्न आउदैन |
गिरिजाबाबुको मृत्यु लगत्तै जुर्मुराएका राजा अनि चार दिन अघि नेपाल आएका पारसलाई जेठ १४ पछीको विकल्पका रुपमा देख्न नपरोस भन्ने जनचाहनालाई किन लत्याउनु हुन्छ ? यस्तै चाला तपाई नेताहरुको रहने हो भने तयार हुनुहोस जनताको सामना गर्न मात्र कुर्नुस जेठ १४ अनि तपाई लगायत अन्य दल र नेताहरुको हाल के हुन्छ ?
अन्तमा, देशमा संबैधानिक रिक्तता नाराखिदिनुहोला भन्दै मेरो पत्र टुंग्याउछु |
उही तपाइको शुभचिन्तक
जनता बिद्यार्थी

हुन त हिरा काट्न हिरा नै चाहिन्छ भन्थे त्यै भएर होला नेपालका कम्युनिस्टहरुले नै एक अर्काको खुट्टा तान्ने प्रवित्ति जागेको | सरकार प्रमुख कमरेड कुर्सि छोड्न तयार छैन अनि प्रतिपक्षका प्रमुख कमरेड जनतालाई सपना देखाएर जनताकै बलि चडाउन छाड्दैनन | यी दुइ कमरेडहरुले नेपालमा गर्न के खोजेका हुन ? हुन त हामी जनताका कुरा सुन्ने फुर्सद यी कमरेडहरुलाई साडी होला तैपनि केहि नलेखी बस्न सकिएन | त्यसैले यी पत्रहरु लेखेको हुँ | मलाई थाहा छ यो मेरो कुरा कुनै नेताहरुले सुन्दैन त्यै पनि मनको बह पोख्ने मध्यम बनाएको मात्रै हुँ |

बधाई छ ! कमरेड तपाई सफल हुनुभयो |

2010-05-02T05:20:00.000-06:00

वाह ! कमरेड महान काम गर्नुभयो,
बधाई छ कमरेड तपाई सफल हुनुभयो

गरिब जनताको दुई छाक बन्द गर्नुभयो
काम गरि खानेलाई काम गर्न रोक्नु भयो
वाई-स्याल परिचालन गर्नुभयो
अनि आन्दोलन गर्नुभयो, ठुलै काम गर्नुभयो
वाह ! कमरेड महान काम गर्नुभयो,
बधाई छ कमरेड तपाई सफल हुनुभयो

सोझा जनतालाई नाना सपना देखाउनु भयो
गाउँ गाउँका कृषकलाई काठमाडौं ल्याउनुभयो
मजदुरलाई मालिकसंग झगडा पनि गराउनु भयो
कम्युनिस्टको खोल ओढेर सत्तामोहको हद पनि देखाउनु भयो
वाह ! कमरेड महान काम गर्नुभयो,
बधाई छ कमरेड तपाई सफल हुनुभयो

शन्तिपूर्ण आन्दोलनको तयारी र तौर तरिका पनि देखाउनु भयो
आन्दोलनकै नाममा विध्यालय र कलेज पनि बन्द गराउनुभयो
हड्ताल भन्दै परिक्षा स्थगित गराएर विध्यार्थिहरुको परीश्रममाथि खेलबाड गर्नुभयो
विध्यार्थीहरु नै प्रयोग गरेर बिध्यार्थीहरुलाई अन्यौलग्रस्त गराउनु भयो
वाह ! कमरेड महान काम गर्नुभयो,
बधाई छ कमरेड तपाई सफल हुनुभयो

राष्ट्र निर्माणमा युनिटी र न सुबिधा न पैसा फिर्ता

2010-05-02T05:03:00.001-06:00

आज एकै दिनका दुइ प्रमुख दैनिक पत्रिकाहरुमा प्रकाशित समाचारहरुको हेड लाइन हुन् यी | पहिलो राष्ट्र निर्माणमा युनिटी लाईफ शिर्षकको बिज्ञापन भनौं वा समाचार भनौं गोरखापत्रमा प्रकाशित भएको थियो भने दोस्रो न सुविधा, न पैसा फिर्ता शिर्षकको समाचार भने नागरिक दैनिकमा प्रकाशित भएको हो | तपाइले पहिलो समाचार यहाँ हेर्न सक्नुहुन्छ भने दोस्रो समाचार जस्ताको तस्तै तल हेर्नुस :

रोशन साँवा, इलाम, वैशाख १९- एस्योरेन्स युनिटी लाइफ इन्टरनेशनल प्रालिले आजिवन निशुल्क स्वस्थ्य सुविधा दिने भन्दै १० देखि १५ हजार सात सय ५० रुपैंया लिएर 'स्वस्थ्य सदस्य' बनाएको छ। यसरी स्वास्थ्य सदस्य बन्नेले एक पैसा पनि फिर्ता पाउँदैनन् र बिमा सुविधा पनि हुँदैन।

गत असोजमा इलाम सदरमुकाममा सञ्चालित १५ शैयाको युनिटी लाइफ अस्पतालमा मापदण्डअनुसार जनशक्ति तथा प्रभावकारी सेवा नभएको पाइएको छ। सो अस्पतालले मापदण्डअनुसार आवश्यक चिकित्सक तथा स्वास्थ्यकर्मी राखेको छैन।

जिल्ला जनस्वास्थ्य कार्यालयका प्रमुख एवं जिल्ला अस्पताल इलामका मेडिकल सुपरिटेन्डेन्ट डा. तारानाथ पोखरेलले १५ शैयाको अस्पतालमा कम्तिमा तीन जना एमबीबीएस गरेका चिकित्सक, छ जना नर्स, दुई जना हेल्थ असिस्टेण्ट, दुई जना अहेव हुनुपर्छ। तर युनिटी लाइफ अस्पतालमा एमबीबीएस चिकित्सक एक, दुई जना नर्स, एक जना हेल्थ असिस्टेण्ट र दुई जना अहेव छन्।

एस्योरेन्स युनिटी लाइफ इन्टरनेशनल प्रालिले आजीवन निःशुल्क स्वास्थ्य सुविधा दिने भन्दै १० देखि १५ हजार सात सय ५० रुपैयाँ लिएर 'स्वास्थ्य सदस्य' बनाएको छ। तर, यसरी स्वास्थ्य सदस्य बन्नेले एक पैसा पनि फिर्ता पाउँदैनन् र विमा सुविधा पनि हुँदैन।

कम्पनीले इलाम सदरमुकाममा सञ्चालन गरेको युनिटी लाइफ अस्पतालका प्रशासकीय अधिकृत पुष्प खड्काले स्वास्थ्य सदस्यलाई बैंकिङ सदस्यलाई जस्तो बचत र विमाको सुविधा नहुने बताए। 'स्वास्थ्य सदस्य हुने परिवारका सदस्यले पनि अस्पतालमा २५ प्रतिशत छुटमा स्वास्थ्योपचार सेवा पाउँछन्,' उनले भने। 'अस्पताल जाने कहिलेकाहीं त हो, औषधीको पैसा तिर्नैपर्छ, एकमुष्ठ पैसा तिरेर सोझै ठगिएका रहेछौं नि,' एक स्वास्थ्य सदस्यले भने।

युनिटीका स्वास्थ्य सदस्य बरबोटेका बालकुमार श्रेष्ठले अस्पतालले दिने स्वास्थ्य सुविधा पनि चित्त नबुझेको बताए। 'दुई महिनाअघि अचानक विरामी भएर अस्पताल पुग्दा सदस्यताको कार्ड मसँग थिएन, सदस्य हुँ भन्दा पनि छुट दिएनन्। महँगो पनि लाग्यो,' उनले भने। उनले त्यसपछि युनिटी अस्पतालमा जानै छाडेको बताए। युनिटीको इलाम शाखाले स्वास्थ्य सदस्यको संख्या केन्द्रबाट मात्र उपलव्ध हुन सक्ने जनाएको छ।

युनिटी लाइफ अस्पतालले दिने सेवासुविधाका बारेमा पनि प्रशस्तै गुनासो सुनिन थालेको छ। अस्पतालको प्रयोगशाला त अझ झन् भरपर्दो नभएको सेवाग्राहीले बताएका छन्। 'युनिटी लाइफ अस्पतालले रगत ए पोजेटिभ भनेर पठाएको मान्छेको यहाँ पुनः परीक्षण गर्दा एबी पोजेटिभ देखियो,' जिल्ला अस्पताल इलामका प्राविधिकले भने। युनिटीकै एक सदस्यले युनिटी अस्पतालमा र जिल्ला अस्पतालमा रगतको आरबीसी (रेड ब्लड सेल) गणना गर्दा अलगअलग नतिजा आएको बताए। 'युनिटीमा आरबीसी १९ हजार देखायो, लगत्तै जिल्ला अस्पतालमामा परीक्षण गर्दा ११ हजार देखियो जुन नर्मल रहेछ। १९ हजार हुँदा त थान्को नै लागिने रहेछ,' उनले बताए।

अरु अस्पतालमा उपचार गराएर आएको विरामीलाई युनिटी अस्पतालले नलिने गरेको पनि सेवाग्राहीले जनाएको छ तर युनिटी अस्पतालका प्रशासकीय अधिकृत खड्काले सबैलाई सेवा दिन अस्पताल खोलिएकोले त्यसरी नफर्काउने गरेको दाबी गरेका छन्।

युनिटी लाइफ अस्पतालले सदस्यलाई उपचार खर्चमा २५ प्रतिशत छुट दिने गरेको छ तर उसले छुट दिंदा पनि अन्य अस्पतालको भन्दा महँगो पर्छ। युनिटी अस्पतालले ओपीडी दर्तामा लाग्ने ५० रुपैंया दर्ता शुल्कमा सदस्यलाई पनि छुट दिंदैन। इमरेजेन्सीमा एक सय ५० रुपैयाँ, शैया शुल्क दुई सय रुपैयाँ लिन्छ र सदस्यलाई दुवैमा २५ प्रतिशत छुट छ र औषधीमा छुट छैन। नजिकै रहेको डा. मेघबहादुर पराजुली सामुदायिक अस्पतालले ओपीडीमा दर्ता शुल्क ५०, इमरजेन्सीमा एक सय र शैया शुल्क ५० देखि एक सय २५ रुपैयाँ लिन्छ। जिल्ला अस्पताल त सरकारी हुनाले सरकारले दर्तालगायत धेरैमा निःशुल्क र छुट सुविधा दिएको छ।

Blogger has been changed in this Blog

2010-04-14T10:25:00.003-06:00

Update: हाम्रो सूचनालाई आधार मानेर १०वटा मेलहरु हामीलाई प्राप्त भएका थिए जसमध्येबाट एक जना साथीलाई हामीले यस ब्लगको ADMIN हुने अधिकार प्रदान गरेका छौ | उहाको बारेमा थप उहाले नै ब्लगमा लेख्नुहुनेछ |

हुन त यस ब्लगलाई अझ राम्रो र अझ बिबिधतायुक्त बनाउने इच्क्षा र चाहना हुँदाहुँदै पनि बिशेष कारणबस ब्लग दुनियाँबाट टाढिन पर्दा आँफैलाई कस्तो कस्तो लगेको छ | तै पनि अब लगभग १ बर्ष जती ईन्टरनेटको दुनियाँबाट नै टाढिनु छ मैले, त्यसैले म यो ब्लग जो कोही इच्क्षुक ब्यक्तिलाई यो ब्लग जिम्मा दिएर टाढिन चाहन्छु | त्यसैले कृपया यस ब्लगमा लेख्न तथा यस ब्लगलाई अझ राम्रो बनाउन र यस् ब्लगलाई चलाउन चाहने जो कोही ब्यक्तिलाई हामी स्वागत गर्न चाहन्छौ | कृपया हामीलाई हाम्रो ईमेल ठेगाना nepalikonepaliaawaz@gmail.comमा मेल गरी यस ब्लगलाई तपाईंको आफ्नो बनाउनुस् | धन्यवाद |

नोट : ब्लगलाई तपाईंको बनाउन केवल तपाईंको ईमेलको जरुरत छ पैसा पर्दैन | First come First Service को आधारमा छनौट गरिने हुँदा कृपया छिटो गर्नुहोला | धन्यवाद |
Admin
Nepaliko Aawaz
Email-nepalikonepaliaawaz@gmail.com
http://nepalikoaawaz.blogspot.com

नयाँ बर्ष २०६७ को हार्दिक शुभकामना

2010-04-13T01:15:00.000-06:00

नयाँ बर्ष २०६७ को उपलक्ष्यमा सम्पूर्ण नेपाली दाजुभाइ, दिदीबहिनीहरुमा सुख, सु-स्वास्थ्य, दिर्घायु, तथा उत्तरोत्तर प्रगतिको कामना गर्दछौ । यस नयाँ बर्षले सम्पुर्ण प्रत्येक नेपालीको घर घरमा खुसि ल्याओस् | २०६६ साल सँगै सम्पूर्ण नेपालीका मनबाट हिंसात्मक भावनाका साथै देशमा व्याप्त हत्या हिंसा आशान्ती जस्ता विकृतिहरु पनि हराएर जाउन र देशमा शान्ती छाओस,समयमै नयाँ संबिधान जारी होस्,देशमा तथा तपाईंहरु सबैको घर गाउँमा शान्ती छाओस | नयाँ बर्ष २०६७ले सम्पूर्ण नेपाललाई साच्चै सुन्दर शान्त र बिशाल बनाओस | यहाँहरु सबैमा नयाँ बर्ष २०६७ को यही छ हाम्रो शुभकामना |

परीक्षा, शिक्षक, बिद्यार्थी अनि मर्यादा र नैतिकता --2 (+2)

2010-04-06T10:58:00.001-06:00

अब कुरा गरौँ HSEB का परिक्षाहरुको जुन परिक्षामा केहि टाइट भनिने कलेजहरुले पनि बिध्यार्थीलाई चिट चोर्न छुट दिने गर्छन | अनि कुन कलेजमा आफ्नो सेन्टर पर्ने भनेर HSEB बोर्डमै गैर छलफल भएपछी सेन्टर तोकिन्छ भन्ने पनि यदाकदा सुनिने गर्छ | खैर छाडौं यस्ता कुरा कुरा गरौँ दुइ बर्ष अगाडिको जब मा HSEB बाट +२ को परीक्षा दिदै थिएँ | त्यतिखेर त झन् अचम्म भो बा! आफु परियो मध्यम स्तरको मान्छे संगै बस्ने मित्र परेछन सारै जान्ने त्यसैले सधै १ घन्टासम्ममा लगभग ३० ३२ नम्बरको प्रश्न हल गर्थे होला र १ घण्टा हुने बितिक्कै उनको टाप दिने कार्यक्रम हुन्थ्यो | तर पनि उनको नम्बर आयो ६०%मा अनि मेरो आयो फाइल डीभिजनमा | आस्चर्य र अचम्ममा एकै पटक परियो तै पनि आफुले गर्न सक्ने केहि होइन त्यै भएर अब पुन हुने Supplementary Exam मा पास हुने गरि पढियो | उही त हो पारा Supplementary Exam दिने बिध्यार्थी कस्ता हुन्छन र प्राय मै जस्ता नजान्ने त हुन् नि अनि दिइयो परिक्षा! यो पाली पास भैएछ खुसि भैयो | अनि संगै पर्ने मित्रले पनि हेर्दै बाँडीचुंडी परिक्षा दिएको भएर उनलाई सोधेको त उनको ७० नम्बर आयो रे मेरो चाही ३५ | सोधे कसरि यस्तो भयो त ? के बताउँथे बताएनन | तर पनि पछाडी बुझ्दै जादा सबै कुरा थाहा पाइयो |

राम बहादुर घलान

नोट: परीक्षा, शिक्षक, बिद्यार्थी अनि मर्यादा र नैतिकता --1 (S.L.C.) पनि लेखक राम बहादुर घलानकै लेख हो|-Admin

परीक्षा, शिक्षक, बिद्यार्थी अनि मर्यादा र नैतिकता --1 (S.L.C.)

2010-04-03T10:50:00.000-06:00

"के कुनै विद्यार्थीको बर्षभरिको पढाई मुल्याङ्कन गर्न तीन घण्टा समय पर्याप्त होला र ??" अनी "काठमाडौं Valleyभित्र चित चोर्ने र चोराउने कार्य हुँदैन त ??"

फलामे ढोका मानीने प्रबेशीका परीक्षा (S.L.C) आजबाट सकियो | यसपालिको S.L.C. परिक्षामा चिट चोर्दै गरेका बिद्यार्थी अनि चिट चोराउदै गरेका शिक्षक शिक्षिका अनि गार्डदेखि परीक्षा नियन्त्रकहरुको समेत फोटो विभिन्न छापाहरुले प्रकाशन गरेका थिए | जहाँसम्म मैले बुझेको र मेरा शिक्षक शिक्षिकाहरुले हामीलाई बुझाएसम्मको कुरा हो चिट चोर्नु र चोराउनु शिक्षक र बिद्यार्थीको नैतिकता र परीक्षाको मर्यादाबाहिरको कुरा हो | बास्तवमा नेपालको शिक्षा विश्वकै नमुना शिक्षा होला तर बिद्यार्थीको बर्षौको मिहिनेत अनि परिश्रम तिन घन्टाको परीक्षाले नाप्ने हाम्रो शैक्षिक प्रणाली गलत छ भन्छु म | तिन घन्टाको परीक्षा अनि सरकारी काममा अन्तरवार्ता लगभग उस्तै हो हुनेखाने अनि धनि र समाजका सभ्य व्यक्ति भनाउदाहरुलाई दुवै प्रक्रिया पुर्याउने बाटो | कुरा केहि बर्षअघिको हो जब म पनि S.L.C. दिने बिद्यार्थी थिए, मेरो छेउमा परेका गन्यमान्य व्यक्तिका छोरालाई सायदै १०० नम्बरको हल गर्ने जाँगर र आँट आयोहोला र त मेरो कापी हेर्दै उत्तर लेख्दै थिए आठवटै बिषयहरुमा | मैले कापी देखाइदिएकै कारणले हाम्रो मित्रता भएको थियो त्यसैबेला | अनि S.L.C.को रिजल्ट आएपछि उनलाई सोध्दा त उनको ८०.०१% आएर distinction आयो रे तर मेरो चाहिं आएको थियो द्वितीय श्रेणी त्यो पनि ५९.०८% आएर |

अब भन्नुस यस्तो परीक्षा पनि के परीक्षा?? धनि र सभ्य भनाउदाहरुले जे गर्न पनि छुट हुने हाम्रो समाज कस्तो समाज | आज S.L.C. दिने भाईबहिनीहरुले चिट चोरे यो कुरालाई मेडियाले बाहिर ल्यायो यसलाई नराम्रो गरेको भन्न खोजेको होइन मैले | हो यस्ता घटनाहरु यसरि नै बाहिर ल्याइनु पर्छ र यसरि चिट चोर्ने अनि चोराउनेहरुलाई कारबाही गरिनुपर्छ | तर यसबर्षको परिक्षामा चिट चोर्ने सबै बिद्यार्थीहरु Kathmandu Valley बाहिरका मात्रै हुन् भन्ने खालको संदेश प्राप्त भए | Kathmandu Valley बाहिरका बिद्यार्थीहरुलाई मात्रै मुछेर Kathmandu Valley भित्रका बिद्यार्थीहरुले चिट चोर्दैनन भन्ने देखाउन खोजिएको झैँ लाग्यो नत्र Kathmandu Valley भित्रका थुप्रै परीक्षा केन्द्रहरुमा पनि केहि पछिल्लो बर्षहरुमै पनि चिट चोर्ने र चोराउने काम भएको देखेको मान्छे हुँ म तर यसपाली सबै Kathmandu Valley बाहिरको मात्रै फोटो देख्दा अलि नराम्रो लाग्यो |
अन्तमा प्रश्न तपाईंहरुकै लागि "के कुनै विद्यार्थीको बर्षभरिको पढाई मुल्याङ्कन गर्न तीन घण्टा समय पर्याप्त होला र ??" अनी "काठमाडौं Valleyभित्र चित चोर्ने र चोराउने कार्य हुँदैन त ??"
नोट: LOAD SHEDDING ले गर्दा सबै कुरा एउटै लेखमा लेख्न पाइदैन बाँकि(+२ परीक्षा र परीक्षाफल अनुभव) अर्को लेखमा ......

अर्जेन्ट छ आइहल्नुस न है ! (April Fool अनुभव )

2010-04-01T11:09:00.000-06:00

"अर्जेन्ट छ आइहल्नुस न है !!!!",
"फलानोको बिहे हुदै छ तपाई पनि तुरुन्त आउनु पर्यो !!!",
"फलानो बिरामी छ, लौ फलानो ठाउँ/अस्पतालमा आउनुस है !!!"
यस्तै खबरहरुले दिनभरी झुक्यायो दिनभरी | हुन त April 1 भन्ने बिहानै थाहा थियो त्यसैले अर्जेन्ट र बिबाह भएको ठाउँमा त गइएन, तर बिरामी भने पछी त जानै पर्यो | यस्तो कुरामा पनि के झुट बोल्लान र?, तै पनि अन्तरबार्ता लिइयो, सबै साँचो साँचो जस्तै नअक्मकाइ जवाफ आयो अनि लागियो अस्पतालतिर अनि गइयो बेड नम्बर खोज्दै | बल्ल तल्ल फेला परियो ४२० नम्बरको बेड तर त्यहाँ त सोचेभन्दा फरक परिस्थिति को हो? को हो? चिन्दै नचिनेका बिरामी फेला पारियो | अनि फोन गरेर झपारियो बिरामीको खबर दिनेलाई | जवाफ आयो अरे भर्खरै डिस्चार्ज गरेर घर आइपुगियो | विश्वास गरियो, अनि लागियो बिरामीको घरतिर | म बिरामीको घर पुग्दा त मेरा बिरामी त Office पुगेको खबर पाएँ अनि त कन्पारो तातिगो' अनि फोन गरेर हप्काउने विचार गरियो अनि नम्बर थिचियो के का फोन लाग्थ्यो NTC कि दिदि बोलिन "तपाइले सम्पर्क गर्न खोज्नु भएको नम्बरमा अहिले सम्पर्क हुन सकेन केहि समयपछी पुन: प्रयाश गर्नुहोला धन्यवाद !" आधा घन्टासम्म फोन नलागेपछि सबै रिस आफ्नै मोबाइलमाथि थोपरियो अनि लागियो आफ्नै बाटो | आधा घण्टापछी फोन आयो उतैबाट रिसिव गरियो तर म बोल्नुभन्दा अगाडी उसैले भन्यो "Sorry but Happy April Fool ". अब के गाली गर्नु अनि तैं चुप मैं चुप भैयो अनि यस्तो कुरामा april fool नमनाउन आग्रह गरेर बाटो लागियो |
अब आफै विचार गर्नुहोस त यस्तो संबेदनसिल कुरामा पनि जिस्कने हो त ? April Fool मनाऊनु नराम्रो अबस्य होइन तर त्यसो भन्दैमा बिरामीको खबर झुटो दिने, फलानो त मर्यो रे नि भन्ने अनि फलानोको त अपहरण भएछ नि भन्ने जस्ता झुटो समाचार दिने गर्नु चाही नराम्रो हो | त्यसैले सोचौं के यस्तो संबेदनसिल कुराहरुमा April Fool मनाउनु राम्रो हो | आउनुस हामी सबैले अब यस्तो नगर्ने प्रण गरौँ |

Call Bypass (कहाँबाट कमाउँछ NTCले दैनिक ७ करोड --२)

2010-03-24T02:00:00.002-06:00

के हो त, कल बाइपास ?
कल बाइपास भनेको विदेशबाट आउने कललाई उच्च गतिको इन्टरनेट प्रयोग गरेर स्थानीय नम्बरमा परिणत गरी सम्बन्धित ग्राहककहाँ पठाउनु हो। यसो गर्न कल बाइपास गर्नेहरुले बिदेशी कम्पनीसंग सहकार्य गरेर स्थानीय नम्बरहरुको प्रयोग गरेर बिदेशी कललाई इन्टरनेटको प्रयोगबाट स्वेदेशी नम्बरमा रुपान्तरण गर्छन | यसैका लागि नेपालका कल बाइपासर हरुले NTC, Mero Mobile (Ncell), UTL आदिको प्रयोग गरिन्छ जसका निम्ति कल बाइपासरहरुले रिचार्ज कार्ड र सिम कार्ड ठुलो परिमाणमा प्रयोग गर्छन अनि यस्तोमा प्रयोग गर्ने सिमहरु महिनैपिच्छे फरक हुन्छन | दूरसञ्चार कम्पनीहरूको दाबीअनुसार एक अध्ययनअनुसार नेपालमा आउने विदेशी कलमध्ये -एक तिहाइ (३३ प्रतिशत) ले अवैध रूपमा भिओआइपी चलाइरहेका छन्।

कसरि हुन्छ कल बाइपास (भिओआइपी) ?
जुनसुकै देशबाट विदेशमा टेलिफोन गर्दा तीन पक्ष हुन्छन

१. टेलिफोन कल उत्पत्ति गर्ने कम्पनी
२.त्यो कल विदेश पठाउने र

३.कल रिसिभ गरेर ग्राहकसम्म पुर्‍याउने।
कल उत्पत्ति गर्ने कम्पनीले विदेश जाने कल अन्तर्राष्ट्रिय गेटवे सेवाको अधिकार पाएको कम्पनीलाई जिम्मा लगाउँछ। गेटवेवाला कम्पनीले विदेश पठाउने कल जसले सस्तो मूल्यमा लिन स्वीकार गर्छ त्यसैमार्फत पठाउँछ। अवैध रूपमा भिओआइपी चलाउने भनेको दोस्रो पक्ष हो। उसले विदेशबाट आउने कल सस्तो मूल्यमा आफूमार्फत ल्याएर सम्बन्धित ग्राहकसम्म पुर्‍याउँछ। यस्ता कम्पनी साधारणतया गोप्य रूपमा चलेका हुन्छन। तिनले विदेशी कल तान्न सिमबक्स राखेका हुन्छन। सिमबक्सले विदेशबाट आएको कल कुन नम्बरमा जाने हो त्यसमा कम्प्युटरका माध्यमबाट स्वचालित रूपमा पठाउने काम गर्छ।
केही वर्षअघिसम्म यस्तो काम गर्न UTLको फोन प्रयोग गरिन्थ्यो। त्यही भएर विदेशबाट कल आउँदा धेरैजसो यहाँका UTL फोनको नम्बर देखिन्थ्यो। तर, यसमा तत्काल ठाउँ पत्ता लाग्ने भएपछि र UTLले पनि सिमकार्ड बजारमा ल्याएपछि अवैध भिओआइपीवालाहरूले सिमकार्डको प्रयोग गर्न थालेका हुन्। अचेल विदेशी कलमा बढी स्थानीय मोबाइल नम्बर देखिनुको कारण यही हो।
दोष कसको ? कमजोर कानुनको वा सेवा प्रदायक वा त प्राधिकरणको ??
विदेशबाट भित्रिने कलमा भिओआइपी प्रविधिको दुरुपयोग बढ्नुमा सरोकारवालाहरू कमजोर कानुनलाई नै दोष दिन्छन्।
'दूरसञ्चार प्राधिकरण यसमा जति सक्रिय हुनुपर्थ्यो, त्यति हुन सकेको छैन,' सबै सेवाप्रदायक कम्पनीका अधिकांशको एउटै मत छ। भिओआइपीबाट कल भित्र्याएर सरकारि राजस्व छल्ने र कम्पनीको आम्दानीमा असर पार्नेलाई पक्राउ गराउँदा पनि कारबाही नभएको सेवाप्रदायकहरूको गुनासो छ। 'कानुनै भएन, यस्तै हो भने यहाँ जसले जे गर्दा पनि हुन्छ,' एक निजी टेलिफोन सेवाप्रदायकका उच्च अधिकारिले भने।
सेवाप्रदायक कम्पनीहरूले आपसमा मिलेर अवैध भिओआइपीविरुद्धको अभियान पनि सुरु गरेका छन्। शंकास्पद नम्बर काटिदिने र प्रहरिको सहयोगमा छापा मार्ने अभियानमा उनीहरू सक्रिय छन्। यो समस्या रोक्न यहाँ कल भित्र्याउन अनुमति पाएका सेवाप्रदायकले 'टर्मिनेसन शुल्क' घटाउनुपर्ने उनीहरूको सुझाव छ। यसबाट अवैध भिओआइपीहरूले प्रतिस्पर्धा गर्न नसक्ने र मान्यताप्राप्त अन्तर्राष्ट्रिय गेटवेकै प्रयोगमा बल पुग्ने उनीहरूको तर्क छ। यद्यपी NTC, NCELL र UTLले चाहेको खण्डमा सहकार्य गरेर उनीहरुले यस्ता अबैध VOIP लाई निर्मुल पर्न तथा पक्राउ गराउन सक्ने भए पनि उनीहरुले त्यसप्रति गम्भीर कदम चालेका देखिदैन कारण स्पस्ट छ उनीहरुलाई महिनै पिच्छे करोडौंको आम्दानी त सिम कार्ड बाट नै हुन्छ अनि रिचार्ज कार्ड पनि उस्तै मात्रामा दैनिक जान्छ | नत्र नेपाल दुरसंचार प्राधिकरण लगायत दुरसंचार सेवा प्रदायकहरुको ध्यान यसतर्फ जान्थ्यो र केहि गम्भीर कदम चलिन्थ्यो पनि होला |
नेपालमा चार कम्पनीले विदेशी कल भित्र्याउने अनुमति पाएका छन्- ( Nepal Telecom, (Mero Mobile)Ncell, UTL र STM Telecom)। 'अन्तर्राष्ट्रिय गेटवे' भनिने यस्तो सेवाका लागि दूरसञ्चार प्राधिकरणसँग अनुमति लिनुपर्छ। तर, भ्वाइस ओभर इन्टरनेट प्रोटोकल (भिओआइपी) का माध्यमबाट कल चोर्ने प्रवृत्ति बढेकाले राष्ट्रलाई अर्बौं रुपैयाँ घाटा भइरहेको दूरसञ्चार कम्पनीहरूको दाबी छ।टेलिकमका व्यापार प्रबन्धक सुरेन्द्रप्रसाद थिकेका अनुसार 'विदेशबाट आउने कल वैध माध्यमबाट नआउँदा राज्यले ठूलो रकम गुमाइरहेको हुन्छ, यो लाख-करोडको हिसाब होइन, अर्बौं हुन्छ।' खासगरि वैदेशिक रोजगारमा जाने क्रम बढेपछि कल चोरी व्यापक हुन थालेको उनको दाबी छ।
नेपालमा दिनको औसत ५० लाख मिनेट विदेशी कल आउँछन्। यसबाट स्थानीय कम्पनीले मिनेटको ८ देखि १० रुपैयाँ पाउँछन्। यसलाई 'टर्मिनेसन शुल्क' भनिन्छ। जुन कम्पनीको नम्बरबाट फोन आउँछ, उसले यहाँको कम्पनीलाई पैसा तिर्छ। कल चोरि भएपछि नेपाली कम्पनीले पैसा पाउँदैन। सरकारले पनि मिनेटको झन्डै साढे २ रुपैयाँ राजस्व गुमाउँछ। यताबाट कल गर्दा पनि जुन कम्पनीको नेटवर्कमा गरेको हो उसैलाई पैसा पठाइन्छ।
अवैध रूपमा भिओआइपी चलाउनेले तोकिएकोभन्दा कम पैसामै इन्टरनेटमाफ्त कल भित्र्याउँछन्। विज्ञहरूका अनुसार सबै दूरसञ्चार सेवाप्रदायक कम्पनीसँग विदेशी कल भित्र्याउने र पठाउने अन्तर्राष्ट्रिय गेटवे हुँदैन। ती कम्पनीले गेटवेमात्र चलाउने कम्पनीसँग सम्झौता गरेका हुन्छन्। जो सस्तो मूल्यमा कल भित्र्याउन राजी हुन्छ, उसैसँग सम्झौता गरिन्छ। अवैध रूपमा भिओआइपी चलाउनेले खेल्ने ठाउँ यही हो। उनीहरूले नेपालमा विदेशी कल भित्र्याउन मान्यताप्राप्त चार कम्पनीले भन्दा सस्तोमा सम्झौता गरेका हुन्छन्।
गेटवे मात्र चलाउने कम्पनीलाई यहाँको कम्पनी वैध वा अवैध जे भए पनि मतलब हुँदैन, उनीहरूको मुख्य चासो को मार्फत पठाउँदा कम शुल्क लाग्छ भन्ने हो। त्यसैले गर्दा उनीहरुले जस्तोसुकै कम्पनि भएपनि सस्तो कम्पनि खोज्छन | यसरि कल भित्र्याउने कार्य स्वचालित प्रणालीमा आधारित हुन्छ। यसमा विदेशी कल स्वदेशको सम्बन्धित टेलिफोनमा पुर्‍याउँदा नेपालकै नम्बर देखिन्छ। यसबाट उपभोक्तालाई कुनै पनि नाफा वा घाटा हुदैन तर नेपाल सरकार र टेलिफोन सेवाप्रदायक कम्पनी लाई भने दैनिक करोडौंको घाटा हुन्छ | यस्तो प्रविधि प्रयोग गर्दा स्पष्ट आवाज नसुनिने हुँदा उपभोक्ताले गुणस्तरिय सेवा पाउन भने सक्दैनन् | तर हालको NTCको गुणस्तरीय मोबाइल सेवा र यो सेवा लगभग उस्तै भने हुन्छ |

अवैध भिओआइपीले राजस्वमा पनि घाटात पुगेकै हुन्छ। यसलाई नियन्त्रण गरे राजस्वले पनि बार्षिक अर्बौको हिसाबमा आम्दानी गर्ने पनि जानकारहरु बताउछन्। जानकारहरुका अनुसार सामान्यतया टेलिफोनको बिलमा उठेको रकममध्य- एक चौथाई रकम सरकारको राजस्वमा जान्छ। यसबाहेक आयकर र लाभांशबापत सरकारले दूरसञ्चार सेवाप्रदायक कम्पनीसँग पाउने रकम पनि थप हुन्छ।

कहाँबाट कमाउँछ NTCले दैनिक ७ करोड --१

2010-03-21T05:07:00.005-06:00

नागरिक दैनिकको आर्थिक पृष्ठमा नेपाल टेलिकमको दैनिक कमाई ७ करोड भन्ने लेख पढ्दा मलाई विश्वास लागेको थिएन| NTC यानी Nepal Telecomले दैनिक ७ करोड नाफा कमाउँछ भन्ने थाहा पाउँदा अचम्म मान्नु पर्ने खासै कुरा भने केहि रहेनछ | कारण कल बाइपास | थाहा भएसम्म कल बाइपासमा NTC र Mero Mobile अर्थात् Ncellको यति धेरै सिमकार्ड र रिचार्ज कार्ड प्रयोग हुँदो रहेछ कि दैनिक करौडौंको कारोबार त यस्ताले मात्रै गर्दा रहेछन |सिमकार्ड तथा रिचार्ज कार्ड सप्लाई गर्ने पनि छुट्टै अगेंट हुने रहेछ | हुन त अरुलाई जस्तै मलाई पनि यो बिषयमा केहि मतलब थिएन तर हिजो एकाबिहानै मोबाइलमा घन्टी बज्यो, नम्बर अपरिचित थियो फोन उठाइन तर पटक पटक छुट्टा छुट्टै नम्बरबाट फोन आउन थाल्यो यसो भएपछी फोन उठाएँ र भने हेल्लो उताबाट परिचित आवाज आयो अवाज थियो साथीको जो हाल अमेरिकामा अध्यनरत थियो | सोचें साथि फर्केछ तर हैन रहेछ | अरुको यस्तै घटना सुनेको भएपनि आफैले भने पहिलोपटक भोगियो |
पहिले सुरु सुरुमा मेरो मोबाइलको नम्बर आउने गरेपनि अहिले चाहिं Ncell र NTC दुबैको नम्बरबाट यस्ता कलहरु आउछन| यसरि झुक्किनु परेपछि साथिहरुसंग सोधपुछ गर्दा थाहा पाइयो यस्तो कार्यलाई VOIP तथा कल बाइपास भन्दारहेछन | उक्त साथीले नै बतायो कि यस्तो कार्यमा ठुला ठुला गुटहरु अनि Telecomका कर्मचारीहरु नै लागेका हुन्छन रे ! यद्यपी कल बाइपास गर्ने कामलाई नेपालमा भने गैरकानुनी मानिन्छ | लाइन जान लागेकोले बिस्तृत जानकारी अर्को पोस्टमा, प्रतीक्षा गर्नुहोला |

नेपाली राजनीतिका महत्वपुर्ण हस्ती गिरिजाप्रसादको मृत्यु

2010-03-21T00:23:00.006-06:00

update::
भावपूर्ण श्रद्धान्जली`
बाचुन्जेल जतिसुकै पुत्ला जले पनि जतिसुकै बिबादित बनेपनि उनको मृत्युले नेपालमा ठुलै क्षति पुगेको अनुभव भएको छ | जस्तासुकै मैं हुँ भन्नेहरुपनि उनको मृत्युमा दुखित भएका छन्, उनको मृत्युमा भावबिव्हल भएका छन् | जे जस्तो भए पनि दलहरुले मिलेर संबिधान चाडै बनाउन अनि गिरिजाप्रसादको आत्माले चिर शान्ति पाओस भन्दै स्व.गिरिजाप्रसादलाई अन्तिम तथा भावपूर्ण श्रद्धान्जली |

पुर्वप्रधानमन्त्री तथा ने.का.का सभापतितथा २००७ सालदेखि राजनीतिक केन्द्रबिन्दुमा रहेका र नेपालमा भएका तीनवटा प्रजातान्त्रिक आन्दोलनका योद्धा गिरिजाप्रसाद कोइरालाको ८६ बर्षको उमेरमा शनिबार दिउसो १२ बजेर १० मिनेटमा देहावसान भएको छ | कोइरालाको पार्थिब शरीरलाई आइतबार बिहान ८ बजे देखि २ बजे सम्म श्रद्धाञ्जलीका लागि राखिने छ भने २ बजे पछी शवयात्रा सुरु हुनेछ । कोइरालाको मृत्युको खबर सुनेपछि सुजाता कोइरालाको निबासमा भिड लागेको छ । सबैको मुहारमा मलिनता छाएको देखिन्छ । कोइरालाको मृत्यु पछी देशको राजनीतिक अवस्थाले अब कुन मोड लिने हो, अब के हुने होला भन्ने राजनीतिक अन्यौलता बढेको छ | कोइरालाको मृत्युसंगै राजनीतिक अन्यौलता झन् बढ्न सक्ने र संबिधान बन्ला भन्नेमा नै संका उत्पन्न भएको छ | यद्यपि उनको मृत्युले गिरिजाले गर्न दिएन भन्नेहरुलाई गर्ने चुनौती आएको छ |

कहाँ छन देशप्रेमी ?, भारतमा बन्दै छ लुम्बिनी

2010-03-17T08:53:00.007-06:00

केहि समयअघि ब्लगर दाजु K.P. ढुंगानाको ब्लगमा पढेको थिएँ "गुगलम्याप भन्छ : बुद्ध भारतको"| उहाँले गूगलम्यापमा कसैले edit गरेर यस्तो गरेको र यो बदमासी भएको भनेर लेख्नु भएको थियो तर आज नयाँ पत्रिकाको खबर पढेपछि लग्यो यो त भारतको खेल नै पो रहेछ | नयाँ पत्रिकामा लेखिए अनुसार भारत सरकारले नै उत्तरप्रदेशको अलिगढ़ावामा धमाधम नक्कली लुम्बिनीको निर्माणकार्य गरिरहेको छ| सरकारमा रहुन्जेल केहि नबोल्ने अनि सरकारबाट बाहिरीइसकेपछी चाहिँ सिमास्तम्भ जाच्न जाने माओबादीका देशप्रेमी नेताहरु अहिले कहाँ छन् कि निदाए ??अनि वर्तमान सरकार वर्तमान परिप्रेक्ष्यमा आफ्नै (कुर्सिको) ठेगान छैन भारत पनि रिसायो भने त के गर्नु त्यै भएर निरिह सरकार वर्तमान परिप्रेक्ष्यमा तैं चुप मै चुप| अब भारतको यो कार्यको बिरोध कसले गर्ने ? पढ्नुहोस नयाँ पत्रिकाको समाचार जस्ताको तस्तै:

भारतमा बन्दै छ लुम्बिनी

प्रकाश पन्थी

नयाँ पत्रिका

अलिगढवा (भारत), ३ चैत

बुद्ध भारतमा जन्मिएका हुन् भनेर किताब छाप्ने भारतले अब नक्कली लुम्बिनी र तिलौराकोट पनि बनाउन थालेको छ । बुद्धको जन्मस्थलसम्बन्धी सबै विश्वमान्यता परिवर्तन गर्न भारतले उत्तरप्रदेशको अलिगढवामा धमाधम निर्माणकार्य गरिरहेको छ ।

नेपालको कपिलवस्तुसँग सीमा जोडिएको अलिगढवामा नक्कली कपिलवस्तु निर्माणकार्य अन्तिम अवस्थामा छ । उत्तरप्रदेशको सिद्धार्थनगर जिल्लाअन्तर्गत पीपरहवा क्षेत्रलाई भारतले कपिलवस्तु नामकरण गरेर बुद्ध भारतमै जन्मिएका हुन् भन्ने प्रमाणित गर्न खोजिरहेको छ ।

विश्वशान्तिका अग्रदूत सिद्धार्थ गौतमबुद्धले भारतको बोधगयामा बुद्धत्व प्राप्त गरेका भए पनि उनको जन्म नेपालको लुम्बिनीमा भएको थियो । उनी तिलौराकोटमा राजा शुद्धोधनको दरबारमा जन्मिएका थिए ।

तर, भारतले भने शुद्धोधनको दरबार तिलौराकोट, गौतमबुद्धको मावली देवदह र उनको जन्मस्थल लुम्बिनी सारा भारतमै बनाउन थालेको छ । अलिगढवामा बुद्धसित सम्बन्धित विभिन्न निर्माणकार्य तीव्र गतिमा भइरहेका छन् । निर्माणकार्यमा ट्रयाक्टरमात्र होइन, ५० औँ मजदुर खटिएका छन् ।

नक्कली लुम्बिनीको सुरक्षार्थ खटिएका अलिगढवाका राकेश भारतीले बुद्ध नेपालमा होइन, भारतमै जन्मिएको दाबी गरे । उनका अनुसार त नेपालले भारतीय सम्पदाको नक्कल गरेर लुम्बिनी र तिलौराकोट बनाएको हो । 'बुद्धसँग सम्बन्धित धेरै प्रमाण भारतसँग छन्, नेपालले त नक्कल गरेको हो । अब भारतले बुद्ध गन्तब्यलाई थप आकर्षक बनाउँदै छ त के खराबी भयो ?' उनले भने ।

माइतीबाटै र्फकंदै गरेकी आमा मायादेवीको कोखबाट बाटोमै (लुम्बिनीमा) जन्मिएका बुद्ध २९ वर्षको उमेरमा दरबार छाडेको नेपाली संस्कृतिविद्हरूको दाबी छ । 'हामीलाई त थाहा भएन, देवदह, तिलौराकोट र लुम्बिनी सारा यतै बन्दै छन्' अलिगढमा काम गर्दै भेटिएका भारत नौगढका एक मजदुरले भने ।

निर्माणमा खटिएका मजदुरका अनुसार सन् २०१२ भित्र देवदह र लुम्बिनीसहित नक्कली कपिलवस्तुले अन्तिम रूप लिँदै छ । भारतीय योजनाअनुसार आगामी दुई वर्षभित्र निर्माण पूरा गर्न करोडौँ रुपैयाँ खर्च भइसकेको छ ।

नक्कली निर्माणलाई सक्कली प्रमाणित गर्न भारतले देवदह, लुम्बिनी र तिलौराकोटका भग्नावशेषलाई पनि नक्कल गरेको छ । यताका भग्नावशेषका इँटा, माटोका ढिस्को र स्तम्भसमेत नक्कल गरेर उता 'भग्नावशेष' बनाइँदै छ । निर्माण पुरानो देखाउन पुराना भारतीय घरमा प्रयोग भएका इँटा किन्नसमेत भारतले करोडौँ रुपैयाँ लगानी गरिसकेको अलिगढवाका स्थानीय वासिन्दाले बताए । तर, कसैले पनि आफ्नो नाम भने बताउन चाहेनन् ।

कपिलवस्तुको सदरमुकाम तौलिहवाबाट २४ किलोमिटरको सडकदूरीमा अलिगढवा राज्यअन्तर्गत पीपरहवामा यो निर्माण भइरहेको छ । भारतले गौतमबुद्धको वास्तविक मावलीगाउँ देवदह, जन्मस्थान लुम्बिनी र दरबार तिलौराकोटबीचको दूरी पनि नेपालमा जस्तै बनाइएको छ ।

राजा शुद्धोधनका पालाका भेटिएका माटाका भाडालगायतका अधिकांश वस्तु तथा ठाउँसमेत भारतले नक्कल गर्दै उतै बनाइरहेको छ । माटाका भाँडा र वस्तुमा पुरानोजस्तै देखिने लेप पनि लगाइँदै छ ।

भारतले नक्कली कपिलवस्तु निर्माण गरिरहेको जानकारी जनस्तरबाट पाए पनि नेपाल सरकार भने मौन छ । तर, वास्तविक कपिलवस्तुबासी र बौद्धधर्मालम्बीले भारतको यो प्रयास दुखद् र निन्दनीय भनेका छन् । बुद्ध भारतमा नै जन्मिएको भनेर दाबी गर्दै 'पुरातत्त्व' नै निर्माण गर्ने भारतीय प्रयासका बाबजुद नेपाल सरकार मौन रहनु दुःखदायी भएको बताउँछन् पुरातत्त्वविद् वसन्त विडारी ।

भारतले कपिलवस्तुको तिलौराकोट, कुदान, अशोकस्तम्भलगायतका बुद्धस्थल अवलोकनका लागि भारतीयमार्ग भएर आउने पर्यटकलाई भ्रमित गर्ने र उतै राख्ने उद्देश्यले यस्तो निर्माण गरिएको कपिलवस्तुका वासिन्दाको भनाइ छ । संस्कृतिकर्मी प्रेमनारायण पाण्डेले भने, 'उसैले धेरै किताब छाप्छ, उसैले धेरै प्रचार गर्छ, पयर्टक त भ्रममा पर्ने भए अब ।'

कपिलवस्तुका प्रमुख जिल्ला अधिकारी शम्भु घिमिरेले भने आफू भारत नगएकाले यस्तो जानकारी नपाएको बताए । 'खोइ, म त भारततिर गएको छैन, त्यस्तो जानकारी छैन,' उनले भने ।

कपिलवस्तुका प्रहरी उपरीक्षक शरद् चन्दले स्थानीयस्तरमा भन्दा पनि केन्द्रबाट नै समस्या समाधान गर्नुपर्ने बताए । 'यो राष्ट्रियस्तरको समस्या हो, दुई देशका नेताहरूले मिलाउनुपर्छ, हामीले यहाँ बसेर के बोल्ने ? के गर्ने ?' उनले भने ।

तर तौलिहवाका वासिन्दा तथा नेपाल विद्यार्थी संघका सहमहामन्त्री राजेश ज्ञवालीले भने भारतद्वारा निर्मित नक्कली कपिलवस्तु तथा लुम्बिनी र तिलौराकोट हटाउन नेपाल सरकारले पहल गर्नुपर्ने बताए । तर, नेपाल सरकारले औपचारिक रूपमा विरोध नगरेका कारण भारतले नक्कली कपिलवस्तुमा प्रत्येक डिसेम्बर २९, ३० र ३१ तारिखमा विभिन्न कार्यक्रम गरी बुद्धमहोत्सव मनाउँदै आएको छ । गत डिसेम्बरमा पनि बुद्धमहोत्सव मनाइएको थियो ।

भारतका अनुसार देवदह, लुम्बिनी र तिलौराकोटलाई व्यवस्थित गर्न भारतले दसवर्षे नीति ल्याएको भए पनि करिब ५ किलोमिटरको क्षेत्रमा भारतले ८० प्रतिशतभन्दा बढी काम सम्पन्न गरेको छ ।

अब भारतको यो कार्यको बिरोध कसले गर्ने ?? तपाइले मैले वा सरकारले कि हामी सारा नेपालीले?? प्रश्न तपाइलाई अनि कुर्सीका लागि लड्ने नेताहरुलाई, जवाफ को संग छ ??

वाह !! पुष्कर, छ्या सरकार

2010-03-15T12:00:00.001-06:00

झन्डै ११ बर्ष लगाएर विश्वका १५० जति देशका माटो र बाटोलाई साइकलको पांग्राले नाप्ने प्रथम व्यक्ति पुष्कर शाह अहिले सगरमाथा चढ्नका लागि खर्चका खातिर आफुले ११ बर्ष लगाएर विभिन्न १५० देशमा जम्मा गरेका सामानहरु (बियरको बिर्को देखि विभिन्न राष्ट्रको माटो) लिलाम गर्ने सुरमा छन् | हुन त उनको साइकलको पांग्रासंगै नेपाली र नेपालको नाम पनि गुढ़ी नै रह्यो | अर्थात् जहाँ जहाँ उनि पुगे त्यहाँ त्यहाँ नेपालको नाम अनि नेपालीको बिरताको गाथा पुगे | नेपाल बाहेक अन्य देशमा हो भने उनको यो कार्य अतिनै सराहनीय हुन्थ्यो अनि उनको सपरिवारको सम्पूर्ण जिम्मा सरकारले लिन्थ्यो तर नेपाल न हो यहाँका नेताहरुलाई कुर्सि बाहेक अरु त मतलब नै छैन | बास्तवमा नेपालका नेताहरुमा न त देशप्रेम छ, न त शान्तिप्रेमी नेताहरु नै नेपालमा छन् | यदि एउटा मात्र त्यस्तो नेता भैदिएको भए विश्वशान्तिको लागि साइकल यात्रा गरेका पुष्कर शाहले आफुले जम्मा परेका सामाग्रीहरु लिलामी गरेर बिदेशीलाई बेच्नु पर्दैन थियो होला | न त प्रधानमन्त्री जस्तो गरिमामय पदको मान्छेले आफुसंग राम्रो कामको लागि सहयोग गर्दा "तपाई त प्रसिद्द मान्छे खोज्नुस न कोहि दाता" भन्ने खालका जवाफ नै आउथे | हो पुष्कर शाहले पनि यस्तै तितो अनुभव भोग्न पुगे र अन्तत: हात फैलाउनु भन्दा आफ्नै संकलन लिलामी गरेर पैसा संकलन गर्ने निर्णय लिन बाध्य भए |

कुरा त्यति मात्रै होइन पुष्कर शाह यदि साइकल यात्री नभैदिएको भए शिक्षक हुने ठुलो रहर रहेछ उनमा तर उनि भैहाले शान्तिको लागि बिश्वसाइकल यात्री तर पनि शिक्षक बन्ने रहर नमरेकोले उनले आफुले घुमेका १५० राष्ट्रकै झन्डासहित “पिस एक्स्पिडिसन, स्प्रिङ् २०१०” नामक आरोहणमार्फत सगरमाथा आरोहण गर्ने जसमा प्रत्येक मिटरै पिच्छे नेपाली एक हजार रुपियाँ (यूरोमा भए १० वा अमेरिकी डलरमा भए १५ ) प्रायोजक गर्न लगाउने र उठेको रकमबाट The Little Haven School नामक विश्वमै नमुना पाठशाला निर्माण गर्ने जहाँ सानै देखि बच्चाहरुलाई हिंसाबिरोधि बनेर शान्त र सम्बृद्ध राष्ट्रको निर्माण गर्न सहयोग गर्ने सोच पनि बनाएका रहेछन |

यदि तपाई पनि उनलाई सहयोग गर्न चाहनुहुन्छ भने मा उनलाई सम्पर्क गरेर सहयोग गर्न सक्नुहुनेछ
९८५१०५८७६८
वा
nepalcyclist@yahoo.com,wcfnepal@gmail.com
मा उनलाई सम्पर्क गरेर सहयोग गर्न सक्नुहुनेछ

Think Positive, Be Positive

2010-03-14T01:34:00.005-06:00

कति नराम्रो कुरा मात्रै गरिरहने अब कहिलेकहिँ त यसो Positive पनि हुनु पर्यो नि, कहिलेकहिँ त यसो आशाबादी पनि हुनुपर्यो नि हैन त्यसो त भन्ने गरिन्छ नि "गाजा चरेश खाए पनि हरेश नखानु"| त्यै हरेश नखाएर चरेश काण्डमा परेका फोरमानन्द जा (परमानन्द झा) पनि उपराष्ट्रखति बनेका होलान | हुन त "HIV र Aids बाहेक सबै कुरामा Positive हुनु" भन्छन | त्यै भएर आज Positive कुरा गर्न मन लाग्यो | देशमा घटेका केहि Negative कुरालाई Positively हेरौं |
कुरा सुरु गरौँ भर्खरै भएको २५ दलकै नेताहरुलाई गाडी दिने सरकारी निर्णयबाट |
यो पनि सरकारको राम्रै निर्णय मान्नु पर्छ | तपाईहरु सोच्दै हुनुहुन्छ होला देशमा यस्तो हत्या हिंसा बढेको छ त्यो गाडी बाँड्ने खर्च शान्ति सुरक्षामा खर्च गरे हुन्न | अरे यार शान्तिसुरक्षामा त्यो रकम खर्च गर्दा त धेरै तर्फ घाटा हुन सक्छ | पहिलो घाटा ज्यानको बाजी लागेर हत्या, अपहरण र चन्दा असुल गर्नेहरुलाई हुन्छ, बिचारहरुको Business निकै चौपट हुन्छ | अर्को घाटा जनसंख्या वृद्धिले राष्ट्र र सरकारलाई अनि प्रकृति यानी Natureलाई | फेरी सरकारको निर्णयबाट फाइदा पनि त जनताकै नेतालाई भएको हो नि त्यसलाई पनि नकार्न मिल्दैन |

अब कुरा सभासद्को कमाई अर्थात् तलबको | कुरा तातै छ हप्तौं अनि महिनौंसम्म संसद नछिरेका तथा केहि कार्य पनि सिद्ध नगरेका संसदहरुले पुरै बर्षभरिको तलब बुझे रे |
अरे यार हामी जनता तिनै नेताहरुको त हौ नि हामी नै त हौँ नि ति नेताहरु जित्दा उफ्रेर यो जित कसको नेताको नेता कसको जनताको जनता कसको नेताको भन्दै नारा लगाउने | अनि आफ्नै मान्छेले पैसा कमाउदा हामीलाई के को आरिश वा डाहा लाग्ने ?

अब कुरा मंत्रिज्युहरुको कुरा गरौँ | प्रधानमन्त्रीज्यु मा.कु.ने.ज्युलाई उद्घाटन गर्ने, रिबन काट्ने अनि विदेश जाँदा सपरिवार सरकारी खर्चमा जाने र सरकारी ढुकुटी रित्याउने गर्दैमा फुर्सद छैन |
वा क्या ब्यस्त प्रधानमन्त्रि अनि यस्तो ब्यस्त र कर्मठ प्रधानमन्त्रिको नेतृत्वमा बनेको सरकारबिरुद्ध किन नाराबाजी गर्नु किन आन्दोलन गर्नु |
अब मन्त्रीज्युहरुको कुरा गर्ने हो भने धेरै मन्त्रीज्युहरु खेलाडी हुनुहुन्छ त्यसैले देशले खेल क्षेत्रमा ठुलै प्रगति गर्छ अझ बिशेष गरि महिला कराँतेमा त्यस्ता मन्त्रीज्युहरु जो C.D.O. कुट्ने देखि गाडीको सिशा फुटाउनेसम्म गर्छन अब त पुरुष मन्त्रीज्यूले पनि C.D.O. कुट्न नसकेर उनका भान्छेलाई कुट्न थालेका छन् | यो पनि राम्रै खबर हो किनकि C.D.O. भन्दा उनको भान्छे अलि बढी नै शारीरिक रुपमा बलियो हुनुपर्छा भन्ने मन्त्रीज्यूको मान्यता हुन सक्छ |

अब कुरा गरौ समग्र नेता संसद र संसद भवन अनि संविधानको ; संबिधान, नयाँ संबिधान, संसद भवन नेताहरुको बाज्ने निहुँ र थलो अनि पैसा कुम्ल्याउने हतियारमात्रै हो |
अरे यार अझै पनि फेरी आफ्नै मान्छेले त कमाएका छन् किन रिस गर्नु |

अब हामी जनता हामी त के हौँ र मकैको खोया अनि प्रचण्डले भनेजस्तो भेडा नत्र एउटा नेताले उठ भन्यो उठ्ने अनि नेताले चुप भन्छ फेरी चुप हुने |
अनि यसबाट पनि फाइदा छ नेताले चाहुन्जेल राखेर खोयाबाट आगो बाल्न सक्छन भने भेडाको ऊन र छाला काडेर बेच्न सक्छन |

वा !!! मेरो देशका नेता भनौदाहरु

2010-03-11T10:53:00.005-06:00

वा नेताज्यू तिमी भाषण गरेर शाषण गर्छौ
शाला हामि जनता दिनरात तिमीहरुकै शोषणमा पर्छौ

वा नेताज्यू तिमी कुर्सिको लागि खुट्टा तानातान र झगडामै ब्यस्त रहन्छौ
शाला हामि जनता तिमीहरुलाई कुर्सि मिलाउने साधन बन्छौं

वा नेताज्यू तिमी हामीलाई सपना देखाएर हाम्रै कारणले मन्त्री बन्छौ
अनि शाला हामीलाई नै बेवकुफ बनाउदैं हाम्रै रगतको होलि खेल्छौ

हो नेताज्यू बास्तवमा तिमीलाई मान्नै पर्छ,
किनकि तिमीले सक्छौ यस्तै गर्न
तर हामी शाला निरिह जनता केहि गर्न सक्दैनौ,
त्यसैले बाध्य छौं तिम्रो यस्तो चाला हेर्न

वा मन्त्रीज्यु सुरु सुरुमा तिमी जनसमर्थन पाउन
र चर्चामा आउन केहि गरौला जस्तो गर्छौ
तर फेरी केहि समयपछी तिमी पनि
सबैजस्तै कान चिरेकै जोगी बन्छौ

वा मन्त्रीज्यू तिम्रो मन्त्रीमंडलमा सामेल हुन पनि
हारेको योग्यता चाहिने रहेछ
लोकतान्त्रिक गणतन्त्र भएको नेपालमा
जित्नेको हार अनि हार्नेको जित हुने रहेछ

त्यसैले त मन्त्रीज्यू तिमी सत्तामा टिक्नकै लागि
C.D.O. कुट्ने मन्त्रीलाई कारबाही गर्दैनौ
थोत्रो गाडी भन्दै गाडीको शिसा फोड्ने मन्त्रीलाई कारबाही गर्दैनौ
तर जितेर राज्यमन्त्री बनेकालाई
अलिकति गल्ति गरे पनि राजिनामा माग गर्छौ

वा मन्त्रीज्यु नयाँ सुरक्षा संयन्त्र आको छ,
सुरक्षा ब्यबस्था कडा छ, तिमी भाषण गर्छौ
तिमीले भाषण गर्दा हामी जनतालाई पत्तै हुदैन,
कसको हतियारले कुनबेला हामि मर्छौं

Happy Holi

2010-02-27T23:32:00.004-06:00

यहाँहरु सबैलाई रंगहरु को चाड होली (फागु पुर्णिमा) को शुभकामना, होली का रंगहरु ले यहाँहरुकोजिवन मा उल्लास र खुशी को वर्षा गरिदियोस् ।

लोला आन्दोलन

2010-02-24T05:51:00.005-06:00

देशमा दिनहुँ नयाँ नयाँ आन्दोलन हुदैछन | कहिले माओबादीको ग्ल्यामरस आन्दोलन हुन्छ त कहिले राप्रपा नेपालको संबिधान बनाउन दबाब सिर्जना गर्न ब्यंगात्मक आन्दोलन हुन्छन | यहि र यस्तै आन्दोलनहरुको बिचमा बर्षेनी एउटा आन्दोलन हुन्छ जुन आन्दोलन १५-२०/२५ दिनसम्म चल्छ तर न त यो आन्दोलनले नेपाल बन्द गराउछ न त चक्काजाम नै गराउछ | सबै आन्दोलनले जस्तै यो आन्दोलनले पनि जनतालाई दुख चाही दिन्छ त्यो पनि बिशेष गरि किसोरिहरु यस आन्दोलनको मारमा पर्छन | अब तपाइले पनि बुझ्नुभयो होला यो कस्तो आन्दोलन हो हजुर पक्कै पनि शिर्षकले पनि बुझाउछ कि यो आन्दोलन लोला यानी बेलुन आन्दोलन |

जति जति होलि नजिकिदैछ किशोरीहरुमा त्राश र सडकमा लोला लिएर बसेका युवाहरुको ताँती पनि बढ्दै छ |आपसी समझदारीमा खेलिने पर्व होलिलाई यो लोला आन्दोलनले पक्कै पनि राम्रो गराउदैंन | होलि भनेको त रंगहरुको चाड हो जसमा आपसमा भाइचारा तथा आपसी सम्बन्ध अझ सुमधुर र बलियो बनाउन एक अर्कामा रंग छ्यापेर मनाउने गरिन्थ्यो | तर अहिलेको लोला आन्दोलन त होलीको नाममा केवल बिकृतिको रुपमा मात्रै देखा परेको छ अनि केहि युवा तथा किशोरहरुलाई युवति तथा किशोरीहरु जिस्क्याउने अबसरको रुपमा बिकसित हुदै छ | तिहारमा पटका जलौना नदिने सरकार यस्तो बेलामा के हेरी बस्छ कुन्नि ?

यसको मर्मत कसले गर्ने ??

2010-02-22T10:06:00.009-06:00

देखिएको दृश्य लगनखेल-चापागाउँ रुटको ठेचो गा.बि.स.को सडक खण्डको हो जहाँको सडकमा कालोपत्रे उक्काएर खाल्डो(प्वाल) पार्दै खानेपानीको पाइपको मर्मत सम्भार तथा अन्य कार्यहरु गरिदैछ | अब यहाँ कालोपत्रे गर्न खानेपानी संस्थानले खर्च गर्ने कि सडक बिभागले अथवा त अर्को बर्षको बजेट नआउन्जेल जनताले यो सडकको यस्तै दुर्दशा देख्नु पर्ने हो ?

नयाँ संबिधान, शान्ति, सुरक्षा र अमन-चैन कहिले ? कुर्सि पहिले ?

2010-02-08T09:38:00.005-06:00

यहाँ नयाँ संबिधान बनाउनु पर्ने समयमा पुरानै संविधानलाई संसोधन गरिन्छ त्यो पनि कानुनबिपरित चल्ने उपराष्ट्रपतिलाई क्रियाशील गराउन | अपराधीलाई छुटाउन प्रधानमन्त्री लागि पर्छन अनि सरकार टिकाउन र ढाल्न संबिधान संसोधन गर्छन यस्तो चालले नयाँ संबिधान निर्माण कहिले ?

हिजो मात्रै एउटा फिल्मी पाराको रहस्यमय घटना घट्यो त्यो पनि काठमाडौंको अति नै कडा सुरक्षा ब्यबस्था भएको मानिने क्षेत्रमा 'स्पेसटाइम नेटवर्क'का प्रमुख संस्थापक जमीम शाहलाई गोलि प्रहार गरि हत्या गरेर प्रहरीकै अगाडीबाट हत्यारा फरार भएर जसरि हिन्दी फिल्म 'धूम'मा John Abrahamले अभिषेक बच्चनलाई चुनौती दिएका थिए त्यसरी नै अपराधीले प्रहरीलाई चुनौती दिएका छन् | यस्तो अबस्थामा पनि हत्यारालाई समाउन नसक्ने प्रहरीहरु कस्ता होलान अनि यत्रो घटना घट्दा एउटा बिज्ञप्ति समेत निकाल्न नसक्ने सरकारले नयाँ संबिधान के बनाउला ? देशमा दिन प्रतिदिन सुरक्षास्तिथि खस्किदो छ भने दिनदहाडै चोरी, हत्या, हिंसा, लूटपाट यति बढेको छ कि बिहान निस्केको मानिस बेलुका घर फर्केला कि नफर्केला भन्ने थाहा नै हुदैन | यस्तो अबस्थामा पनि सरकार अनि सुरक्षा जिम्मेवारी पाएका प्रहरी र सेना भनौदाहरु मौन छन् |

गृहमन्त्रीज्यूको कडा सुरक्षाको भाषण पनि भाषणमै सिमित रह्यो | तिनै जना सुरक्षा प्रमुखसहित चीन-भ्रमणमा रहनुभएका गृहमन्त्रीज्यूलाई पनि आफ्नो भन्दा पनि छिमेकी राष्ट्रहरुको सुरक्षाको चिन्ता छ किनकि सरकारको साँचो भारत र चीनसंग न छ |

त्यसैले न सरकारलाई मतलब छ शान्ति सुरक्षाको न प्रतिपक्षी दलका नेताहरुलाई मतलब छ नयाँ संबिधान र शान्ति सम्झौताको | सबै दल तथा नेताहरुलाई मतलब छ त केवल कुर्सि र सत्ताको | त्यसैले त अरु कुरामा हावा तालमा आन्दोलन गर्ने प्रतिपक्षी दल माओबादी मौन छ देशमा घटेका हत्या हिंसा प्रति अनि सरकार पनि उस्तै छ जनता मरेको त झिंगा मरेको जस्तो गरेर टारी दिन्छ | घटनाको छानबिन गर्नु पर्ने समयमा नेताहरु सरकार परिवर्तनको कुरा गर्छन | यहाँ नयाँ संबिधान बनाउनु पर्ने समयमा पुरानै संविधानलाई संसोधन गरिन्छ त्यो पनि कानुनबिपरित चल्ने उपराष्ट्रपतिलाई क्रियाशील गराउन | अपराधीलाई छुटाउन प्रधानमन्त्री लागि पर्छन अनि सरकार टिकाउन र ढाल्न संबिधान संसोधन गर्छन यस्तो चालले नयाँ संबिधान निर्माण कहिले ? प्रश्न खडा छ तर नेता तथा सांसद भनाउदाहरु भने सत्ताकै लुछाचुडी र भागबण्डामै अल्झिएका छन् त्यसैले त यस्ता समाचारहरु आउछन पत्रपत्रिकाहरुमा ::
सरकार फेर्न कांग्रेसमा दवाब
कसैको लहडमा सरकार नढल्ने गच्छदारको भनाइ

अब नयाँ संबिधान र हाम्रोदेशमा शान्ति सुरक्षा अनि जनतामा अमन-चैन कहिले आउला ? तपाई केहि भन्न सक्नुहुन्छ ???? ........... प्रश्न तपाइलाई .......

एमालेको भबिस्य एउटा फिल्ममा

2010-01-31T10:29:00.004-06:00

ठिकै छ छानबिन नगरुन तर छानबिनकै प्रतिबेदनहरुको आधारमा बनेको फिल्मको दृश्य र संवाद नकाटीकन फिल्मको सेन्सर पास गरिदिए भैहाल्यो नि, यदि आफ्नो गल्ति नभए किन डराउनु पर्यो र ?
हत्यारा चिनेको छ भन्ने केपी ओली र माधव नेपाललाई सोध्न जानुस् भनिएको छ। र र सीआईएका एजेन्ट एमालेभित्रै रहेको भन्ने डाइलग पनि यसमा छ।

एमालेका तत्कालिन महासचिव मदन भण्डारीको दासढुंगामा भएको रहस्यमय जीप दुर्घटनाको विषयमा बनेको फिल्म ‘दासढुंगा’को गफले अहिले बजार तातेको छ | कारण फिल्म बिबादमा पर्नु र सेन्सरले फिल्मका दृश्य र संवादमाथि प्रतिबन्द लगाउनु | नेपाली समाजको बिडम्बना भनेकै यहि नै हो यदि कसैले देशका लागि काम गर्छ भने उसले पिडा र मृत्यु शिवाय अरु केहि पनि पाउदैन | मदन भण्डारीले पनि देश र जनताको लागि केहि गर्नु पर्छ भने र गर्न खोजे उनि मारिए फेरी स्व.राजा बिरेन्द्रले पनि जनताका लागि केहि गर्न चाहेका कुरा त माओबादीको मुखबाट नै पनि सुन्न सकिन्छ साथै उनको हत्या हुनुको कारण पनि देश भक्ति र जन-प्रेम नै थियो भनेर सबै नेपाली जनता लगायत माओबादीहरु पनि भन्छन |

अब कुरा 'दाशढुंगा' फिल्मको ! यस फिल्ममा केहि त्यस्ता दृश्यहरु छन् रे जुन दृश्यहरुले एमाले नेता लगायत अरु नेताहरुको बारेमा केहि बोलिएको छ |(आफुले हेर्न पाएको छैन के छ भनेर समाचारमा लेखिएको कुराको भरमा कसरि भन्नु के के लेखिएको छ भनेर ?) जुन संवाद र दृश्य हटाएमा मात्रै फिल्म सेन्सर पास हुने भएको छ | तर निर्माता अपिल विष्ट भने आफूले फिल्ममा नयाँ कुरा नराखेको र पहिले नै सार्वजनिक भइसकेका तथ्यहरुलाई नै फिल्ममा राखेको तथा छानबिन आयोगका प्रतिवेदनहरुको आधारमा नै संवाद र दृश्य राखिएको दाबि गर्दै एक अ‍ंश पनि नकाट्ने बरु विद्यार्थीहरु माझ जस्ताको तस्तै प्रदर्शन गरिदिने अडान राख्छन रे |

उतिखेर हत्याकाण्डको छानबिन गर, दोषीमाथि कडा कारबाही गर भनेर सडकमा नारा लगाउदै हिड्ने नेताहरु अहिले सरकार(कुर्सी)मा छन् | अनि कुनै छानबिन भएको छैन | ठिकै छ छानबिन नगरुन तर छानबिनकै प्रतिबेदनहरुको आधारमा बनेको फिल्मको दृश्य र संवाद नकाटीकन फिल्मको सेन्सर पास गरिदिए भैहाल्यो नि, यदि आफ्नो गल्ति नभए किन डराउनु पर्यो र ? mysansar.comमा लेखिए अनुसार एउटा दृश्यमा हत्यारा चिनेको छ भन्ने केपी ओली र माधव नेपाललाई सोध्न जानुस् भनिएको छ। र र सीआईएका एजेन्ट एमालेभित्रै रहेको भन्ने डाइलग पनि यसमा छ। जुन संवाद (माधव नेपालको भाषा सापटी लिएर भन्नु पर्दा ) वर्तमान परिप्रेक्ष्यमा समय सान्दर्भिक छैन र यसले नेताहरुको प्रतिष्ठामा आंच पुर्याउछ रे | त्यसैले अब एमाले सरकार र एमाले पार्टीको भबिस्य यहि फिल्ममा छ किनकि नेताहरुलाई यहि फिल्मको सेन्सरको परिणामपछी जनताले राम्ररी चिनिसके र अब फिल्म प्रदर्शन भएपछी अझ राम्ररी चिन्लान |

नाम मात्रको ११ घन्टे लोडशेडिंग

2010-01-30T10:56:00.002-06:00

बरु साताको सातै दिन दिनको चौबिसै घण्टा लोडशेडिंग गरिदिए त Routine निकाल्नै पर्दैनथियो नि ! म मात्रै हैन अरु नेपालीहरु पनि यसै भन्छन कारण ११ घण्टा लोडशेडिंग भनेर बत्ति आउछ दिनमा जम्मा २ घण्टा देखि ५ घण्टा सम्म(त्यो राती आएको बत्ति सर्व-साधारणलाई के काम) त्यो पनि कहिले Power पुगेन भनेर १/२ घन्टासम्म बिद्युत दिदैन त कहिले कहाँ के बिग्रिएर मर्मतको लागि बन्द गरेको छ भनेर बिद्युत दिदैन |

तै पनि सरकार भन्छ लोडशेडिंग घटाउन भर-मग्दुर प्रयाश भएको छ | अनि प्राधिकरण भन्छ पानीको बहाव कम भएका कारण लोडशेडिंग थप गरिएको छ तर सम्भव भएमा जुनसुकै बेला बिद्युत आपूर्ति गरिनेछ | ए बाबा ! तिमीहरुले दिएको Routine अनुसार त दिनकै १/२ घण्टा बढी लोडशेडिंग हुन्छ अनि हावादारी गफ किन दिनु जनतालाई ??? अब त बत्ति आउने जाने ठेगानै छैन कहिले आउछ भनेर कुर्नु पर्ने बेला भएको छ बिद्युतलाई !

B.B.C - कटुवाल बार्ता

2010-01-23T11:30:00.005-06:00

आफ्नो कार्यकालमा राजनीतिक भाषण गरे भन्ने आरोप लागेका पूर्व प्रधानसेनापति रुक्माङगद कटवालले शुक्रबार बीबीसी नेपालीलाई दिएको अन्तवार्ता-

आजकाल कुन कुरामा हराउनुभयो?
खै म त नेपालमै बसिरा'छु। म एउटा नागरिक भएर नै बसिरा'छु।

राजनीतिमा हामफाल्दै हुनुहुन्छ भन्ने पनि सुनियाथ्यो, हो?

बच्चा हुँदाखेरि दुई-चारवटा कान्ला त नाघेको हो। घोडाबाट पनि हामफालेको हो, तर खै राजनीतिमा हामफाल्ने त मैले सोचेको छैन।

सेनामा हुँदा त राजनीतिक नेताले जस्तै भाषण गरेर हिँड्यो भनेर खुबै चर्चा गरेका थे?
खै अब भन्ने मान्छेले त भने होलान् तर मैले भाषण गरेर हिँडेजस्तो त लाग्दैन। तर राजनीति त बुझ्नुपर्ने हुन्छ, जसले पनि।

तपाईंले राजनीति अलि बढी नै बुझेजस्तो छ। त्यत्रो शक्तिशाली प्रधानमन्त्रीले त कुर्ची छोड्नुपर्‍यो?
त्यो मेरो कारणले छोड्नुपरेकोजस्तो त लाग्दैन।

नतिजाले त जननिर्वाचित प्रधानमन्त्री पुष्पकमल दाहालभन्दा प्रधानसेनापति रुक्मांगत कटवाल शक्तिशाली देखियो नि?
उहाँहरूले अब म नेपाल र नेपालीको मन्त्री-प्रधानमन्त्री भएँ भनेर देख्नुभएको भए यो सेना हाम्रो हो, राष्ट्रको हो, नेपालीको हो भनेर देख्नुभएको भए यो अवस्था आउने थिएन कि?

जे भए पनि तत्कालीन सरकार प्रमुखको कतिपय आदेश त सेन प्रमुखले नमानेको त हैन र?
हैन सेना प्रमुखले वैधानिक सरकारको आदेश नमान्ने भन्ने त प्रश्नै उठ्दैन।

त्यसो भए त्यो सरकार वैधानिक थिएन?
वैधानिक थियो। वैधानिक भनेर नै मानेको हो नि।

त्यो वैधानिक सरकारले सेनामा भर्ती नगर भनेर भन्यो, तपाईंले भर्ती गर्छु भनेर अगाडि बढाउनुभयो। पदोन्नतिको कुरा आठजना जरनेलको कुरा उसले रोक्यो, तर तपाईंले चुनौती दिनुभयो। खेलकुदमा माओवादी सरकारले खेल्ने आदेश दियो, तर तपाईंले त्यो टिमसँग खेल्दैनौं भनेर आदेश दिनुभयो? यसलाई कसरी भनेको मान्ने?
सबभन्दा पहिला त नेपाली सेनामा तीस वर्षे लगाउने भन्ने कुरा उठ्यो। त्यो तीस वर्षे सर्भिस लगाउँदा नेपाली सेना म्याससेटायर नै हुन्छ। अर्को कुरा भर्नासम्बन्धी, जरनेलसम्बन्धी, खेलकुदसम्बन्धी कुरामा कहाँ-कहाँ, के-के कानुनी भएन र व्यवहारिक भएन, खेलकुदसम्बन्धी मिलेन भनेर एक्प्लानेसन गरेर मैले लेखेर नै दिएको हो।

भनेपछि तत्कालीन सरकारले यो कानुनसम्मत् छैन भने पनि त्यसको जिम्मा मेरो हो, यो कुरा अगाडि बढाऊ भनेर भन्यो कि भनेन?
भनेको छैन। लेखेर पठाएपछि नमिले पनि अगाडि बढाउनू भनेर कहिल्यै भनेको छैन्। बरु बालुवाटारमा बोलाएर यो रोक्न पाए हुन्थ्यो भने भन्नुभो। मैले यो-यो कारणले मिल्दैन भनेर भनेको थिएँ। त्यसपछि कुनै कुरो आएन। त्यो बेलाकै सरकारको कुरा गर्दा मैले राजिनामा नदिएको भए ठूलो रक्तपात हुन्थ्यो भनेर प्रधानमन्त्रीले पुष्पकमल दाहाले भन्नुभो। कुन हिसाबले उहाँले रक्तपात हुन्छ भनेर भन्नुभो त्यो मलाई थाहा भएन।

तपाईलाई हटाउने क्रममा सेना दुई फ्याक्ट हुन्छ। त्यसको एउटा नेतृत्व तपाईंले गर्ने र दुई फ्याक्टबीच भीषण रक्तपात हुने भनेर व्यापक चर्चा गरिएको थियो नि?
त्यो कोसिस त भएको देखियो, एउटा व्यक्तिलाई प्रयोग गरेर। तर त्यो सामर्थ्य र शक्ति भइदिएको भए त हुन्थ्यो होला नि। त्यो हुन नसकेर नै कुलबहादुर खड्का जर्साबले गल्ती गरेको महसुस गर्नुभो भन्ने लाग्छ मलाई। उहाँलाई प्रयोग गर्न खोजिएको हो, पक्कै पनि। नेपाली सेनामा फ्याक्सन ल्याइदिने। खासगरी जसरी हुन्छ यसलाई डिस्ट्रोय गर्ने मनसुबा देखियो।

जे भए पनि आखिरीमा प्रधानमन्त्रीभन्दा प्रधानसेनापति पनि शक्तिशाली भएको देखिएको त हो नि?
नेपाली सेनालाई पोल्टिसाइज गर्न हुन्न। एउटा पार्टीको क्याडर बनाउन मिल्दैन, यो एउटा राष्ट्रिय सेना हो भनेर हेड अफ द स्टेटमा राति गएर यो बेठिक छ, सर्वसम्मत् छैन, कानुनसम्मत् छैन भनेर भनेको थिएँ। संविधान तोडिन्छ, सल्लाह र सहमति जुन कानुनमा लेखिएको छ त्यो मेटिन्छ भनेर भनेको कुरा सरलाई थाहा नै छ। नेपाली सेनाले पनि प्रजातान्त्रिक पद्दतिका लागि एउटा अडान लियो। संसारमा कहीँ पनि छैन यस्तो इतिहास।

यही कुरालाई लिएर तपाईंले विदेशीलाई गुहार्नुभो भन्ने पनि सुनिन्छ। तपाईंको कलेजका साथीहरू थिए रे छिमेकी सेना प्रमुखहरू?
त्यस्तो कुरा गर्ने हो भने त एउटा आफ्नो देशको कर्मचारीलाई निकाल्न विदेशी एम्बेस्डरलाई दिनको तीनचोटिसम्म बोलाको सबैलाई थाहा छ। विदेशी आठ-आठजनालाई बोलाएर लौ न यसलाई हटाउनुपर्‍यो भनेको पनि सबैलाई जगजाहेर छ। विदशी सचिवलाई भेट्न पाइनँ भनेर प्रधानमन्त्रीले भनेको पनि संसारलाई थाहा छ।

प्रसंग अलिकति बद्लौं। तपाईंले यो नेपाली सेना प्रजातन्त्रका लागि प्रतिबद्ध छ भनेर भन्नुभो। तर, माघ १९ को राजाको घटनामा त सेनाले साथ दिएको हैन? त्यो बेला प्रजातन्त्र चाहिएन?
त्यो बेला म प्रधानसेनापति थिइनँ। म अहिले स्पष्ट भन्छु, यदि त्योबेला म प्रधानसेनापति भइदिएको भए सायद यो अवस्था आउने थिएन होला। तर यहाँनिर के पनि भनुँ भने अहिलेसम्म नेपाली सेनाले त्यो पोलिटिकल सेटअपको आदेश मानिराखेको छ, जोसँग शक्ति छ। १९ गतेको सन्दर्भमा भने म त्योबेला म डिसिजन लेभलमा थिइनँ।

एउटा जनरलका हिसाबले राजालाई उक्साउनुभयो। पार्टीलाई विभिन्न लेख लेखेर ठिक लगाउनुभयो भनेर पनि भन्छन् नि?
चारवटा सुरक्षा प्रमुख राति घरमा जान्थे बारम्बार र ती चार सुरक्षा प्रमुखलाई मिटिङमा के भनेको छु भनुँ - बारम्बार आई होप यु आर नट चिटिङ त फ्युचर अफ नेपाल, मोनार्की अफ नेपाल, एन्ड योरसेल्फ, आई होप यु आर टेलिङ टु्रथ। दरबारका मान्छेलाई पनि भनेको छु, यदि राजसंस्थालाई कसैले बचाउँछ भने नेपाली जनता, पार्टीले मात्र बचाउनसक्छ, सेक्युरिटीले हैन भनेर मैले भनेको छु। कुरा सुनुवाई भयो कि भएन अर्कै ठाँउमा छ। तर म फेरि भन्छु म त्यो ठाँउमा भइदिएको भयो यो अवस्था आउने थिएन।

तपाईं दरबारको छत्रछायामा हुर्किनुभयो। तपाईंले दरबारसँग यस्तो कुरा गर्नुभयो भनेर कसले पत्याउला?
त्यसबेलाको महाराजधिराजलाई त मैले हङकङमा चिनेको हो, कर्नेल भइसकेपछि। राजा महेन्द्रले मलाई स्कुल हालेर पढाएको हो। मजस्ता धेरैलाई उहाँले पढाएको छ। तर म मात्रै यस्तो चर्चामा आएको हो।

यसरी आफूलाई हुर्काउने, बनाउने राजसंस्था जाँदा मुटु चसस्क भएन?
कैयन देसमा राजतन्त्र र प्रजातन्त्र सँगै जान सक्छन् भने नेपाल मा किन जान नसक्ने? गएको भए राम्रो हुन्थ्यो। तर, यो हुन सकेन।

तपाईंलाई राजतन्त्रले व्यक्तिगत रूपमा त्यत्रो गुन लगायो। तर तपाईं प्रधानसेनापति हुनेबित्तिकै गयो। तपाईंले त नुनको सोझो पनि गर्न पाउनुभएन नि?
मैले त संस्थाको प्रतिनिधित्व गरेको थिएँ। म सम्पूर्ण नेपाली जनातालाई कसरी सेवा दिन सकिन्छ भनेर हेर्थें। नेपाली सेनाले जे गर्‍यो ठिक गर्‍यो।

अहिलेको स्थितिमा तपाईंलाई अतिवादी, दक्षिणपंथी, राजतन्त्र ब्युँताउने व्यक्तिका रूपमा चित्रित गरिन्छ। के तपाई राजतन्त्र ब्युँताउने व्यक्ति हो?
मैले ब्युँताएर राजसंस्था ब्युँतिने भए उहिले नै ब्युँतिने थियो। जनताले ब्युँताए भने ब्युँतिने हो।

जनताले ब्युँताउने संभावना देख्नुहुन्छ?
भोलिको कुरा नगरौं। संसारमा यस्ता घटना भइरहेका छन्।

तपाईं भन्नुहुन्छ नि बेलाबेला, माओवादी आतकंकारी हुन्। यिनलाई ठेगान लगायो भने सबै कुरा ठिक हुन्छ भनेर? के यस्तै गरे ठिक हुन्छ?
एउटा जुनसुकै सेना प्रमुखले पनि संसारमा यो भनिराख्ने कुरा हो। संसार नै आतंककारीको विरुद्धमा लडिराखेको बेला यसले ठिक भन्यो भनेर स्याबासी दिनुपर्ने बेला। यसको जागिर खोस्नुपर्छ। नागरिक सर्वोच्चताको नाममा धम्काउने काम भइरहेको छ।

त्यसो भए माओवादी बुद्धि नभएका, देशभक्ति नभएका परे?
त्यसो भनौं भने देशभक्तिका नाममा मेची महाकाली हिँडिरहनु भएकै छ। यो त संसारले बुझ्ने कुरा हो।

एकताका माओवादी, सरकार र दरबारबीच सम्पर्क गराउनु खोजिरहनुभएको थियो भन्ने पनि थियो नि?
हैन म चिफ हुँदा दुई-तीनपटक यस्तो अफर आएको हो, मिलाउनुपर्छ भनेर।

के साँच्चिकै तपाई राजनीतिमा नलाग्ने नै हो त?
(हाँसो) धेरै मान्छेले मलाई पार्टी खोल्नुपर्‍यो भन्छन्। धेरैले मलाई पार्टी ज्वाइन गर्नुपर्‍यो भन्छन् । मैले के भनेको छु भने मसँग त्यस्तो खुबी नै छैन र तपाईंको प्रश्नमा भोलि के हुन्छ भनेर अहिल्यै काल्पनिक रूपमा के भनिहालौं र। राज्यले मलाई स्पेस खडा गर्छ र नेपाली जनताले महसुस गर्छन् भने जे पनि गर्न सक्छु। एउटा जरनेल कहिले पनि रिटायर्ड हुँदैन। मेरो अन्तिम सास रहेसम्म नेपाली जनताको निम्ति जे पनि गर्नसक्छु। म पछाडि हट्दिनँ।

अहिले देशको स्थिति खराब छ। समस्या समाधानका लागि नयाँ जंगबहादुर जन्मिनसक्छ भन्ने पनि गरेका छन्। तपाईं त्यस्तो जंगबहादुर बन्ने सम्भावना छ?
जंगबहादुरको समय गइसक्यो। जगंबहादुर जन्मने अवस्था पनि नआओस्। समयमै संविधान बनोस्। समयमै हतियार व्यवस्थापन होस्। समयमै शान्ति आओस्।

बुझ्यो माओबादीले बन्दले केहि हुदैन भन्ने कुरा !

2010-01-23T11:10:00.003-06:00

यदि माओबादीले १५ दिन नेपाल बन्द गरिदिएको भए सरकार झुक्नुपर्थ्यो र सत्ता माओबादीले पाउथ्यो तर किन माओबादीले यसो गरेन ?

हुन त माओबादी एककिसिमले झुकेको छ तर पनि अन्तिम समयमा आएर जुनरुपले माओवादीले अनिश्चितकालीन बन्द गर्ने भन्ने हल्ला भएको थियो त्यो सबै कार्यक्रम फिर्ता लिएर जनतालाई केहि रुपमा राहत दिलाएको छ | सायद अब माओबादीले पनि बुझिसकेका छन् कि बन्दले जनतालाई आफ्नो पक्षमा पर्न सकिदैन भनेर | हुन त भन्नेहरुले अझै पनि भन्छन कि "यदि माओबादीले १५ दिन नेपाल बन्द गरिदिएको भए सरकार झुक्नुपर्थ्यो र सत्ता माओबादीले पाउथ्यो तर किन माओबादीले यसो गरेन ?" त्यो त माओबादी आफै जानोस ! तर बन्द फिर्ता लिएर माओबादीले ढिलै भएपनि राम्रो काम गरेको छ | सबै पार्टीले यसै गरि बन्दलै नै बन्द गरे त क्या मज्जा हुन्थ्यो होला नेपालमा |

नेपालको प्रमुख समस्याहरु नेपाल बन्द, फोहोरको उचित ब्यबस्थापनको अभाव, पेट्रोलिएमको अभाव र लोडशेडिंग मध्येको एउटा समस्या नेपाल बन्द मात्रै कम भए पनि नेपाली जनताहरुलाई अलिक राहत मिल्ने थियो होला | माओबादीले त बन्द फिर्ता लियो तर संबिधान सभाको चुनावमा राजाबादी पार्टीको बिल्ला पाएको र अहिले पनि राजाबादी पार्टीको गर्व गर्दै हिड्ने कमल थापाले भने संबिधान बनाउन दबाब दिनका लागि भन्दै बन्दको आह्वान गरेका छन् रे उनले चाही बन्द फिर्ता लिएका छैनन् है | अब हेरौ उनको बन्द कतिको सफल होला वा असफल त्यो त भोलिका दिनहरुमा देखिने नै छन् |

म त हरामी पो छु त

2010-01-19T09:11:00.005-06:00

यो देशको म कर्णधार पो त
म नभए अरु को हो त ?

पढ्न भनि स्कुल जान्छु
गाँजा चुरोट सबै तान्छु
रिस उठ्यो भने मास्टर हान्छु
म त हरामी पो छु त!!

बर्षमा तिन दिन स्कुल जान्छु
बाकि बसेको दिन हल्लेर खान्छु
Englishमा मेरो Zero आउछ
I Love You सधैं कण्ठ पार्छु
म त हरामी पो छु त!!

कट्टीबाट पैन्ट खस्न लागेको छ
माथि तानेर ठिक्क पार्छु
स्कुल जाने केटीहरुलाई
सुसेलेर दिक्क पार्छु
म त हरामी पो छु त!!

पढेर कसले के पाउछ र ?
कानमा म त मुन्द्रा लाउछु
केटिको गन्ध थाहा भयो भने
जिस्क्यौनालाई जहाँपनि धाउछु
म त हरामी पो छु त!!

यो देशको म कर्णधार पो त
म नभए अरु को हो त ?
मन लागे पढ
नलागे हलो जोत
म त हरामी पो छु त!!

कपालमा म रातो हाल्छु
बनझाँक्री जस्तो कपाल पाल्छु
साना-तिनालाई त टिपेर फाल्छु
झिना मसिना काम आफै ढाल्छु
म त हरामी पो छु त!!

के मन पर्थ्यो तिमीलाई !

2010-01-10T04:13:00.002-06:00

--राघव घिमिरे
नयाँ नयाँ फेशन मन पराउने,
आफ्नो पुरानो र राष्ट्रिय भेषभुषा के मन पर्थ्यो तिमीलाई !

जापान र अमेरिकाको बर्णन गर्ने अनि भारतको चाकरी गर्ने,
नेपाली भै बाँच्न के मन पर्थ्यो तिमीलाई !

रमणीय महलमा मस्त निदाउने,
झुपडीको बास के मन पर्थ्यो तिमीलाई !

ठुला ठुला व्यबसायमा मस्त रहने ,
किसानको जीवन के मन पर्थ्यो तिमीलाई !

सधै कार चढ्ने बनि हुने,
पहाडको गोरेटो के मन पर्थ्यो तिमीलाई !

सुखी जीवन महसुस गर्ने,
दुखको आशु के मन पर्थ्यो तिमीलाई !

पश्चिमी रक, डान्स र पप गीतमा रमाउने,
लोक गीत अनि सारंगीको धुन के मन पर्थ्यो तिमीलाई !

नयाँ नयाँ युगमा प्रवेश गर्न खोज्ने,
आफ्नो कला र संस्कृति अनि परम्परा के मन पर्थ्यो तिमीलाई !

अन्तर्राष्ट्रिय भाषा बोल्न चाहने,
आफ्नो मातृभाषा के मन पर्थ्यो तिमीलाई !

आफ्नो देशमा अन्तर्राष्ट्रिय हस्तक्षेप चाहने,
देशको स्वतन्त्रता के मन पर्थ्यो तिमीलाई !

नयाँ नयाँ फेशन मन पराउने,
आफ्नो पुरानो र राष्ट्रिय भेषभुषा के मन पर्थ्यो तिमीलाई !

जापान र अमेरिकाको बर्णन गर्ने अनि भारतको चाकरी गर्ने,
नेपाली भै बाँच्न के मन पर्थ्यो तिमीलाई !

वीर शहिद बिष्णुको नाममा

2010-01-04T09:15:00.008-06:00

हुदैन बिहान मिर्मिरमा तारा झरेर नगए
बन्दैन मुलुक दुइ चार सपुत मरेर नगए
त्यसैले देशमा राजतन्त्रको अन्त्य गरेर शोषक र सामन्ती बर्गको चुन्गुलबाट देशलाई आजाद गर्न ज्यान दिएका शहिदहरुको रगतमा होलि खेलेर रमाउने नेताहरु अब त नयाँ संबिधान बनाउ र देशलाई सुन्दर, शान्त, बिशाल बनाउ ! नत्र १९ दिनसम्म जनआन्दोलन गर्ने हरुमध्ये केहि सपुतहरु शहिद भए पनि अन्य जनता बाँकी नै छन् भन्ने कुरा नभुल |

र अन्त्यमा वीर शहिद बिष्णुका शोकाकुल परिवारप्रति हार्दिक समबेदना ! यस घडीमा शोकाकुल परिवारलाई धैर्यधारण गर्ने शक्ति प्रदान गरुन |

हुदैन बिहान मिर्मिरमा तारा झरेर नगए
बन्दैन मुलुक दुइ चार सपुत मरेर नगए

भूपी शेरचनका यी हरफहरुले भन्छन कि देशका लागि देशका सपुतहरुले लडे भने अबस्य नै देश बन्छ अनि मुलुक शान्त सम्बृद्ध र समुन्नत हुन्छ | जसरि बिहान हुनका लागि ताराहरु मिर्मिरमा झरेर जानु पर्छ त्यसरी नै दुइ चार जना सपुतहरुले देशका लागि बलिदान दिएर सहिद हुन नडराइ ज्यानको बाजी लगाएमा मुलुक अवस्य नै बन्छ |तर यहाँ त हजौरौंको ज्यान गैसक्यो, बीसौं जनाले आफ्नो ज्यान भन्न पाएनन् तर खै त उपलब्धि ? शनिबारै पनि जनआन्दोलन भाग २ मा कलंकीमा घाइते भएर थलिएका विष्णुलाल महर्जनको निधन भयो। र आइतबार भयो उनको अन्त्येष्टी।

तर उनै जस्ता शहिदहरुको कारणले आज नयाँ संबिधान बनाउनका लागि जनताको म्यान्डेड पाएकाहरु चाहिं फलानो हरुवा पार्टी सरकारमा गयो, फलानो पार्टीको सत्ता गठबन्धन छुटाएर सरकार ढाल्छौँ र हाम्रो सरकार ढल्दैन, हामी सरकार ढाल्न दिदौनौ भन्दै सत्ताकै कुरामा अल्झिरहेका छन् | यस्तो हुँदा कति चित्त दुखेको थियो होला विष्णुलालको उनि बोल्न सक्ने भए थाहा हुन्थ्यो तर पनि उनको परिवारलाई त थाहा होलाकी उनको चित्त कति दुखेको थियो होला भनेर | उनि त संसारबाट बिदा भएर गए र दिक्कलाग्दो नेपालको हालत देख्न र सुन्न बाट बन्चित भए तर अन्य जीवित शहिद(जनआन्दोलन भाग २ का घाइतेहरु )लाई कस्तो हुँदो हो नेपालको र नेपाली जनताको यो हालत र नेपाली नेताहरुको यस्तो सत्तामोहको चाला देखेर ?

के ति बीसौं जीवित तथा मृत सहिदहरुले देश यस्तै बनाउन आफ्नो ज्यान दिएका हुन् त ? के नेपालको यहि हालत बनाउन हामी जनताहरुलाई सडकमा उतारेर १९ दिने जनआन्दोलन गरिएको/गराइएको हो त ? के नेताहरुलाई सत्तामा पुर्याएर कुर्सीमा बसाउन र राजतन्त्रको अन्त्य गर्न मात्रै जनताहरुले आन्दोलन गरेका हुन् त ? अबस्य पनि होइन त्यसैले देशमा राजतन्त्रको अन्त्य गरेर शोषक र सामन्ती बर्गको चुन्गुलबाट देशलाई आजाद गर्न ज्यान दिएका शहिदहरुको रगतमा होलि खेलेर रमाउने नेताहरु अब त नयाँ संबिधान बनाउ र देशलाई सुन्दर, शान्त, बिशाल बनाउ ! नत्र १९ दिनसम्म जनआन्दोलन गर्ने हरुमध्ये केहि सपुतहरु शहिद भए पनि अन्य जनता बाँकी नै छन् भन्ने कुरा नभुल |

र अन्त्यमा वीर शहिद बिष्णुका शोकाकुल परिवारप्रति हार्दिक समबेदना ! यस घडीमा शोकाकुल परिवारलाई धैर्यधारण गर्ने शक्ति प्रदान गरुन |

बन्दमा जे देखियो ...

2010-01-02T01:10:00.005-06:00

हिजो आदिबासी/जनजाति बृहत मोर्चा, नेपालको नेपाल बन्द कार्यक्रम | विभिन्न माग राख्दै नेपाली राज्यसत्तालाई खाली बाहुनबादी, अन्यायिक, विभेदपूर्ण र शोषणकारी राज्यसत्ता ब्यबस्थाका रुपमा देखाउदै उक्त राज्यसत्ताको बिरोधमा गरिएको उक्त बन्दमा बन्दकर्ताहरु भन्दै बाटो छेकिरहेका प्राय: सबै गाडीका चालक र सहायक(खलासी)हरु नै देखियो | बन्दकर्ताहरुको माग र उनीहरुको खासै केहि सम्बन्ध देखिदैन देखिन्छ त केवल आफुले काम गर्न नपाएपछी अरुलाई पनि काम गर्न र सवारीका साधनहरुलाई पनि चल्न नदिने मनोभाव अझ प्रस्ट पारौं उही सदियौंदेखिको खुट्टा तान्ने प्रवृत्तिको निरन्तरता | हैन नेपालमा यति बन्द हुन्छ कि बन्द त परम्परा जस्तै भैसक्यो |

अनि अचम्मको कुरा त ति चालक र खलासीहरु र ति बन्दकर्ताहरुको माग बीच के सम्बन्ध ? होला ति चालक र खलासीहरु जनजाती भए त केहि सम्बन्ध हुन्थ्यो र तिनीहरु सडकमा ओर्लदा केहि अर्थ रहन्थ्यो तर ति बन्दकर्ताका नाममा सडकमा बाटो छेकेर बस्नेहरु जनजाति भन्दा बढी बाहुन क्षेत्रिहरुनै थिए | अनि जसको बिरुद्धमा बन्द भएको हो उ नै बन्दकर्ता बन्नु कति अचम्मको कुरा होला त ? त्यो भन्दा पनि अचम्मको कुरा ति बन्दकर्ताका नाममा सडकमा आएकाहरुलाई कसले बन्द गरेको भन्ने पनि थाहा रहेनछ किनकि उनीहरुलाई के को बन्द भन्दा त "बन्द भनेपछि बन्द गाडी, Bike, साइकल केहि पनि चलाउन पाइदैन " भन्दै बाटो छेक्दै थिए | अनि नेपाल बन्दको कारण र माग नै थाहा नपाई बन्दकर्ता भनेर रोड नै छेकेर बन्दलाई ब्यापक सफल पर्ने अनि बन्दकर्ताका मागसंग पनि कुनै सम्बन्ध नहुने यस्ता धेरै व्यक्तिहरु छन् जो बन्दमा रमाइलो र होहल्ला गर्न जाने परम्परा नबसोस |
जय बन्द !

इस्वी सम्बत नयाँ बर्ष र विक्रम सम्बतको नयाँ बर्ष

2010-01-01T01:01:00.007-06:00

हुन त मैले विदेशीहरुको सिको नगरौ भन्न खोजेको होइन र उनीहरुको बिरोध गर्नै पर्छ भनेको पनि होइन | हो हामीले विदेशीहरुको राम्रो कुराको सिको गर्न सक्छौ अनि उनीहरुको Festivalहरुलाई Celebrate गर्न पनि सकिन्छ तर त्यसो भन्दैमा नेपाली चाडपर्व, परम्परा र संस्कृतिलाई भुल्नु चाही भएन | नेपाली चाडपर्व, परम्परा र संस्कृतिलाई भुलेर आखिर कहिलेसम्म हामी नेपाली नै रहिरहन सक्छौं ?

दुई तिन दिन देखि मेरो e-mail र मोबाइलको inboxमा संदेशहरुको यस्तो लिने लागेको छ कि पढ्ने फुर्सद पनि पाइदैन | कारण इस्वी सम्बतको नया बर्ष २०१० | हजुर मेरो मात्रै नभएर प्राय सम्पूर्ण नेपालीका मोबाइल र E-mailको Inboxमा New Year 2010को शुभकामनाका संदेशहरुले भरेका छन् | तर बिडम्बना विक्रम सम्बतको नयाँ बर्षका दिनहरुमा यसरि कमै नेपालीको मोबाइल र E-mailको Inboxमा यसरि शुभकामना संदेशहरु आउछन |

आखिर किन यस्तो हुँदै छ त | किन हामि अरुको सिको गर्दै आफ्नो राम्रो परम्परा र रितिथिति आदिलाई अंगाल्न सक्दैनौ त ? आखिर हामी किन बिदेशीको सिको गर्छौं त ? के नेपालीको पनि सिको गर्दै कुनै बिदेशीले नेपालीको चाडपर्वमा कुनै संदेश पठाऊछन् त ? हुनत राम्रो कुराको सिको गर्नु राम्रै हो तर त्यसो भन्दैमा हामि आफ्नो परम्परा अनि संस्कृति र आफुले आफुलाई नै बिर्सन थालेका छौं |
हामी नेपाली आफ्नो राष्ट्रिय पोशाक दौरा सुरुवाल(पुरुष) अनि चौबन्दी र ढाका चोली(महिला) लगाउन लाज मान्छौं अनि बिदेशी कपडा टाइट जिन्स र टिसर्टमा रमाउने युवा पुस्ताहरु यसैगरी बिदेशी संस्कृतिमा भुल्न थाल्छौं तर राष्ट्रियताको खोक्रो नारा लगाउन भने छाड्दैनौ | खाली अर्काको सिको गर्ने हामी नेपाली बिदेशीको बिरोध गर्न खुब माहिर छौं तर उनीहरुकै सिको गरेर भने हामि थाक्दैनौ |अब हामी हिजोको New Year Eve कै कुरा गर्नु पर्दा पनि हरेक रेस्टुरेन्ट तथा Hotelहरुमा कुनै न कुनै कार्यक्रमहरुको आयोजना गरिएको थियो जसलाई Celebrate गर्न थुप्रै नेपालीहरु उपस्थित भए | थुप्रै कलाकारहरुले आफ्नो प्रतिवा प्रस्तुत गरे भने थुप्रै स्पोन्सरहरुले थुप्रै खर्च गरे जुन नेपाली नया बर्ष सन्ध्यामा कमै मात्र हुन्छ | आखिर कहिले सम्म यस्तो हुने ? प्रश्न उब्जन्छ उत्तर पनि रेडिमेड छ जहिलेसम्म हामीलाई राष्ट्रियताको बोध हुन्न त्यहिलेसम्म |

हुन त मैले विदेशीहरुको सिको नगरौ भन्न खोजेको होइन र उनीहरुको बिरोध गर्नै पर्छ भनेको पनि होइन | हो हामीले विदेशीहरुको राम्रो कुराको सिको गर्न सक्छौ अनि उनीहरुको Festivalहरुलाई Celebrate गर्न पनि सकिन्छ तर त्यसो भन्दैमा नेपाली चाडपर्व, परम्परा र संस्कृतिलाई भुल्नु चाही भएन | नेपाली चाडपर्व, परम्परा र संस्कृतिलाई भुलेर आखिर कहिलेसम्म हामी नेपाली नै रहिरहन सक्छौं ?

कता हुनुहुन्छ उर्जामंत्री प्रकाशशरण महतज्यू

2009-12-29T09:55:00.007-06:00

हैन यी सम्माननीय उर्जामंत्रीज्युलाई के भो हो ?? अचेल त भाषणमा लोडशेडिंगलाई हिउदमा पनि १२ घण्टा भन्दा बढ्न दिदैनौ भन्दै घोषणा गर्दैनन् त ? हुन त भाषण पनि कति गरुन बिचरा मन्त्रीज्यू जत्ति भाषण गरे पनि लोडशेडिंग बढ्या छ बढ्या छ | अब त बिचरा मन्त्रीज्यूलाई पनि टेन्सन हुन थालिसक्यो होला अब लोडशेडिंग दिनमा नै १२ घण्टा हुन लागिसक्यो | कि मन्त्रीज्यूले आधा दिनमा १२ घण्टामात्र लोडशेडिंग हुने भन्नुभाको पो हो कि |

मन्त्रीज्यू, भविष्यको बारेमा बोल्दा भूतको अबस्था अनि बर्तमानको अवस्थालाई मध्यनजर गरेर मात्रै बोल्नुपर्छ | अब उत्पादन क्षमता धेरै छ रे भन्दैमा त्यतिकै त उत्पादन हुदैन नि | हो नेपालको जलबिद्युत उत्पादन क्षमता तुलनात्मक हिसाबले अन्य राष्ट्रहरु भन्दा धेरै छ | तर उत्पादन भैराखेको जलबिद्युत भने क्षमताको तुलनामा नगन्य मात्रामा छ | अनि पोहोर सम्म हिउंदमा पानीको बहाव कम भएर लोडशेडिंग दिनकै १५/१६ घन्टासम्म पुग्ने अनि फेरी यसपाली चाही त्यो लोडशेडिंग स्वात्तै घटेर हप्ताको १२ घण्टामा झर्छ त जबकी बिद्युत उत्पादन कति पनि बढेको छैन यस बर्ष | अब आजदेखि साताको ५१ घण्टा लोडशेडिंग भयो अब यतिखेर कहाँ निदाउनु भएको छ | मन्त्रीज्यू, यदि तपाई सक्नु हुन्छ भने कमसे कम बिद्युत उत्पादन गर्न/गराउन उत्साहित गर्ने कदम चाल्नुस जसले गर्दा अर्को बर्ष लोडशेडिंगको मार आम जनताहरुमा कम परोस | सायदै तपाइले यस्तो कदम चाल्नुहोला किनकि तपाइको घर/क्वार्टरमा त अझै पनि सरकारी खर्चको तेल मट्टीतेल अनि पेट्रोलबाट बत्ति बल्दै छ होला अनि तपाइको घर/क्वार्टर त झलमल्ल होला त्यसैले झिनो आशाका साथ आग्रह गर्नु पनि कुनै काम छैन होला |

लोडशेडिंगको तालिका तल हेर्नुस | (ठुलो र प्रष्ट हेर्न तस्बिरमा क्लिक गर्नुहोस |)

First Image Source: Google.com/images

ओरालो झर्दै माधव नेपालको लोकप्रियता

2009-12-25T00:04:00.004-06:00

हुन त इतिहाँस नै हेर्ने हो भने पनि नेपालमा कम्युनिस्ट शासन ९ महिनाभन्दा बढी टिकेको रेकर्ड नै छैन | माधव नेपाल नेतृत्वको सरकारको आयु पनि ९ महिना पुग्न लागिसकेको छ | सायद यो सरकारको पनि आयु टुङ्गिन लागेको पो हो कि | अब पर्खने र हेर्ने सिबाय अन्य कुनै उपाय छैन हामीसंग त्यसैले "पर्ख र हेर !"

प्रधानमन्त्री भएको केहि समयमै प्रसुती वेदनाले कालको मुखमा पुग्न लागेकी रुकुम मुसिकोट रातामाटाकी २० वर्षिया कमला चन्दलाई हेलिकप्टरमा हालेर उद्धार गरेर ज्यान जोगाइदिएर चर्चामा आएका माधव कुमार नेपालले अब केहि गर्छन क्यारे भन्ने आशा जनतामा पलायो | जनताको सोचाईमा जस्तै माधव कुमार नेपालले दुइ चार दिन के के न गरौला जस्तो गरि जनआन्दोलका घाइते काभ्रेका मुकेश कायस्थ र काठमाडौं सतुंगलका विष्णुलाल महर्जनलाई भेट्न प्रधानमन्त्री नेपाल उनकै निवासमा पुगेर घाइतेका परिवारसंग भलाकुसारी गरेर सरकारले दिंदै आएको चार हजार मासिक भक्ता बढाएर १० हजार पुर्याउने प्रतिबद्धताका साथ दुबैको उपचार प्रकृयालाई अगाडि बढाउने वचन समेत दिने लगायत टुरिस्ट बसमा काठमान्डौको सयर गरि त्यहाको जनजीवन र स्थिति बुझ्ने जस्ता कार्य गरेर अझ चर्चा र जनताको वाहवाही बटुल्न लागे |

सबै जनतामा आशा पलायो अब चाही पक्कै केहि हुन्छ मा.कु.ने.ले चाही केहि गर्छन क्यारे भन्ने | तर फेरी उही अरु नेताकै झैँ विदेश भ्रमणमा स-परिवार जाने, कानुनको उपहास गर्ने लगायतका कार्य सुरु भैहाल्यो | मन्त्रि करिमा बेगमले C.D.O. कुटिन यति खेर त मलाई नै गालामा झाप्पड हाने पनि चुप लग्नु पर्छ नत्र त सरकार नै गम्भीर समस्यामा पर्छ भन्ने जस्ता अभिव्यक्ति दिए | जनताले अलि अलि विश्वास गर्न के थालेका थिए उनले त मैले त जे गरे पनि हुन्छ भन्ठाने क्यारे अनि त कोपेनहेगन सम्मेलनमा भाग लिने नाममा बेकामका मन्त्रिहरु सहित मन्त्रीका पनि सबै परिवारलाई कोपेनहेगन घुमाउन लगे | यति सम्म त ठिकै हो भन्ने हो भने पनि हिजो मात्रै फेरी ऋषि धमला लगायत ज्यान मार्ने तथा हातहतियार तथा खरखजाना मुद्धा जस्ता गम्भीर अपराधको मुद्धा परेका अन्य तीनजनालै छुटाउने जस्ता कार्यबाट माधव नेपाल सरकारको लोकप्रियतामा गम्भीर असर परेको छ | अब यस्तो चालले माधव नेपालको सरकारको आयु पनि छोट्टिदै छ |

हुन त इतिहाँस नै हेर्ने हो भने पनि नेपालमा कम्युनिस्ट शासन ९ महिनाभन्दा बढी टिकेको रेकर्ड नै छैन | माधव नेपाल नेतृत्वको सरकारको आयु पनि ९ महिना पुग्न लागिसकेको छ | सायद यो सरकारको पनि आयु टुङ्गिन लागेको पो हो कि | अब पर्खने र हेर्ने सिबाय अन्य कुनै उपाय छैन हामीसंग त्यसैले "पर्ख र हेर !"

फेरी +२ अनिश्चित कालको लागि बन्द

2009-12-23T09:20:00.003-06:00

नेपालमा बन्द र चक्काजाम अनि हड्ताल भन्ने कुरा त सामान्य भैसक्यो | यदि बन्द चक्काजाम र हड्ताल नभए त नेपालीलाई खाएको नै नपच्ने | अब फेरी माओबादीसम्बद्ध अखिल नेपाल (क्रान्तिकारी) शिक्षक संघठनले +२ हरु अनिश्चित कालका लागि बन्द गर्ने भएको छ | संगठनका महासचिव तथा शैक्षिक हड्तालका केन्द्रीय संयोजक पुष्प न्यौपानेका अनुसार सरकार तथा HSEBले आफ्नो मागलाई बेवास्था गरेकोले यसो गर्नुपरेको हो |अनिश्चितकालिन शैक्षिक हड्ताल भनीए पनि यसले +२ मात्रै बन्द गराउने पनि उहाले स्पस्ट पार्नुभयो |

Some Photos Of Nepal Banda Dec 21

2009-12-21T07:12:00.010-06:00

Add caption

For More photos please visit Fuel Crisis And Other Problem in NEPAL

किन ए.माओबादी यसरि पतनको बाटो तर्फ जाँदै छ त ?

2009-12-19T08:51:00.005-06:00

हैन अचेल ए.माओबादीलाई के भा'को छ हो ? कि ए.माओबादीका नेताहरु बौलाए नत्र त १० बर्षे गृहयुद्दमा लाखौं जनतालाई रक्सि खाएको निहुँमा पिटेर भौतिक कारबाही गर्ने पार्टी ए.माओबादीको मगरात स्वायत्त प्रदेशको घोषणा क्रममा पाल्पाको सितलपाटीमा बियरको बोतलमा पटाका राखेर नपड्काइनु पर्ने हो |

अझ जुवा तास जांड रक्सि आदिका कारणले ए.माओबादी भने पछी जनता तर्सन्थे | तर अहिले त माओबादीका नेताहरुकै Casino उनीहरुकै मातहतकाहरु Casinoमा जागिरे छन् रे भन्ने पो सुनिन्छ त | आखिर किन ए.माओबादी यसरि पतनको बाटो तर्फ जाँदै छ त? प्रश्न तपाईहरुलाई नै र ए.माओबादीका ति भ्रस्ट नेताहरुलाई जो सच्चा माओबादी बन्न सकेका छैनन् | हो सबै नेता त्यस्ता छैनन् होला तर पार्टी नेतृत्वको कमजोरीले त्यस्ता भ्रस्ट नेताहरुलाई सहयोग पुगिरहेको हुनसक्छ भन्ने तिर ए.माओबादी नेतृत्वको ध्यान कहिले जाला ??

नेपालमा अन्तर्रास्ट्रिय मानव अधिकार दिवस, नागरिक सर्वोच्चता अनि माओवादि

2009-12-10T10:01:00.004-06:00

आज ६१औं अन्तर्रास्ट्रिय मानव अधिकार दिवस !!
फेरी पनि प्रसङ्ग नागरिक सर्वोच्चता र मानव अधिकारकै !

पत्रिका बन्द गर्न माओवादी पत्र

मिडिया सोसाइटीको आपत्ति

सबै दैनिक पत्रिकाहरुको समाचार

माओवादी समर्थित अखिल नेपाल ट्रेड युनियन महासंघले प्रकाशन गृहहरूलाई समेत पत्राचार गरी यही मंसिर २४ गते प्रकाशनका कामसमेत बन्द गर्न आग्रह गरेकोमा नेपाल मिडिया सोसाइटीले आपत्ति प्रकट गरेको छ।
सोसाइटीको सोमबार बसेको बैठकपछि जारी वक्तव्यमा भनिएको छ- अखिल नेपाल ट्रेड युनियन महासंघको नामबाट मिति २०६६ मंसिर १७ गते विभिन्न प्रकाशन गृहको नाममा प्रेषित पत्रप्रति नेपाल मिडिया सोसाइटीको गम्भीर ध्यानाकर्षा भएको छ।’

माओवादीको हाल भइरहेको तेस्रो जनआन्दोलनअर्न्तर्गत यही २०६६ मंसिर २४ गते हुने उद्योग, प्रतिष्ठान र सवारीसाधनको हडतालमा प्रकाशन गृहहरूसमेत बन्द गर्न गरिएको अनुरोधलाई मिडिया सोसाइटीले जनताको सुसूचित हुने अधिकारप्रति पूर्ण् बन्देज लगाउने मात्र नभई नागरिक स्वतन्त्रताको हक नै हनन हुने घातक परिणामको रूपमा लिएको वक्तव्यमा जनाइएको छ।

सोसाइटीका महासचिव उज्ज्वल शर्माद्वारा जारी गरिएको वक्तव्यमा अगाडि उल्लेख छ- तर्सथ प्रेस स्वतन्त्रता र जनताको सुसूचित हुने अधिकारलाई गम्भीर रूपमा मनन गरी अविलम्ब यस्ता खालका कार्यक्रम फिर्ता लिई प्रकाशन गृहहरूलाई सुचारु रूपबाट चल्न दिई समाचार प्रकाशन तथा वितरणका लागि सहज परिस्थिति बनाउनका लागि सोसाइटी जोडदार माग गर्दछ।’

एकसाठीऔँ अन्तर्राष्ट्रिय मानवअधिकार दिवसका अवसरमा बिहीबार आयोजित कार्यक्रममा उनले सत्यतथ्य नबुझी यसबारे माओवादीलाई आरोप नलगाउन पनि आग्रह गरे।
http://www.nagariknews.com/society/nation/8027-2009-12-10-12-24-30.html
यसैगरी आजै आयोजित अर्को एक कार्यक्रममा नेपाल पत्रकार महासङ्घका अध्यक्ष धर्मेन्द्र झाले दिनदहाडै सञ्चारकर्मीको हत्या र साङ्घातिक हमला हुँदा पनि दोषीलाई दण्ड नदिई कानमा तेल हालेर बस्ने सरकारले प्रेस स्वतन्त्रताप्रति प्रतिबद्ध छु भन्नु नाटकमात्र हो भनेका छन्।

मरणासन्न हुनेगरी पिटिएकी रुकुमकी पत्रकार टीका बिष्टलाई छ सातदिनदेखि हत्याको धम्की आइरहेको र स्थानीय प्रशासनलगायत् सरकारका निकायलाई महासङ्घले सचेत गराउँदा पनि सरकारी बेवास्ताका कारण उनी पिटिनुपरेको भन्दै अध्यक्ष झाले सरकारले प्रेसलाई उपेक्षा गरिरहेको गुनासो गरे।

अन्तर्राष्टिय मानवअधिकार दिवसका अवसरमा आयोजित विचार तथा अभिव्यक्ति स्वतन्त्रता विषयक कार्यक्रममा उनले भने – सदरमुकामजस्तो ठाउँमा दिउसै यसरी एक जना महिला पत्रकारमाथि जघन्य हमला हुँदासमेत केही थाहा नपाएजस्तो गरी बस्नु र घटनाको यत्रो लामो समयपछि पनि दोषीलाई नपक्रिनु सरकारको लज्जाजनक काम हो।

Development, Construction, and Destruction

2009-12-06T22:09:00.009-06:00

विकाश कि बिनाश

सुन्दर गाउँ

भुतसंग जम्काभेट

2009-12-03T02:44:00.009-06:00

--कुमार गौतम--

समयको रफ्तारसंगै रात ढल्दै छ | हर्के मास्टरसा'प यानी हर्क प्रसादको ड्युटी यानी गाउँलेलाई प्रौढ शिक्षा पढाउने कार्य पनि सकिएको छ | अब हर्के घर जानको लागि आफ्नो सामानहरु झोलामा राखेर टर्चलाइट बालेर ओरालो झर्छ | बाटोमा जाँदा जाँदै केहि पर अलि अलि नचिनिने केहि बस्तु उ तिरै आइरहेको जस्तो देखेर उ झसङ्ग हुन्छ र घडी हेर्छ | घडीले साढे नौ बजाईसकेको छ अब उसको मनमा चिसो पर्न थाल्छ कतै त्यो बस्तु भुत त होइन किनकि बुढा पाकाको मुखबाट उसले त्यो बाटोमा समय समयमा भुत हिड्ने कुरा धेरै पटक सुनिसकेको थियो | जसै उ टर्चको प्रकाशलाई बन्द गर्थ्यो उसै त्यो बस्तुको आकारमा बृद्दी भैरहेको भान उसलाई पर्दै थियो | हुन त उ भुत हुदैन भनेर पढेको र भुत सुत केहि हुदैन त्यो त केवल मनको भ्रम मात्रै हो भनेर भन्दै हिड्ने मान्छे तर पनि आज उ खुद भुतसंग डराइरहेको थियो |

अब उ जुन बाटो आएको त्यै बाटो फर्कने सोचमा पुग्यो तर फेरी घडी हेर्छ त घडीमा १० बजिसकेको हुन्छ | फर्केर गएपनि कसैको घरको ढोका खुल्दैन भन्ने बिचारले उ जे पर्ला पर्ला मरे पनि मरिएला भन्ने सोचेर एउटा चुरोट सल्काउछ र झोलाबाट खुकुरी झिकेर अघाडी बढ्छ तर फेरी पनि अगाडी बढ्न डर मान्छ | तै पनि जसो तसो उ अगाडी जान्छ | अब उ त्यो आकृतिको नजिकै आइपुग्छा त फेरी त्यहाँ त बडेमानको गोरु छ ठ्याक्कै उसको घरको जस्तै | अब उ बर्बराउन थाल्छ अनि घरका परिवारलाई गालि गर्न थाल्छ | तर जसै उसको टर्चको प्रकाश उक्त गोरुमा पर्यो गोरु गायब त्यहाँ त केहि थिएन | फेरी जब उसले टर्च निभायो फेरी गोरु ज्यूँ का त्यूँ देखा पर्छ उ छक्क पर्छ | फेरी पनि टर्च निभाउछ त फेरी गोरु त मकै बारीमा नै पो चरीरहेको छ | फेरी टर्च बाल्छ यो पटक झन् छक्क पर्छ कारण न एउटा मकैको बोट नासिएको छ न त गोरु नै त्यहा छ | उसको जिउ लल्याकलुलुक हुन्छ अनि एक्कासी आवाज आउछ "च्वोई ध्वाँसे" | त्यसपछि भोलिपल्ट बिहान एकैपटक उसले आफुलाई ओछ्यानमा पाउछ |

सरकार छोडौं नयाँ संबिधानतर्फ ध्यान दिऔं !

2009-11-29T11:20:00.007-06:00

हैन हो अब कति सरकार बनाउने र गिराउने खेलमात्रै खेल्ने हो?? अब त जाग न हो नेताहरु हो नयाँ संबिधान बनाउन र देशमा दिगो शान्ति स्थापना गर्न |

प्रचण्ड सिंगापुरमा गएर गिरिजा प्रसाद कोइरालालाई भेटेर गोप्य बार्ता गरेर निकै खुशी मुद्रामा सरकार ढल्छ भन्दै हिंडेपछी एकपटक सबैमा डर, त्राश, अनि खुशी छाएको थियो | अझ केहि नेताहरु त सरकार ढल्ला भनेर सरकार टिकाउने उपाय खोज्न र सरकार टिकाउन दिलोज्यान दिएर लागेका थिए | हुन त नेताहरुको 'सरकार दोहोरि'(सरकार ढल्छ अनि सरकार ढल्दैन भन्ने भाषण) अझै पनि सकिएको छैन | प्रमुख प्रतिपक्षी दलका नेताहरु सरकार ढल्छ भनेर भाषण ठोक्छन अनि सत्तारुढ नेता(मन्त्रिहरु) सरकार ढल्दैन भन्दै भाषण ठोक्छन | हैन सरकार ढल्नु र नढल्नुसंग हामीलाई के मतलब | जुन सरकार आए पनि जनतालाई हात लाग्यो शुन्य हुने नै हो आखिर |

अब यस्तो चालले कसरि बन्छ नयाँ संबिधान | सत्तारुढ दलहरुलाई सत्ता(कुर्सि/पद ) जोगाउने चिन्ता अनि प्रतिपक्षी दललाई सरकार ढलाएर आफ्नो सरकार बनाउने चिन्ता | अब पर्यो फसाद कुर्सि/सत्ताको खेलले नेता तथा दलहरुमा फुट छ, तर नयाँ संबिधान बनाउन नेताहरु सबै एकजुट हुनुपर्छ |

बरु यो सरकार बिहिन देशमा देखावटी (माओबादीको भाषा सापट लिएर भन्नुपर्दा 'कठपुतली' ) सरकार पनि हटाएर सबै नेताहरु मिलेर नयाँ संबिधान बनाउन तिर लाग्ने हो कि | किनकि जनताले नेताहरुलाई अहिले कुर्सिको लागि लड्न नभएर नयाँ संबिधान बनाएर देशमा दिगो शान्ति स्थापना गर्नको लागि भोट दिएर पठाएको हो | त्यसैले हे नेताहरु हो जाग न हो अब त नयाँ संबिधान बनाउन नत्र धेरै ढिलो होला !!!

अब कति सरकार बनाउने र गिराउने खेलमात्रै खेल्ने हो?? अब त जाग न हो नेताहरु हो नयाँ संबिधान बनाउन र देशमा दिगो शान्ति स्थापना गर्न | नत्र धेरै ढिलो हुनेछ | अनि तिमि नेताहरुको विश्वास गर्ने पनि कोहि बाकी हुदैनन् | यदि समयमै नयाँ संबिधान बनेन भने जनताले तिमीहरुलाई फेरी भोट दिएर जिताउलान र ?? समयमै नयाँ संबिधान नबने जनतालाई के मुख देखाउछौ नेताहरु | त्यसैले पनि बेलैमा बुद्धि पुर्याएर अब सरकारलाई छोडेर नयाँ संबिधानतर्फ ध्यान दिने कि !!!

र अन्त्यमा 'सरकार दोहोरि' र सरकार ढलाउने र बनाउने अनि जोगाउने खेलले नेपाल संबिधान बिनाको देश नबनोस | जसले जे गरे पनि कारबाही नहुने देशमा केहि नभए पनि बेलैमा(चांडै) संबिधान चाही बनोस |
जय राजनीतिक दल
जय नयाँ नेपाल

नागरिक र Repuplicaको पनि Online Epaper

2009-11-29T11:14:00.007-06:00

कान्तिपुरबाट फुटेर नागरिक र Repuplicaको प्रकाशन सुरु गरेको Nepal Republic Media Pvt. Ltd.ले आजदेखि नागरिक तथा Republicaको online संस्करणमा epaperको सुरुवात गरेको छ | स्मरण रहोस कान्तिपुरको अनलाइन संस्करणमा कान्तिपुर र The Kathmandu postको epaper आएको धेरै समय बितिसकेको छ |

नागरिक र Repuplicaको Online Epaper यस्तो देखिन्छ :

नेपालमा भन्दा दार्जिलिङ्ग पहाडमा नेपाली पोशाकको माया र इज्जत बढी

2009-11-22T09:11:00.004-06:00

सञ्जीव चापागाई,७ झापा
छुट्टै राज्य गोर्खालेण्डको माग शसक्त पार्न दार्जिलिङ्ग पहाडका अधिकाशं विद्यालयले विद्यार्थीहरुलाइ जातिय पोशाक दौरा सुरुवाल र चौबन्दी चोली अनिवार्य रुपमा लगाउन निर्देशन दिएका छन्। छुट्टै राज्यको माग गर्दै दार्जिलिङ्गमा लामो समय देखि जारी आन्दोलन लाइ निर्णायक मोडमा पुर्याउन विद्यालयहरुले विद्यार्थीलाइ अनिवार्य रुपमा जातिय पोशाक लगाउन निर्देशन दिएका हुन्।
मिरिक कलेजका विद्यार्थीहरु लाइ भोली देखि दौरा सुरुवाल, चौवन्दी चोली र ढाका साडी लगाउन निर्देशन दिइएको कलेजका यूनियन महासचिव मनोहर शर्माले जानकारी दिनुभयो। उहाँले निर्देशनको पालना नभए कडा प्रतिकार गर्ने चेतावनी दिनुभयो। “जातिय पोशाक लगाउनु गर्वको विषय हो। महासचिव शर्माले भन्नुभयो “यसले हाम्रो स्वाभिमान र गरिमा फर्काउँछ।”
विद्यालयहरुले दौरा सुरुवाल, चौवन्दी चोली र ढाका साडी वाहेकका पहिरन लगाएर आए विद्यार्थीहरुलाइ विद्यालयमा प्रवेश नै नदिने चेतावनी दिएका छन्। जातिय पोशाक लाए नलगाएको वारे निगरानी गर्न गोर्खा जनमुक्ति मोर्चाका सेना अर्थात जि .एल.पि परीचालन गर्ने शर्माको भनाइ छ।
नेपालमा राष्ट्रिय पोशाक लगाउने चलनमा दिन प्रतिदिन ह्रास आइरहेका वेला गोर्खा जनमुक्ति मोर्चाले छुट्टै राज्य गोर्खालेण्डको माग शसक्त पार्न थालेको यो अभियान निकै नै प्रभावकारी मानिएको छ। अहिले छुट्टै राज्यको माग गर्ने सबै गोर्खालीहरु दौरा सुरुवाल र चौबन्दी चोलीमा सजिने गरेका छन्।

Source:Dainikee.Com

नेताहरुको बोलि र नेपालमा हिटलर, माओ, अब्राहमको समिश्रणको सिंहको आवस्यकता

2009-11-21T10:18:00.005-06:00

त्यसैले पनि नेपालमा एउटा सिंह(जसमा हिटलरको जस्तो शासन गर्ने शक्ति, माओको जस्तो जनप्रेमी सिद्दान्त,अब्राहम लिन्कनको जस्तो विचार भएको व्यक्ति)को खाँचो छ |

आन्दोलनमा रेखा थापासंग डिस्को डान्स गरेर देखा सर्वोच्चता स्थापित गर्ने नेताका रुपमा क.प्रचण्ड निकै चर्चामा आए | यद्यपी उनको डान्सिंग आन्दोलनको कति आलोचना भयो भने कतिले आन्दोलनको मर्म बुझेर/नबुझेर सहयोग गरे | जसबाट माओबादी आन्दोलन अझै अघि बढ्छ र संसद खुल्दैन अनि बजेट पास हुदैन भनेर सोच्नेहरुलाई छक्क पर्दै अन्तत: एनेकपा माओवादीले बजेट पारित गर्नका लागि तीन दिन सदन अवरुद्ध नगर्ने निर्णय गरेको छ। यद्यपी शनिबार अपरान्ह बसेको माओवादी केन्द्रीय कमिटीको बैठकले अनिश्चितकालीन आमहड्ताल सहितको तेस्रो चरणको आन्दोलन घोषणा गरे पनि बजेट पारित गर्न भने बाटो खोल्ने निर्णय गरेको हो।माओवादीले मंसिर महिनाभर प्रचार-प्रसार तथा जुलुस, धर्ना र पुष ७ पछि अनिश्चितकालीन राजनीतिक आमहड्ताल गर्ने निर्णय गरेको छ।

स्मरण रहोस अस्तिमात्रै प्रचण्ड सिंगापुर पुगेर बिरामी गिरिजा बाबुलाई भेटेर आएपछि अब सहमति हुन्छ गिरिजा बाबु पनि परिवर्तन र सहमतिको पक्षमा नै देखिनु भएको छ भनेर खुसि हुदै पत्रकारहरुलाई भनेका थिए |
अत: माओबादीको यो दुइ होइन तिन जिब्रे बोलीबाट जनताले के निस्कर्ष निकाल्न सक्छन भने सय वटा मुसाहरुबाट शासित हुनु भन्दा एउटा सिंहबाट शासित हुनु राम्रो हुन्छ | त्यसैले यो देशमा एउटा यस्तो व्यक्तिको खाँचो छ जसमा हिटलरको जस्तो शासन गर्ने शक्ति, माओको जस्तो जनप्रेमी सिद्दान्त,अब्राहम लिन्कनको जस्तो विचारको समिश्रण भएको होस् | यस्तो भएमा एकदिन अबस्य नेपालमा पनि बिकाश हुन्छ र बिदेशीप्रतिको नेपाली परनिर्भरता पनि हट्छ र नेपाल बन्द, चक्काजाम र हड्ताल पनि कम हुन्थ्यो कि | त्यसैले पनि नेपालमा एउटा सिंह(जसमा हिटलरको जस्तो शासन गर्ने शक्ति, माओको जस्तो जनप्रेमी सिद्दान्त,अब्राहम लिन्कनको जस्तो विचार भएको व्यक्ति)को खाँचो छ |

सफल बिवाहित जीवनका लागि केहि सुत्रहरु

2009-11-19T01:14:00.004-06:00

एक अर्का संग खुलेर कुरा गर्नुहोस, कुरा लुकाउने बानिले एक अर्कामा अविश्वास पैदा गर्छ।
सानो सानो खुशिको अवसरलाई एक अर्का संग बाड्नुस ।
आफ्नो गल्ति स्विकार गर्न कहिले पनि पछाडि नहत्नुस ।
कुनै पनि कुरा बोल्नु अगाडि सोचेर मात्र बोल्नुहोस, बोलिसके पछि पछुताउनु नपरोस ।
कहिले काहि एक् अर्कालाई सानोतिनो उपहार दिने गर्नुहोस ।
एक अर्कालाई साथी सम्झनुहोस, यस बाट एक अर्काको दु:ख सु:ख सजिलै संग बुझ्न सकिन्छ।
आफ्नो झगडा आफैले मिलाउनुहोस, अरुलाई यसमा नपार्नुस ।
यौन सम्बन्धलाई सुमधुर बनाउनुहोस, एक अर्काको इच्छा खुलेर भन्नुहोस ।
कुनैपनि ठुलो निर्णय गर्दा एक अर्काको सल्लाह लिने गर्नुहोस ।
एक अर्काको अन्य मानिसहरु संग तुलना नगर्नुहोस ।
एक अर्काको रुचिलाई समर्थन गर्नुहोस, सहयोग गर्नुहोस ।
समय समयमा घुम्ने गर्नुहोस ।
एक अर्काको साथिहरुलाई राम्रो व्यवहार गर्नुहोस ।
एक अर्काको आलोचना गर्नुपरे एकान्तमा बसेर गर्नुहोस।

Source:- Dainikee.Com

उर्जामन्त्रीज्यूको १२ घन्टे प्रतिबद्दता र लोडसेडिंगको समय

2009-11-18T01:56:00.004-06:00

नेपाल बिद्युत प्राधिकरणले मंसिर ३ गते देखि लागु हुने गरि लोडसेडिंगको समय थप गरेर साताको १२ घण्टाबाट साताको १६ घण्टा पुर्याएको छ यद्यपि उर्जामन्त्री प्रकाशशरण महतज्यूको यसपटकको हिउँदमा लोडसेडिङलाई दैनिक १२ घन्टाभन्दा बढ्न नदिने प्रतिबद्दता भने यथावत छ। उनले सरकारले लोडसेडिङलाई १० घन्टाभित्रै सिमित गर्ने तयारी भइरहेको बताउन पनि छोडेका छैनन्।

उर्जामन्त्री प्रकाशशरण महत जहाँ बोल्नु परे पनि लोडसेडिंगको समय हिउँदमा पनि १२ घन्टाभन्दा नाबदने भाषण गर्न छुटाउदैनन तर उनकै मातहतको नेपाल बिद्युत प्राधिकरणले भने ३ गते देखि लागु हुने गरि लोडसेडिंगको समय थप गरेर साताको १२ घण्टाबाट साताको १६ घण्टा पुर्याएको छ तर अझै पनि उर्जामन्त्री प्रकाशशरण महतज्यूको यसपटकको हिउँदमा लोडसेडिङलाई दैनिक १२ घन्टाभन्दा बढ्न नदिने प्रतिबद्दता भने यथावत छ | भाषण नै गरेर मात्र देशको बिकाश हुने र जनताको जीवनस्तर माथि उठ्ने हो भने नेपालको जनताको जीवनस्तर धेरै नै माथि हुन्थ्यो अनि नेपाल अमेरिका र यूरोपियन देशहरुभन्दा कहाँ कम हुन्थ्यो र | तर भाषणले मात्रै देश बन्दैन भन्ने कुरा सबैले नेता तथा सांसद अनि मन्त्रीहरुले बुझ्नु जरुरि छ |

नेपाल बिद्युत प्राधिकरणले मंसिर ३ गते देखि लागु हुने गरि लोडसेडिंगको समय थप गरेर साताको १२ घण्टाबाट साताको १६ घण्टा पुर्याएको छ यद्यपि उर्जामन्त्री प्रकाशशरण महतज्यूको यसपटकको हिउँदमा लोडसेडिङलाई दैनिक १२ घन्टाभन्दा बढ्न नदिने प्रतिबद्दता भने यथावत छ। उनले सरकारले लोडसेडिङलाई १० घन्टाभित्रै सिमित गर्ने तयारी भइरहेको बताउन पनि छोडेका छैनन्। अब भाषण कम र काम बढी गर्ने प्रबृत्ति तर्फ लाग्ने हो कि कामरेढ़ !! अनि मात्रै देश बन्ला नत्र त उही हो कामरेढ़ !!

अब नेता तथा मन्त्रिहरुलाई भाषण गर्न पनि सिकाउने हो कि?

2009-11-17T09:17:00.006-06:00

मन्त्रीलाई सम्बन्धित मन्त्रालयको तर्फबाट भाषण गर्दा आवश्यक पर्ने भाषण गर्न पनि सिकाउने हो कि नत्र फेरी अरु कति मन्त्रीहरु यस्तै हंसिमजकका पत्र हुने हुन् सायद औंलामा गन्न नसकिएला किनकि ६०१ सभासद जो छन देशमा त्येसैले देशको इज्जत(नेताको भन्न त नेपालका कुनै पनि नेताको इज्जत छैन किनकि यिनीहरुले आफ्नो इज्जत भारतलाई बेचेर खाइसके ) बचाउन भने पनि हरेक मन्त्रीलाई सम्बन्धित मन्त्रालयको तर्फबाट भाषण गर्दा आवश्यक पर्ने भाषण गर्न पनि सिकाउनै पर्छ |

नेपालमा शिक्षाको अवस्था त पहिले देखि नै केहि कमजोर छ भन्ने धेरैलाइ(नेपाली शिक्षाविद तथा नेपालका मित्ररास्ट्रहरु)लाई लागेको थियो तर अब आएर भने यो कुरालाई प्रमाणित गरिदीइन् कृषि राज्यमन्त्री करिमा बेगमले | हजुर कुनै तयारी र परामर्श बिना नै कफी दिवसका अवसरमा सोमबार आयोजित कार्यक्रममा राज्यमन्त्री बेगमले 'तराईमा समेत खेती विस्तार गर्न' निर्देशन दिएर सो कुरालाई प्रमाणित गरेकी हुन् | हुन त उनि जो मन्त्रि थिइन् त्यसैले उनले कुनै पनि कर्मचारीसंग परामर्श लिनु कुनै जरुरि देखिनन् होला र त कुनै परामर्श बिना नै उनले तराईमा समेत कफी खेति गर्न निर्देशन दिइन् होला नि | भर्खरै मात्र पनि CDO सा'बलाई झाप्पड हानेर बिबादमा परेकी राज्यमन्त्रिज्युले अलिकति मात्रै पनि परामर्श लिएर भाषण गरेकी भए पनि कमसेकम मन्त्रिमण्डलको इज्जत बढ्थ्यो कि ?

त अन्तमा मन्त्रिमण्डललाई एउटा सुझाब मन्त्रीलाई सम्बन्धित मन्त्रालयको तर्फबाट भाषण गर्दा आवश्यक पर्ने भाषण गर्न पनि सिकाउने हो कि नत्र फेरी अरु कति मन्त्रीहरु यस्तै हंसिमजकका पत्र हुने हुन् सायद औंलामा गन्न नसकिएला किनकि ६०१ सभासद जो छन देशमा त्येसैले देशको इज्जत(नेताको भन्न त नेपालका कुनै पनि नेताको इज्जत छैन किनकि यिनीहरुले आफ्नो इज्जत भारतलाई बेचेर खाइसके ) बचाउन भने पनि हरेक मन्त्रीलाई सम्बन्धित मन्त्रालयको तर्फबाट भाषण गर्दा आवश्यक पर्ने भाषण गर्न पनि सिकाउनै पर्छ |

म नेपालको इज्जत राख्ने प्रयास गर्नेछु । -- पूजा लामा

2009-11-16T09:32:00.010-06:00

म नेपालका लागि केही गर्न चाहन्छु । हिजोका गल्तीलाई माफ दिनुभयो भने म नेपालको इज्जत राख्ने प्रयास गर्नेछु । -- पूजा लामा

अश्विनी कोइराला
१० वर्षअघि द र्‍याम्पमार्फत मोडलिङमा उदाएकी पूजा लामाको करियर सन् १९९९ मा सुपर मोडलको उपाधिपछि चम्कियो। करिब २ सय र्‍याम्पमा मोडलिङ गरेकी पूजा पापी, चक्रव्यूह, सलामजस्ता चलचित्रकी नायिका पनि हुन्। यद्यपि उनी आफूलाई गायिकाका रूपमा चिनाउन चाहन्छिन्। दुई दर्जन जति गीत गाइसकेकी पूजाको म्युजिक नेपालबाट निस्किएको एल्बमले राम्रो व्यापार गरेको थियो। दोस्रो एल्बम निकाल्ने अन्तिम तयारी गरिरहँदा उनको विवादास्पद भिडियो क्लिप्स सार्वजनिक भयो। त्यसलगत्तै डिजे शिशिरसँग विवाह गरेकी पूजा आफ्ना सबै काम केही समयका लागि थन्क्याएर नयाँ घरमा रमाइरहेकी छिन्। प्रस्तुत छ नगरिक न्युजका अश्विनी कोइरालाले उनीसंग गरेको कुराकानी :-

विवाह गर्नुभयो, नयाँ दुलहीका रूपमा कस्तो महसुस गरिरहनुभएको छ ?

शिशिरको मम्मी निकै मायालु, सहयोगी एवं मेरो भावना बुझ्ने हुनुहुन्छ । दाइ र बैनीले मलाई नयाँ सदस्यका रूपमा स्वीकार गर्नुभएको छ । शिशिरले सार्‍है माया गर्छ । मैले घरमा भित्रिएपछि अप्ठयारो महसुस गर्नुपरेको छैन । यद्यपि म आफैं भने भित्रभित्रै लज्जा महसुस गर्छु । आखिर जतिसुकै आधुनिक भए पनि म नेपाली हुँ । सहज हुने प्रयासमा छु ।

पहिलो पटक डिजे शिशिरलाई कहिले भेट्नुभयो ?

शिशिर राम्रो संगीतकार रहेछ । उसले 'रेलिमाई रेलिमाई...' गीत मलाई गाउन दिने योजना बनाएर खोजेछ । यो एक वर्षअघिको कुरा हो । गीतका लागि ऊ मलाई लिन मेरै घर आयो । त्यसयता हाम्रो निरन्तर भेटघाट भैरहेको थियो ।

प्रेम नि ?

सायद त्यही बेलादेखि हुनुपर्छ । ऊ जस्तो कुल, हेन्डसम र प्रतिभाशाली व्यक्ति देखेर मेरो मन पग्लिएको थियो । उसले मलाई त्यसैबेला आफ्नो घर लिएर आयो अनि आमा, बैनी र परिवारका सदस्यहरूसँग भेट गरायो । उसको यो कुराले मलाई छोयो । माया खोजेर भौंतारिहेकी केटीको भावना बुझेको देख्ो पछि म कतिखेर उसको प्रेममा परे, थाहै भएन ।

विवाह गर्ने योजना बनाउनुभएको थियो ?

पछिल्ला दिनमा हामी दुई-तीन वर्षपछि विवाह गर्ने योजना बुन्दै थियौं । हाम्रो उद्देश्य दुवैको करियरले एउटा उचाइ लियोस्, त्यसपछि सेटल हुनुपर्छ भन्ने थियो, तर बीचमै दुर्घटना भयो । आखिर पछि पनि विवाह गर्नु नै छ भने किन बजारमा आफ्ना कुरा फैलाइरहनु भनेर विवाह गरियो ।

मानिसहरू यो विवाह एक वर्ष पनि टिक्दैन भन्छन् नि ?

मेरो जीवनको भविष्यवाणी गरी हिंड्नेहरूलाई धन्यवाद, तर शिशिरप्रति म पूर्ण बफादार छु, शिशिर पनि मप्रति बफादार देखिन्छ । उसले मलाई सार्‍है माया गर्छ । म अहिले जुन मानसिक दशामा छु, यस्तो बेलामा शिशिरले मलाई एकछिन पनि छोडेको छैन । उसले मलाई हौसला दिइरहन्छ । यो देख्दा हाम्रो वैवाहिक जीवन लामो समय जान्छ भन्ने लाग्छ । यद्यपि जीवनमा आफूले सोचेजस्तो सबै कुरा नहुँदो रहेछ ।

तपाईं सिनियर कलाकार, भर्खरै करियर बनाइरहेको युवकसँग प्रेम बस्नुको कारण के होला ?

उसको सिन्सियरिटी । ऊ कति गम्भीर छ भने जब भिडियो क्लिप्स बाहिर आएको हल्ला चल्यो, त्यसैबेला उसले भन्यो, 'पूजा डन्टवरी, यदि त्यो क्लिप्समा म छैन भने पनि म तिमीसँगै विवाह गर्छु ।' अनी तुरुन्तै विवाह पनि भयो । इन्डस्ट्रीमा मुखले आई लभ यु भन्दै चेपारो घस्नेहरू धेरै हुन्छन्, तर साँचो माया गर्नेहरू भेटिँदैनन् । ऊ स्वाथ्र्ाी भएको भए, क्लिप्सको हल्ला चल्नेबित्तिकै मुन्टो बङ्ग्याउन सक्थ्यो । उसले डटेर सामना गर्‍यो । यही हो प्रेम भनेको । प्रेमले सिनियर-जुनियर हेर्दैन ।

यद्यपि उमेरका दृष्टिले उ मभन्दा एक वर्ष जेठो हो ।

भिडियो क्लिप्स सार्वजनिक हुनुअघि र पछि तपाईंको कुरा गर्ने शैलीमा खासै परिवर्तन देखिएन, किन होला ?
सेक्स जीवनको अपरिहार्य आवश्यकता हो । मैले आफ्नो व्यायप|mेन्डसँग सम्बन्ध राखेकी हुँ, उसैसँग विवाह गर्ने योजना थियो । प्रेममा यस्ता सम्बन्ध अहिलेको युगमा सामान्य हुन् । मैले कुनै गल्ती गरेको छैन । त्यसैले पहाडै खस्यो, जीवन बरबाद भयो भनेर कुनामा पस्ने वा आत्महत्या गर्ने खालकी युवती म होइन । कतिपय पत्रिकाले मलाई आत्महत्या नै गरोस् भन्ने अभिप्राय राखेरै लेखे, तर मलाई राम्रोसँग थाहा थियो, मैले के गरेकी हुँ र अब के गर्नुपर्छ ? यति भन्दाभन्दै पनि अर्को कुरा पनि महत्त्वपूर्ण छ । त्यो के भने म नेपाली हुँ । मेरो समाजले यस्ता कुरा पचाउँदैन । त्यही भएर मलाई अलिकति लाज र अप्ठयारो लागिरहेको छ । तर यो मेरो गल्तीका कारण बाहिर आएको होइन, अरू कसैले मलाई बदनाम गर्न बाहिर ल्याएका हुन् ।

तपाईंको विचारमा यस्ता क्लिप्स निस्कनु सामान्य हो ?

क्लिप्स बाहिर निस्कनु हुँदैनथ्यो, तर सेक्स सामान्य हो । संसारमा कसलाई थाहा छैन, श्रीमान्-श्रीमतीबीच, प्रेमी-प्रेमीकाबीच हुने सम्बन्ध कस्तो सम्बन्ध हो ? बरु त्यस्ता कुरालाई खोजी-खोजी बाहिर ल्याइदिनेहरू भने अपराधी हुन्, उनीहरूलाई कारबाही हुनुपर्छ ।

तपाईंले भिडियो क्लिप्सलाई सामान्य माने पनि इन्डस्ट्रीले यसलाई सहज रूपमा स्वीकार गरेको छैन, काम आउन बन्द भएको अवस्थामा के गर्नुहुन्छ ?

बन्द भएको छैन । अस्ति भर्खरै एउटा कार्यक्रममा जजका रूपमा आमन्त्रण गरिएको थियो । मैले आफैंले त्यसलाई अस्वीकार गरें । किनभने मैले जजको मर्यादा राख्नुपर्छ । यदि मेरो काम ठीक थियो भने सानो गल्तीलाई सबैले माफ गरिदिनुहुन्छ भन्ने लागेको छ । मलाई अहिले धेरै कलाकार, पत्रकार एवं शुभचिन्तकले हरेस नखान सुझाव दिइरहनुभएको छ । यति वर्ष कलाकारितामा बिताइसकेपछि म अरू क्षेत्रमा जान सक्दिनँ । यहाँ काम पाउँदिनँ भन्ने लागेको छैन ।

श्रीमानको सपोर्ट कस्तो होला ?

म शारीरिक रूपमा महिला भए पनि विचार लोग्नेमानिसको जस्तै छ । म पछि हट्ने, हार मान्ने युवती हुँदै होइन । म आफैं म केही हुँ भन्ने सावित गर्न चाहन्छु । यद्यपि श्रीमान्को माया चाहिन्छ ।

यो घटनापछि तपाईंको जीवनको लक्ष्य परिवर्तन भयो कि उस्तै छ ?

परिवर्तन भएको छ । मेरो भिडियो क्लिप्स बाहिर ल्याउने मानिस पत्ता लगाएरै छाड्छु । उनीहरूलाई सजाय दिनु मेरो एक मात्र उद्देश्य हो ।

निकट भविश्यमा तपाईंको कुन काम देख्न पाइन्छ ?

म इन्डियन आइडलमा भाग लिन मुम्बई जाँदैछु । म दार्जीलिङमा जन्मिएकी हुनाले मैले इन्डियन आइडलमा भाग लिने मौका पाउने भएकी हुँ । यसका लागि प्रशान्त तामाङसँग मिटिङ भैसकेको छ । १५ दिनपछि मुम्बईमा हुने अडिसनमा भाग लिन केही दिनभित्रै त्यता जान्छु ।

शुभचिन्तकहरूलाई तपाईंको सन्देश के छ ?

मलाई इन्डियन आइडलमा सबै नेपालीको साथ चाहिन्छ । म नेपालका लागि केही गर्न चाहन्छु । हिजोका गल्तीलाई माफ दिनुभयो भने म नेपालको इज्जत राख्ने प्रयास गर्नेछु ।

धमाकेदार डिस्को र माओबादीको हात लग्यो शुन्य आन्दोलन

2009-11-15T11:07:00.005-06:00

हुन त जो पशुपतिको जात्रा सिद्राको ब्यापार गर्न आएका हुन् उनीहरुलाई माओबादीको आन्दोलनको उपलब्धिसंग के मतलब तर माओबादीको आन्दोलनबाट परिवर्तनको चाहना राख्नेहरु भने हिस्सै |
तर आन्दोलनको नाउँमा डिस्को डान्स गरेर आन्दोलन सफल हुदो रहेनछ क्यारे त्यै भएर त होला नि माओबादीको आन्दोलनको उपलब्धि हातमा लग्यो शुन्य भएको|

देशमा अचम्म हुने क्रम जारी छ अस्तिसम्म भएको माओबादीको आन्दोलनमा डिस्को डान्स दह्रो जमेको थियो | सायद आज सम्ममा राजनीतिक वृत्तमा भएको चर्चा योग्य आन्दोलनको कार्य नै यहि होला | जे भए पनि माओबादीले यो पटक देखा थापा उर्फ रेखा थापा र देखा थापा उर्फ रेखा थापाले प्रचण्ड सम्मलाई नचाउने कार्य कम्ता प्रसंशनीय थिएन | अब यसरि माओबादीको सिंहदरबार घेराउ (देखावटी रुपमा)सफल नै मान्नु पर्छ किनकि रेखा थापा र प्रचण्डको डिस्को हेर्न जनताको ओइरो लागे पनि वा त सित्तैमा नेपाल(काठमाडौँ) आउन पाउने भएर पशुपतिको जात्रा सिद्राको ब्यापार गर्न जनता आन्दोलनमा आएका भए पनि आन्दोलनमा जनता आएकै हुन् र जनताको उपस्थिति बाक्लै रहेको पनि हो नै |

समग्रमा भन्नु पर्दा माओबादीको यसपालिको आन्दोलनमा न त तयार बल्यो न त गाडीको सिसा नै फुट्यो | भयो त केवल सिंहदरबार बन्द जनताको कामकाज ठप्प | तर त्यति गरे पनि सरकारले दमन गर्न आदेश दिएन र माओबादीले पनि आफ्नो उग्ररुप प्रदर्शन गरेन| किन यस्तो भयो त यसपाली ? कारण दुइवटा हुन सक्छन:-
कारण नम्बर १ :- माओबादी सहित सत्तारुढ दल जनतालाई भेडा(मुर्ख) बनाउन चाहन्छन र खोज्दैछन |
कारण नम्बर २:- दिल्लीको आदेश नै त्यस्तै थियो |
नत्र भने माओबादी कार्यकर्ता भन्दै बिद्यार्थी देखि कृषक र कलाकार आदि सबैलाई सिंहदरबार वरपर ल्याएर डिस्को डान्स गराउने र देखाउने जस्ता जात्रात्मक कार्य गर्दै सिंहदरबार घेराउ गरेर दालमोठ चिउरा खुवाउने अनि तिनै पार्टीका नेता चाही सरकारको प्रमुख प्रधानमन्त्रीसंग भेट गर्ने, भोज खाने अनि उनै प्रधानमन्त्रिको धन्यबाद थाप्न बालूवाटार पुग्ने यो के जात्रा हो ? तर जति जात्रा गरे पनि माओबादीको आन्दोलनको उपलब्धि हातमा लग्यो शुन्य नै भएको छ | हुन त जो पशुपतिको जात्रा सिद्राको ब्यापार गर्न आएका हुन् उनीहरुलाई माओबादीको आन्दोलनको उपलब्धिसंग के मतलब तर माओबादीको आन्दोलनबाट परिवर्तनको चाहना राख्नेहरु भने हिस्सै |
तर आन्दोलनको नाउँमा डिस्को डान्स गरेर आन्दोलन सफल हुदो रहेनछ क्यारे त्यै भएर त होला नि माओबादीको आन्दोलनको उपलब्धि हातमा लग्यो शुन्य भएको| अन्त्यमा माओबादीलाइ एउटा सुझाब अब तेस्रो चरणको आन्दोलन गर्ने तिर भन्दा पनि सहमतिको विकल्प खोज्न थालौं किनभने अर्को आन्दोलन गरेर जनतालाई अझ दु:ख दिनुभन्दा यो चाही कार्य बुद्धिमानि होला कि जस्तो छ |
कि यो सरकार नढल्नुमा गिरिजा र मा.कु.ने बिरामी भए पनि नगल्ने र यो सरकार सकेसम्म नढल्ने खालको पर्यो जस्तो छ किनकि मा.कु.नेले फलामको कुर्सीलाई जमिनमा गाडेर स्थाई कुर्सि बनाए जस्तो छ |

HSEBको कक्षा ११ को परिक्षाफल प्रकाशित (Result of HSEB Class 11 is Published)

2009-11-14T05:44:00.004-06:00

उच्च माध्यमिक शिक्षा परिसद नेपालले बर्ष २०६६ मा लिएको परीक्षाको परीक्षाफल प्रकाशित गरेको छ |
उक्त परीक्षाफल निम्न website बाट हेर्न सकिन्छ |

Nepal Telicom(NTC)
Educationsansar.com

नयाँ नेपाल,नयाँ संबिधान अनि नागरिक सर्वोच्चता र माओबादी आन्दोलन

2009-11-12T09:26:00.006-06:00

अब कहिले सम्म यस्तो हुने ? के नयाँ नेपाल भनेको यहि हो ? नयाँ नेपालको संबिधान बन्द हड्ताल र आन्दोलनले मात्रै बन्छ कि केहि अरु काम पनि गर्नु पर्छ ? अनि नागरिक सर्वोच्चता स्थापित गर्न के माओवादीको सरकारले मात्रै सक्छ ? प्रश्नहरु आइनै रहन्छन र अनुत्तरीत नै रहन्छन किनकि मै खाँउ मै लाँउ सुखसयल वा मोज म गरूँ भन्ने बिचारधाराका कुर्सि र सत्ताको लागि मरिमेट्ने र जनतालाई आफु कुर्सिमा पुग्न प्रयोग गर्ने खेलौना सम्झने नेताहरु जो छन् नेपालमा |

दस बर्ष लामो गृह युद्दपस्चात सात दल र माओबादीबीच भएको शान्ति सम्झौता र समझदारी कायम भएको यहि मंसिरमा तिन बर्ष पुग्दै छ | तर देशमा शान्ति र नागरिक सर्वोच्चताको नाममा आन्दोलन चर्किएको छ | दलहरुको मुख्य कार्य संबिधान निर्माण सुरु भएको पनि छैन | जनताले केहि गर्ला भनेर जिताएको पार्टी नै प्रतिपक्ष्यमा बसेर आन्दोलनको बिगुल फुकिरहेको छ | हुन त पहिला देखि नै नेताहरुमा बाँदरिय(आफु पनि नगर्ने अरुले गर्न खोज्दा पनि खुट्टा तान्ने )प्रवृत्ति बिकाश भएकोले नै होला देशमा शान्ति कायम हुन नसकेको |
देशमा प्रजातन्त्र आयो जनताले क पायो महंगी आन्दोलनको सास्ती अनि बन्द हड्ताल र टायरको धुँवा अनि पुलिसको लाठि | अनि नेताले के पाए कुर्सि, सत्ता, पजेरो, पैसा, अनि मोजमस्ती | फेरी देशमा जनताको बलिदानले लोकतन्त्र आयो फेरी पनि जनताले क पायो त्यहि प्रजातन्त्रकालिन महंगी त्यहि प्रजातन्त्रकालिन आन्दोलनको सास्ती अनि त्यहि प्रजातन्त्रकालिन बन्द हड्ताल र टायरको धुँवा अनि पुलिसको लाठि | अनि नेताले के पाए फेरी पनि थप सुबिधा सहितको कुर्सि, सत्ता, पजेरो, पैसा, अनि मोजमस्ती | फेरी देशमा गणतन्त्र घोषणा भयो फेरी पनि जनतालाई हात लग्यो सुन्य | जनताको शान्ति र सुसासनको चाहना उही नेताहरुले आन्दोलन र नागरिक सर्वोच्चताको रेट लगाउनकै लागि र आफ्नो सत्ता जोगाउन आथवा आफु कुर्सीमै पुग्नाकै लागि मात्रै प्रयोग गरे | नयाँ नेपाल र नयाँ संविधानको नारा जनताको मुख थुन्न प्रयोग गरि नै रहे | तर न त नागरिक सर्वोच्चता स्थापित भयो न त नयाँ नेपाल र नयाँ संबिधान नै बन्यो | अहिलेको माओबादीको आन्दोलनमा आउनेहरुमध्ये ५०% लाई त सायद यो आन्दोलन के क लागि र किन गरिएको भन्ने पनि थाहा छैन होला |
आखिर नयाँ नेपाल,नयाँ संबिधानको नारा अनि नागरिक सर्वोच्चताको रट र माओबादी आन्दोलनको रहस्य के हो त फेरी पनि नेताको लागि कुर्सि, सत्ता, पजेरो, पैसा, अनि मोजमस्ती अनि जनताको लागि उही अर्को पार्टीको आन्दोलन अनि बन्द र हडतालको सास्ती | अब कहिले सम्म यस्तो हुने ? के नयाँ नेपाल भनेको यहि हो ? नयाँ नेपालको संबिधान बन्द हड्ताल र आन्दोलनले मात्रै बन्छ कि केहि अरु काम पनि गर्नु पर्छ ? अनि नागरिक सर्वोच्चता स्थापित गर्न के माओवादीको सरकारले मात्रै सक्छ ? प्रश्नहरु आइनै रहन्छन र अनुत्तरीत नै रहन्छन किनकि मै खाँउ मै लाँउ सुखसयल वा मोज म गरूँ भन्ने बिचारधाराका कुर्सि र सत्ताको लागि मरिमेट्ने र जनतालाई आफु कुर्सिमा पुग्न प्रयोग गर्ने खेलौना सम्झने नेताहरु जो छन् नेपालमा |

दुई बन्दुक र दुई सेना घातक : कमल थापा

2009-11-12T08:45:00.004-06:00

गणतन्त्रको विचारले पनि देश टुक्रन्छ
चाँदनी हमाल, कात्तिक २६- राष्ट्रिय प्रजातन्त्र पार्टी नेपालका केन्द्रीय अध्यक्ष कमल थापाले दुई बन्दुक र दुई सेना शान्ति प्रक्रियाका लागि सबैभन्दा घातक भएको बताएका छन्। उनले यी दुई तत्त्व कायम रहेसम्म मुलुकमा दिगो शान्ति छाउन नसक्ने दाबी पनि गरे।
राप्रपा नेपाल चितवनद्वारा बिहीबार चितवनको भरतपुरमा आयोजित पार्टी कार्यकर्ता भेलामा बोल्दै उनले गणतन्त्र र राजतन्त्र देशमा अहिले पनि दुई विचारको बाहुल्यता रहेको बताए । प्रचण्ड भनेको गणतन्त्र हुन् र कमल थापा भनेको संवैधानिक राजतन्त्र हुन, उनले अगाडि भने- गणतन्त्र ल्याउने त कुरै नगरौ, त्यसको विचारले पनि देश टुक्रिन्छ।

उनले अहिलेको सरकारले नयाँ नेपाल निर्माणमा कुनै लछारपाटो नलगाउने बताए। दिनानुदिन देशको अवस्था नाजुक भैरहेको बताउँदै उनले यो सरकार पनि विगतको भन्दा फरक नहुने ठोकुवा गरे।

माओवादी सरकारले केही गर्छ कि भन्ने जनताको आशा नौ महिने कार्यकालले देखाइसकेको भन्दै उनले अबको सरकार पनि पुरानै अनुहार भएकाले जनताको आशा मरिसकेको बताए। जनताको भावनाअनुसारको काम नगरेर तीन ठूला दल पार्टी स्वार्थमा लागेको बताउँदै उनले दलहरुले सरकार र आन्दोलनलाई नै महत्व दिएकाले हरेक नेपाली स्वतन्त्र रहन्छ भन्नेमा शङ्का रहेको उल्लेख गरे।

अहिलेको आवश्यकता सरकार बनाउने वा गिराउनेभन्दा जनताको नयाँ संविधान कसरी बनाउने भन्नेमा केन्द्रित हुनुपर्नेमा राष्ट्रलाई युद्धको भुमरीमा दलहरुले आफैं फसाउँदै लगेको थापाको भनाई थियो। संविधान निर्माण भाँड्ने काम कङ्ग्रेस र एमालले नै गरिरहेको आरोप लगाउँदै उनले दलहरुले लोकतान्त्रिक पद्धति बिर्संदै गएको बताए।

जनताको चाहनाअनुसार देशमा शान्ति सुरक्षाको प्रत्याभूति नभएको उनको धारणा थियो। शान्ति प्रक्रियाले पनि अहिले अर्कै मोड लिएको उल्लेख गर्दै उनले समयमै दलका नेता सजग नभए नेपालको अस्तित्व खतरातर्फ उन्मुख हुने औल्याए|

स्रोत: नगरिकन्युजडटकम

उडाइरहेछन् समय सभासद सुरा, सुन्दरी र चूरोटको खिल्लीमा!!! धारा-उपधाराको चिन्ता छैन संविधान बनिरहेकै छ नि दिल्लीमा!!!

2009-11-10T10:45:00.001-06:00

दिल्ली किन जानु भएको भन्ने प्रश्न गर्दा मधेसी जनाधिकार फोरमका अध्यक्ष उपेन्द्र यादवले यसो भनेछन्

‘इस्लाम धर्मका लागि मक्का-मदिना भनेजस्तै नेपाली राजनीतिको लागि दिल्ली त्यही हो, त्यहाँ नगइकन नेपालको राजनीतिमा के कसो हुने हो भन्ने कुरा नै थाहा हुँदैन।’

सबै नेता तथा प्रधानमन्त्री दिल्ली जान किन मरिहत्ते गर्छन भनेको त प्रचण्डले भनेको जस्तो बिदेशी प्रभु मात्रै होइन प्रभु (पालक/पोषक ) नै भारतमा रहेछन | तै भएर पो रहेछ त संबिधान बनाउने भन्दा भारत जाने र उताकै प्रभुलाई खुसि पारेर प्रधानमन्त्री बन्ने धुनमा सबै लागेका अनि झलनाथको पनि उही पारा प्रभुलाइ खुसि पार्न भ्रमण पनि लम्ब्याएर प्रभुलाई दर्शन गरि भेटी चढाउन बसेका होलान | अनि नेपाली कांग्रेस सभासद कृष्णप्रसाद यादव त्यसै बेस्यालय गएका रहेछन भनेको त कहाँ हुनु भारतमा नया नेपाल र नया नेपालको संबिधान बन्दै रहेछ र काम नपाएर पो रहेछ त माननियज्यु सुरा, सुन्दरको मोहजालमा पर्न जानुभएको रहेछ त |

गढीमाईको मेलामा दिइने बलि, सुरक्षाव्यवस्था र राम बहादुर बम्जन

2009-11-09T10:38:00.001-06:00

के साच्चै रोकिएला त गढीमाईको बलि ? वा त रामबहादुर बम्जनले साच्चै प्रलय गर्लान त ? हजुर यहि प्रश्न अझै पनि अनुत्तरित छ | यसको उत्तरको लागि हामीले पनि कुर्नै पर्ने हुन्छ मेलाको अन्त्य | कामना गरौ कि देशमा कुनै खालको नराम्रो प्रलय नहोस, बलि पनि रोकियोस र धार्मिक आस्था पनि कायम रहोस | तर,सम्भव छ र ?

मंसिर महिना जति जति नाजिकीइरहेको छ त्यति नै बाराको गढीमाई मन्दिर चर्चामा आइरहेको छ | प्रसङ्ग बाराको गढीमाई मन्दिरमा लाग्ने मेलामा दिइने बलिको | हुन त परम्परादेखि चल्दै आएको हो, गढीमाईमा बलि दिने प्रथा तर अहिले आएर केहि समयअगाडी लिटिल बुद्ध को नामबाट प्रख्याति पाएका रामबहादुर बम्जनले असोजको मध्यतिर गढीमाई मन्दीरमा निर्दोश पशुको ज्यान नलिन आग्रह गर्दै पशु बलिको साटो फलफुहरु चढाउन आग्रह गर्दै यदी जर्वजस्ती गरेमा आफुले प्रलय गराउने चेतावनी दिएपछि गढीमाईको मन्दिर र यहाँ दिइने बलि अनि राम बहादुर बम्जनको बारेमा चर्चा परिचर्चा सुरु भएको हो ।

गढीमाइको मेलामा घटना सक्ने घटनालाइ मध्यनजर गर्दै नेपाल सरकारले पनि मेलाका लागि सम्पूर्ण सुरक्षाव्यवस्था मिलाएको छ | गृहमन्त्री भीम रावलले बाराको गढीमाई मन्दिरमा लाग्ने मेलाका लागि सम्पूर्ण सुरक्षाव्यवस्था मिलाइएको जानकारी गराउनुभएको छ। व्यवस्थापिका संसद् विकास समितिमा आइतबार बोल्दै मन्त्री रावलले मेलामा १ हजार १ सय ५० प्रहरी खटाइने जानकारी दिनुभयो। नेपाल र भारतका ३० लाखभन्दा बढी भक्तालुजनको सहभागिता रहने गढीमाई मेला मंसिर ४ गतेबाट शुरू हुन्छ भने मेलामा ९ गतेबाट बलि चढाउने गरिन्छ | अब यो परम्परादेखि चल्दै आएको बलि दिने कार्यलाइ यदी बम्जन र उनका अनुयायीहरुले जर्वजस्ती रोक्न खोजेमा धार्मिक भिडन्त हुने सम्भावना त हुन्छ नै । त्यसको विपक्षमा बलीका पक्षधरहरु उत्रिनेछन नै ।

त्यही कारण अहिले शुरक्षा निकायहरु कसरी र्दुघटना हुनवाट रोक्ने भन्नेमा केन्द्रित भएका छन । हाम्रोकामना बली पनि रोकियोस र धार्मिक आस्था पनि कायम रहोस । के साच्चै रोकिएला त गढीमाईको बलि ? वा त रामबहादुर बम्जनले साच्चै प्रलय गर्लान त ? हजुर यहि प्रश्न अझै पनि अनुत्तरित छ | यसको उत्तरको लागि हामीले पनि कुर्नै पर्ने हुन्छ मेलाको अन्त्य | कामना गरौ कि देशमा कुनै खालको नराम्रो प्रलय नहोस, बलि पनि रोकियोस र धार्मिक आस्था पनि कायम रहोस | तर,सम्भव छ र ?

पछाडी हट्यो माओबादी

2009-11-08T00:58:00.001-06:00

सडक र सदनमा आन्दोलन गरेर बजेट पास गर्न पनि सदन खोल्न नदिइरहेको एकीकृत माओवादीले बजेट पास गर्न कै लागि भए पनि सदन खोल्ने संकेत दिएको छ। नागरिकन्युजका अनुसार एकीकृत माओवादीका अध्यक्ष पुष्पकमल दाहालले आज वीरगञ्जमा सञ्चारकर्मीहरुसित कुरा गर्दै भने, बजेट पास नभएर मुलुकमा समस्या परेको कुरा महसूस गरेका छौँ। हामी छिट्टै सदन सुचारु गराएर बजेट पास गराउन दिने पक्षमा छौँ'।"साथै उनले थपे - ' हाम्रो यो सदासयतालाई सरकारले कमजोरी नठानोस्।' दाहालले राजधानी जाने बित्तिकै दलहरुसँग यिनै वषयमा गम्भीर भएर छलफलमा जुट्ने जनाए।

यसरि माओबादीले एककदम पछाडी हट्दै बजेट पास गर्न सदन खोल्न दिने संकेत दिनुले माओबादीहरु पनि अहिलेको आन्दोलनको राजनीतिलाई छोडेर सहमतिको राजनीतिमा आउन खोजेको संकेत पनि दिन्छ | आब माओबादीले बुझिसकेको हुनुपर्छ कि जनता आन्दोलनले खुसि हुदैनन र आन्दोलनले देशको बिकाश पनि हुदैन | तर जे भए पनि बजेटकै कारणले मुलुक संकटमा पर्न लागेको आवस्थामा सदन बाट बजेट पास गर्न दिनु राम्रै हो |

नेपाली ट्राफिकको मगन्ते अवस्था

2009-11-07T07:11:00.001-06:00

केदार ओझा/कान्तिपुर

सडकमा ट्राफिकहरू लाइसेन्स, ब्लुबुक, इजाजतपत्र लगायत कागजात मागिरहेका भेटिन्छन् । सडकमा माग्ने ट्राफिकहरूको कार्यालय सञ्चालन र सेवा सुविधा पनि मागेरै चलेको छ भन्दा धेरैलाई पत्यार नलाग्न सक्छ तर वास्तविकता यही हो ।

ट्राफिकको मुख्य कन्ट्रोलकक्ष र डीएसपीहरू बस्ने स्थान यातायात व्यवसायीले बनाइदिएका हुन् । ट्राफिकसँग सीधा सम्पर्क गर्ने १०३ नम्बर टेलिकमले दिएको हो । विश्रामकक्ष क्यासट्रोलले बनाएको हो भने छलफलगृह टोयटाले । क्यानटिन कोकाकोलाले बनाइदियो भने ४३२१ एसएमएस सेवा फोकस वानले चलाइदिएको छ ।

प्रदूषण जाँच गर्ने मेसिन यातायात व्यवस्था विभागले दिएको हो भने एम्बुलेन्स, क्रेनसहितका १४ वटा गस्ती गर्ने गाडी भारत सरकारले उपहार दिएको हो । भीडमा गस्ती गर्न छवटा पल्सर सेतो मोटरसाइकल गोल्छा समूहले दियो । महाशाखाको हाताभित्र रहेका गार्डेन दुगड समूहले बनाएको हो भने ट्राफिक साइन बोर्ड जय जनताले । पिउने पानी हिलटेकले उपलब्ध गराएको छ भने अन्य प्रयोजनका कतिपय सामान महाशाखासँगै जोडिएको माइसपले दिँदै आएको छ ।

बाटोमा बाँड्ने पर्चा, होर्डिड बोर्डहरूमा अलगअलग कम्पनीका नाम प्रशस्त देख्न सकिन्छ । ट्राफिक प्रहरीले बर्दीमाथि लगाउने अधिकांश फ्लोरिसन ज्याकेट पञ्चकन्या, यती एयरलाइन्स लगायतका संस्थाले दिएका हुन् । मदिरा सेवन गरे/नगरेको जाँच गर्ने बे्रथलाइजर महिला सर्कल ग्रुप नामक संस्थाले उपलब्ध गराएको हो । सडकका दायाँबायाँ हुने सानाठूला सबै प्रकारका सांकेतिक र सावधानीका अधिकांश ट्राफिक चिह्न सौजन्यमार्फत राखिएका छन् ।

अन्य कार्यालयबाट ट्राफिकमा सरुवा भई आउने प्रहरीले दरबन्दीका रूपमा पाउनुपर्ने सेतो टोपी, पेटी, टाई लगायतका सामानसमेत आफैंले किन्नुपर्छ । बजेट अभावमा विभिन्न दाताहरूसँग मागेर अधिकृतहरूले खाना खाने मेस पनि आफैं बनाएका छन् । मातहतका इकाईले कार्यालयको लेटर प्याड लगायतका सामान नजिकका यातायात व्यवसायीको सहयोगमा छाप्दै आएका छन् ।

ट्राफिकले लगाउने पन्जा, डिभाइडर ब्लक, डोरी रिफ्लेक्टर, पुस्तकालय जापानी स्वयंसेवी कियोसी बाबाले दिएका हुन् । जनचेतना अभियानका लागि दुइटा ल्यापटप, दुइटा प्रोजेक्टर, फिल्म र फोटो खिच्ने क्यामरा तथा मेस, महिला ब्यारेक र घोडा ब्यारेकमा राखिएको टीभीसमेत बाबाले उपलब्ध गराएका हुन् । भान्साकोठा, शौचालय र सडकमा गस्ती गर्ने तीनवटा सेतो मोटरसाइकल र बसपार्कस्थित ट्राफिकको गाडी बिग्रँदा ६० हजार रुपैयाँ तिरेर कियोसी बाबाले मर्मत गरिदिएका छन् ।

ट्यांकरको पानी, मिनरल वाटरका जार र बोतल, कोकोकाला, फेन्टा, प|mुटी, रियललगायत पेय पदार्थ उत्पादन गर्ने कम्पनीले सहरमा घुमेबापत ट्राफिक प्रहरीलाई सित्तैमा माग गरेको परिमाणमा बुझाउनुपर्छ । नत्र कुनै पनि बखत भित्र थुनिन तयार हुनुपर्छ । अधिकांश ट्राफिक कार्यालय र ब्यारेकमा राखिएका टेलिभिजन प्रायोजकले नै किनिदिएका हुन् ।

प्रचारप्रसारका लागि कान्तिपुर, उज्यालो, गोरखा, मेट्रो एफएमले सित्तैमा समय दिएका छन् भने राष्ट्रिय दैनिक राजधानीले आधा पृष्ठ स्थान सित्तैमा उपलब्ध गराएको छ । 'बजेट नभएपछि के गर्ने ?' महाशाखा प्रमुखमा भर्खरै आएका डीआईजी विनोद सिंह भन्छन्, 'अरू त के कुरा एक वर्षका लागि आएको इन्धन र कार्यालय सामानको रकमले तीन महिना पनि पुग्दैन ।'

उनी थप्छन्, 'अब हामी थोरै सामानका लागि हात पसार्ने पक्षमा छैनांै, कसैले केही दिन्छ भने ठोस र दीर्घकालीन सहयोग गरून्, अन्यथा साना परिमाण र कामका लागि हात थाप्दैनांै ।'

महाशाखा मातहतका २८ परिसर, वृत्त, प्रभावका कार्यालय पनि मागेरै सञ्चालनमा छन् । तिनका घरभाडा, बिजुली, टेलिफोन, सरसफाइ, मर्मत, रंगरोगनलगायत सबै खर्च मागेरै चलाउने गरिन्छ । अरू त अरू, महाशाखाले गस्ती गर्न दिएको आठ सय सीसीका सेता मोटरसाइकलमा समेत मागेरै ट्राफिकले इन्धन भर्ने गर्छन् । गस्तीका गाडीका लागि यसअघि महाशाखाले दिइँदै आएको १ सय ५० लिटर डिजेल घटाएर ९० लिटर दिन थालिएको छ । गाडीको मर्मत र नियमित सर्भिसिङ खल्तीमा जम्मा भएको रकमबाट गर्नुपर्छ ।

अझ रोचक कुरा त मागेरै करोडौं मूल्य पर्ने जग्गा र भवनसमेत ट्राफिकले जोडेको छ । कालिमाटी र कोटेश्वरको ठूला भवन, महाराजगन्ज, सातदोबाटो, बसपार्क लगायतका स्थानमा भएको साना भवन पनि ट्राफिकले दाताहरूबाटै पाएका हुन् । महाशाखा मातहत कार्यालयमा जसले विवाद नआउने गरी मागेर कार्यालय र कार्यक्षेत्र चुस्त राख्छ तिनै ट्राफिक अधिकृत उपत्यकाका लागि सर्वाधिक योग्य ठानिन्छन् ।

दाता भेट्नेले दाताबाट लिन्छन् नसक्ने अधिकांश इन्चार्जले जरिवानाबापत उठेको रकमबाटै सबै व्यवहार चलाउँछन् । त्यसका लागि सबै इन्चार्जले कार्बन नराखी जरिवानाको राजस्व काट्ने क्षमताका अफिस क्लर्क छानेका हुन्छन् । धेरै गल्ती गर्ने चालकले जरिवाना तिरेको रसिदै लिँदैनन् । लिनेहरूले पनि आफूले भुक्तानी गरेजति नै रकम राजस्वमा जम्मा भयो भएन भनेर हेर्दैनन । कसैले वास्ता नगरेको जरिवानाबाटै चलेको छ राजधानीका ट्राफिक कार्यालय र तिनका प्रमुखहरूको रमाइलो जीवन । एकाध केही इमान्दार अधिकृतलाई छाडेर मासिक १४ हजारभन्दा कम तलब खाने प्रहरी निरीक्षक र नायब निरीक्षकहरूले राजधानीको ट्राफिक कार्यालयबाट मासिक न्यूनतम ४५ हजारदेखि लाख रुपैयाँसम्म आम्दानी गर्ने गरेका छन् । त्यसैले उपत्यका मातहतका हरेक वृत्त, प्रभागहरू एकदमै आकर्षक केन्द्र मानिन्छन् ।

खेलमा हैन, खेलाडीको रूचि नङ पालिसमा

2009-11-05T09:08:00.002-06:00

लन्डन, कात्तिक १९ (एजेन्सी)- बेलायतका टेबलटेनिस प्रदर्शन निर्देशक स्टिन हेन्सनले बेलायती महिला खेलाडीहरू आफ्नो खेल सुधार गर्नु भन्दा नङ पालिसमा बढी रुचि दिने गरेको आरोप लगाएका छन्।

प्रभावशाली डेनिस प्रशिक्षक महिला खेलाडीले आलोचना सहन नसक्ने भएकाले पुरुषको तुलनामा कम भएको बताउँछन्। 'उनीहरू नङमा पालिस लगाउन बढी रुचाउँछन्,' उनले बेलायती युवा प्रतिभा अभिभावकको नियन्त्रणमा रहेको समेत बताए। हेन्सनले राष्ट्रिय फन्डिङ निकायको आलोचना गर्दै बेलायती अभिभावकहरू बढी कडा र हस्तक्षेपकारी भएको आरोप लगाए।

हेन्सनले हालै मात्र टेबलटेनिसको बजेटमा ५० प्रतिसतले कटौती गरेकोमा बेलायती खेलसंस्थाको आलोचना पनि गरे।
हेन्सन पहिलो पटक सन् २००१ मा बेलायती टेबलटेनिससँग काम गर्न आएका थिए। सेफिल्डस्थित इङ्लिस इन्स्टिच्युट अफ स्पोर्टसमा बेलायती १२ युवा प्रतिभालाई प्रशिक्षण दिइरहेका ५८ वर्षीय हेन्सनले २०१२ को ओलम्पिकमा स्वर्णका लागि प्रयास गरिरहेको बताएका छन्।

'युवतीहरूलाई प्रशिक्षण दिन बढी गाह्रो हुन्छ र मेरो विचारमा सबै खेलमा यस्तै हुने गर्छ,' हेन्सनले भने, 'केटाहरूको हकमा उनीहरूलाई पुस्तकमा भएको हरेक नामले बोलाउन सकिन्छ र यो व्यक्तिगत नभएको उनीहरूले राम्ररी बुझ्ने गर्छन्।'

'तर युवतीलाई त्यसो गर्ने हो भने जीवनभरका लागि दुश्मन पाइन्छ। उनीहरूले आलोचना सहन सक्दैनन्।'
हाल तीन सातादेखि सेफिल्डमा प्रशिक्षण प्राप्त गरिरहेका १८ वर्षमुनिका तीन खेलाडीको जिम्मा लिएका हेन्सनले अगाडि भने, 'मैले थुप्रै मुलुकमा काम गरेको छु। सबैभन्दा खराब अभिभावक यहाँको पाएँ।'

'उनीहरू बढी हस्तक्षेपकारी र हरेक समय प्रश्न मात्र सोधिरहने खालका हुन्छन्। मलाई थाहा छ उनीहरू निकै राम्रो भएको चाहन्छन्, तर बढी हस्तक्षेपकारी हुँदा केटाकेटीमा दबाब बढ्न सक्छ,' उनको बुझाइ छ।

आफ्नो बजेट कटौतीका सम्बन्धमा उनले भने, 'म चीन जाँदा उनीहरू म नजिक आएर तिमीले बेलायती टेबलटेनिसका लागि राम्रो काम गरिरहेका छौं भन्दै मलाई धाप मार्छन्। अनि यता हाम्रो बजेटमा कटौती गरेको छ। यो साँच्चै नै अविश्वसनीय छ।'

स्रोत:nagariknews.com