Friday, September 25, 2009

धनेको दशैं

पोहोर सालको दशैमा लिएको ऋण नै तिर्न सकेको छैन फेरी दशैं आइसक्यो अब त साहूहरुले ऋण पनि पत्याउन छडिसके यसपालीको दशैं कसरी मान्नु होला धने यही सोचमा ब्यस्त रहेकै बेला छिमेकीको घरमा आएको घोर्ले खसीको म्या म्या आवाज़ले उसलाई छोराको सम्झना दिलाउछ जो यसपालीको दशैंमा घोर्ले खासिको कान खाने भन्दै धेरै दिन अगाडीदेखि झगडा गर्दै छ | सधै झै यसपाली पनि धनेको लागी दशा बनेर दशैं आइसकेको छ | धने मनमनै सोच्छ की यो दशैंमा पनि छोराको इच्छा पूरा गर्न नसके बाऊ हुनुको के अर्थ भो र ? अब धने घर जग्गाको कागज लिएर लाग्छ राम साहूको घरतिर ऋण लिनलाई |

बरांडामा बसिराखेको राम साहू धनेलाई देखेर सोध्छ "हैन हो धने के कती कामले आइस हो मेरो यो रामझुपडिमा ?"
धने भारी मनले घरजग्गाको कागज साहुलाई दिदै दशैं खर्चको लागी साहुलाई गुहार्छ |
पहिलाकै १०/१२ हजार रुपैया बाकी छ त्यहीँ माथि ऋण थपेर कहिले तिर्छस हो धने ? साहू दया देखाउदै प्रश्न गर्छ |
के गर्नु हजूर बर्षमा एकचोटी आउने दशैंमा छोराछोरिलाई कसरी दुखी पार्नु त्यै भ'र साहुकोमा आ'को |
लौ अब त त्यसै भन्छस भने यो १० हजार ले'र जा तर यो चैतको अन्त्यमा चाही जसरी पनि १५ हजार बुझाईनस भने चाही तेरो घरबार उठ्छ नि फेरी |
हस भन्दै तमसुकमा ल्याप्चे लगाएपछि उ घर जान्छ र दशैं मनाउछ | यसरी प्रत्येक बर्ष ऋण लिदै दशैं मनाउदा मनाउदै उसको ऋणले उस्कै घरजग्गा लान लागिसकेको त उसले भर्खरै थाहा पाउछ र फेरी कसरी ऋण तिर्ने भनेर सोच्न थाल्छ | उसको यो दशैं पनि छोराछोरीलाई खुसी तुल्याएर आफु दुखी हुदै बित्छ | हरेक बर्ष धनेको दशैं यस्तै हुने गर्छ | र फेरी धने सोच्न थाल्छ आखिर कहिलेसम्म मेरो दशैं यस्तो रुपमा चल्ला त ? उसको यो प्रश्न फेरी पनि निरुत्तरित छ |

Sunday, September 20, 2009

के हो भिम कामरेड यही हो सुरक्षा

कामरेडहरुको यो निर्णयले धमला र अरु दुइ ब्यक्ती जो छुटेहरुलाई र कामरेडहरुजस्ता नेताहरुलाई त फाइदा नै भयो होला तर सुरक्षा खोजिरहेका हामी जस्ता जनताको मनमा भने फेरी त्रासले जन्म लिएको छ ।

पत्रकारको ट्याग बोकेकै भरमा हातहतियार संबन्धी मुद्दा खारेज हुने हो ? हाम्रो गृहमन्त्रीज्युको कडा सुरक्षा यही त होला हुन त माओबादी सरकारको पालामा पनि गृहमन्त्री बामदेवज्युले पनि सराका सारा क्यासिनो बन्द गराएका हुन फेरी भिम कामरेडले पनि सुरक्षा बलियो पार्न रणविर सेनामा आवद्ध रहेको अभियोग सहित हातहतियार तथा खरखजाना मुद्धा खेपिरहेका रिर्पोर्टस क्लवका अध्यक्ष रहेका ऋषि धमलालाइ चोख्याउन खोजेका हुन कि कसो कामरेड ? नत्र त त्यत्रो छिरिजा(गिरिजा) पुत्री कुजाता(सुजाता)देखी हजुर जस्तो पावोरफुल ब्यक्तिसम्म राजनीतिक संबन्ध भएको ब्यक्तिलाई प्रहरिले त्यसै त पक्कै समातेन होला । पक्कै पनि धमलाले कुछ गड्बड त गरेका नै थिए होला । कि धमलासंगै अन्य नेताहरु पनि थिए र पोल खुल्ला भन्ने डर लाग्यो । अनि संगै पक्राउ परेका पत्रकार ट्याग हुनेलाई चही चोख्याएर ति एकजना पत्रकारको ट्याग नहुनेलाई चही करागरमै राख्नु तीनि पनि एउ टै मुद्दामा जैल चलन भएका होईनन र ?


कामरेडहरुको यो निर्णयले धमला र अरु दुइ ब्यक्ती जो छुटेहरुलाई र कामरेडहरुजस्ता नेताहरुलाई त फाइदा नै भयो होला तर सुरक्षा खोजिरहेका हामी जस्ता जनताको मनमा भने फेरी त्रासले जन्म लिएको छ । र सच्छ पत्रकारहरुको मनमा नराम्रो परेको छ भने उनिहरुको पत्रकारितालाई बिस्वास गर्ने मानिशाहअरुको पनि उनिहरुलाई हेर्ने दृस्टिकोण मा परिवर्तन आएको छ ।

Saturday, September 19, 2009

आज घटस्थापनादेखि बडादसैँ प्रारम्भ

हिन्दूहरुको महान् चाड बडादसैं आजदेखि सुरु भएको छ। आश्विन शुक्ल प्रतिपदादेखि पूर्णिमासम्म पन्ध्र दिन परम्परानुसार दुर्गा भवानीको पूजा–आराधना गरी हर्षोल्लासका साथ बडादसैं मनाइन्छ।
बडादसैंको पहिलो दिन आज बिहान आ–आफ्ना घरको पूजाकोठा तथा दसैँघरमा विधिपूर्वक दियो, कलश र गणेशको पूजासहित माटोको पूर्ण घडामा गाईको गोबर टाँसी जौ र मकै रोपेर घटस्थापना गरिँदैछ।
विजयादशमीका दिन आफ्ना मान्यजनबाट टीकाग्रहण गर्दा अरू फूलको सट्टा समृद्धिको प्रतीक पहेँलो जमरा नै प्रयोग गरिने हुनाले जमरा उमार्न शुद्ध माटो तथा बालुवा प्रयोग गरिन्छ।

जमरा राख्दा घटस्थापनाको अघिल्लो दिन नै आ–आफ्ना घरआँगनलाई लिपपोत गरीनुका साथै सिँगारेर सफासुग्घर राखिन्छ।
असत्यमाथि सत्य र आसूरी शक्तिमाथि दैवी शक्तिको विजयका रूपमा मनाइने यस पर्वअन्तर्गत नवरात्रिका उपलक्ष्यमा आजदेखि नौदिनसम्म विभिन्न शक्तिपीठ तथा दसैँघरमा प्रत्येक दिन पूजाअर्चनासहित दुर्गा सप्तशती चण्डी र भगवतीको स्तोत्र पाठ गरिन्छ।
बडादसैँको सातौँ दिन मुलुकभर धार्मिक परम्पराअनुसार फूलपाती भित्र्याइने, महाअष्टमी र महानवमीका दिन दसैँघर र कोतलगायत विभिन्न शक्तिपीठमा बलिसहित विशेष पूजा गरिने, विजयादशमीका दिन नौदिनसम्म दसैँघरमा दुर्गा भवानीको पूजाआराधना गरी राखिएको जमरासहितको टीका लगाउने र कोजाग्रत पूर्णिमाका दिन जमरा विसर्जन गरी साँझ महालक्ष्मीको पूजा आराधना गरिने प्रचलन छ।
चाडभर विभिन्न देवदेवीका अतिरिक्त विशेषगरी शक्तिस्वरूपा दुर्गा भवानीको पूजा गरिने भएकाले यो चाड दुर्गापूजाका नामले पनि प्रचलित छ।
परम्पराअनुसार घटस्थापनाका उपलक्ष्यमा काठमाडौँको हनुमानढोका दरबारमा रहेको दसैँघरमा वैदिक विधिपूर्वक जमरा राखी महाकाली, महालक्ष्मी, महासरस्वतीलगायत नवदुर्गा र अन्य शक्तिपीठमा नवरात्रि पूजा आरम्भ गरिन्छ।
विभिन्न कारणवश आफ्नो मूलघरबाट टाढा रहेका परिवारका सदस्य सपरिवार बसेर दसैँ मनाउन घर फर्कने क्रम सुरु भइसकेको छ।
बडादसैँका अवसरमा आजदेखि मुलुकभरिका धेरैजसो शिक्षण संस्था र अदालत कोजाग्रत पूर्णिमा सम्मका लागि बिदा गरिएका छन्।

Friday, September 18, 2009

HAPPY DASHAIN :: बिजया दशमीको शुभकामना


















आयु द्रोणसुते श्रियं दशरथे शत्रुक्षयं राघवे ।
ऐश्वर्य नहुषे गतिश्य पवने मानं च दुर्योधने ॥
सौर्य्र शान्तनवे बल हलधरे सत्य च कुन्तिसुते ।
विज्ञान विदुरे भवतु भवतां कीर्तिश्च नारायणे ॥
बडा दशै २०६६ को हार्दिक शुभकामना !
दशै शुभ रहोस् यही मंगलमय कामना !!

नेपाल होइन लपाने, बुद्धको ठाउमा चाँही कस्लाई राख्ने?

अबको नयाँ संबिधानमा नेपालको नाम फेरेर 'लपाने' राखे कसो होला ? नयाँ नेपालमा सबै राष्ट्रिय प्रतिकहरु फेर्न पर्ने भए नेपाललाई पनि 'लपाने' बनाउ । अब बुद्धको ठाउमा चाँही कस्लाई राख्ने हो किनकी बुद्ध त राजाका छोरा हुन नि । यि पनि राजा सँग सम्बन्धित छन क्यारे । अब के गर्ने होला ? बुद्धलाई त सर संसारले शन्तिका अग्रदुतका रुपमा चिन्छन । अब बुद्धको ठाऊमा कस्लाई राख्ने हो ? अब डाफेँ चरालाई लात मरेर कुखुरा(कुखुराको मासु खानु त परै जाओस् कुखुराले छोयो भने नुहाउने मानिसहरु पनि छन नेपालमा)लाई नै राष्ट्रिय चरा बनाउने रे । फेरी राष्ट्रिय जनवर गाइलाई पनि परिवर्तन गरेर खै कुनी के राख्ने हो ? मस्यौदा उपसमितिका संयोजक देवप्रसाद गुरुङको अध्यक्षतामा बसेको बैठकमा राष्ट्रिय चिहृनहरू डाँफे, गाई, सिमि्रक र लालीगुराँसलाई कायमै राख्ने कि नराख्ने, राख्ने हो भने के के राख्ने भनेर छलफल भएको जानकारी उपसमितिका उपसचिव वासुदेव उप्रेतीले दिनुभयो ।

राष्ट्रिय चिहृनबारे समितिमा छलफल भए पनि टुङ्गोमा पुग्न नसकेपछि यसबारे अन्तिम निर्णय समितिको बैठकमा नै गर्ने सहमति भएको छ रे । अझ एकजना सदस्यले त 'मैले लालीगुराँस नै नदेखी आईएस्सी पास गरेँ, यो लालीगुराँस नै किन राख्ने' भनेर प्रश्न पनि राख्नु भएछ । अब झन्डा परिवर्तन गर्नु पर्‍यो त पहिल्यै भनिसकेका हुन । नेपालमा मात्रै हो केही यस्ता UNIQUE बस्तुहरु राष्ट्रिय प्रतिकहरु छन जो अन्य देशका मिल्दैन । नेपालको झण्डा, राष्ट्रिय चरा डाफेँ राष्ट्रिय फूल ललिगुराँस आदिलाई नै हेरौ न । अब देशलाई चिनाउने सम्पूर्ण प्रतिकहरु नै हटाउनु पर्ने भए सागरमाथा चीनलाई दिउ मधेश जती ईन्डियालाई दिउ अनी बाँकी भु भाग मात्रै नेपालको राखौ त्यसो गरे कसो होला .......?

Thursday, September 17, 2009

फेरी पनि बिदेश भ्रमणमा कती खर्च गर्ने हुन मा.कु.ने टोलिले ?

काठमाडौं, भदौ ३० (नागरिक) - मन्त्रीपरिषद्ले संयुक्त राष्ट्रसंघ महासभामा भाग लिन जाने प्रधानमन्त्री नेतृत्वको २३ सदस्यीय टोली तय गरेको छ। प्रमण्डल 'सानो बनाउने' निर्णय गर्दै मंगलबारको बैठकले उनीहरूको नाम अनुमोदन गरेको हो।
प्रधानमन्त्री माधवकुमार नेपाल ६४ औं महासभामा भाग लिन नेपाली प्रमण्डलको नेतृत्व गरी असोज ४ गते न्यूयोर्क प्रस्थान गर्दैछन्।

को-को जादैछन्, प्रधानमन्त्रीको न्यूयोर्क भ्रमणमा?
माधवकुमार नेपाल, प्रधानमन्त्री
गायत्री नेपाल, प्रधानमन्त्री पत्नी
उमाकान्त चौधरी, स्वास्थ्यमन्त्री
अमृतकुमार बोहरा, एमाले नेता
रघुजी पन्त, प्रधानमन्त्री सल्लाहकार
राजन भट्टराई, प्रधानमन्त्री परराष्ट्र सल्लाहकार
यादवचन्द्र शर्मा, प्रधानमन्त्री स्वकीय सचिव
भानुभक्त ढकाल, एमाले केन्द्रीय सदस्य
ज्ञानचन्द्र आचार्य, परराष्ट्र सचिव
लीलामणि पौडेल, प्रधानमन्त्री कार्यालय सचिव
डा सुधा शर्मा, स्वास्थ्य सचिव
जितेन्द्र स्वनाल, तमोलोपा सहमहामन्त्री एवम् सभासद्
इन्द्र नेपाल, उपसचिव
जंगबहादुर गुरूङ, प्रोटोकल अफिसर
गोपाल थपलिया, पत्रकार
राजेन्द्र फुँयाल, पत्रकार
रविन्द्र आचार्य, नेपाल टेलिभिजन
झलेन्द्र भट्टराई, मेजर, एडीसी प्रधानमन्त्री
चन्द्र के कापुङ, डीएसपी, एडीसी प्रधानमन्त्री

अमेरिकाबाट भ्रमण टोलीमा समावेश हुनेहरू
मधुरमण आचार्य, संयुक्तराष्ट्र संघीय प्रतिनिधि
कालिप्रसाद पोखेरल, कार्यावहक राजदुत, संयुक्तराज्य अमेरिका
अमृतबहादुर राई, न्युयोर्कस्थित काउन्सिलर मिनिष्टर
मोहनकृष्ण श्रेष्ठ, प्रमुख प्रोटोकल अधिकृत

Wednesday, September 16, 2009

के को बन्थ्यो नयाँ संबिधान फेरी झन्डा नै नयाँ बनाउनु पर्ने रे !


हैन हाम्रो देशको झन्डाले ति झन्डा बिरोधीहरुको के बिगारएको थियो होला र विश्वको नमुना र पृथक तथा नेपाली बीर स्वतन्त्र अस्तित्वको परिचायक । जसको लागि सात दिन सम्म त पानी पनि नपिइ लडे हाम्रा पुर्खा, लाई किन परिवर्तन गर्नु पर्‍यो । हुन त यहाँ शंका गर्ने ठाउहरु धेरै छन माओवादीले राज्य पुनःसरंचनापछि प्रान्तको संख्या अनुसार तारा अंकित र नयाँ झण्डाको व्यवस्था गर्नुपर्ने प्रस्ताव गरेको छ । जुन झन्डा लगभग भारतको झन्डाको जस्तै स्वरुपको हुन्छ होला । त्यसो भए के माओवादी पनि कतै (प्रचन्डकै बोली सापटी लिएर भन्दा)बिदेशी प्रभुकै ईशारामा नाचेको त हैन । नत्र भारतको जस्तै झन्डाको प्रस्ताव किन ?

अब संबिधान बनाउन लाग्नु कि नयाँ झन्डाको खाका कोर्न तिर लाग्ने हो ।

नेपालको झन्डाले राजतन्त्र र हिन्दू अधिराज्यको झलक दिन्छ भन्ने सोच पुरै गलत हो किनकी नेपालको झन्डाले सम्पूर्ण नेपाली र नेपालको ईतिहासको झलक दिन्छ । नेपालमा मात्रै एउटा यस्तो झन्डा छ जुन बिश्वमै नमुना झन्डा हो किनकी नेपालको झन्डा अन्य देशको झन्डाको आकारप्रकारसंग मेल खाँदैन । नेपालको त्रिकोणात्मक झन्डा परिवर्तन गर्दैमा नेपालीको दिमाग परिवर्तन हुने हो र ?त्यसैले बरु झन्डा परिवर्तन गर्ने भन्दा कमरेढहरुको दिमाग परिवर्तन गरेर संबिधान बनाउने तर्फ लग्ने कि । हैन भने त समय जान लागिसक्यो कमरेढ । नेपालीको मनमा रहेको शंकामा मलजल नगरेर सबै मिलेर नयाँ संबिधान नबनाएर राजा फर्काउने चालतर्फ नलागौ कमरेढ ।

Sunday, September 13, 2009

शिक्षकको दरबन्दी बढाउनु पर्ने माग राख्दै आन्दोलनमा क्रान्तिकारी

मुलुक भरिका झण्डै चार सय भन्दा बढी उच्च माध्यामिक विद्यालयहरुमा पठनपाठन ठप्प

आजदेखी फेरी पनि अनेरास्वबियु क्रान्तिकारीको अगुवाइमा शैक्षिक आन्दोलन सुरु भएको छ । पनि शिक्षकहरुको दरबन्दी बढाउनु पर्ने लगायत बिभिन्न १३ सुत्रिय माग क्रान्तिकारीहरुको छ । प्रमुख प्रतिपक्षी दल एकीकृत माओवादीको भ्रातृ संगठन अनेरास्वबियु क्रान्तिकारीको आइतबारदेखिको आन्दोलनले मुलुक भरिका झण्डै चार सय भन्दा बढी उच्च माध्यामिक विद्यालयहरुमा पठनपाठन ठप्प बनाएको छ । शुल्क निर्धारण, शिक्षक दरबन्दी बढाउनु पर्ने, सेवा सुविधालगायतका १३ सुत्रीय माग राखेर अखिल क्रान्तिकारीले आइतबारदेखि चार दिनसम्म मुलुक भरिका सम्पुर्ण निजी उच्च मावि बन्द गराएको संगठनका माहसचिव हिमाल शर्माले जानकारी दिए ।उनले उच्च माविहरुमा सामान्य पूर्वाधार पनि निर्माणनै नगरेर सञ्चालनमा ल्याएको र विद्यार्थीको भविष्यमा खेलवाड गरेकाले आन्दोलनमा उत्रनुपरेको बताए । यसरी विद्यार्थी हकहितका लागि भन्दै बिद्यालय बन्द गराएर के विद्यार्थीको हकहित प्राप्त हुन्छ? हुन त माउपार्टीको नारा 'नागरिक सर्वोच्चता' र भ्रातृ संगठनको नारा 'विद्यार्थी हकहित'ले न सरकारको केही बिगार्न वा सरकारको ध्यानाकर्षण गराउन सक्छ न त शिक्षकहरुलाई नै फरक पर्न सक्छ ।

खाली घाटा पर्ने वा फरक पर्ने भनेको जनताहरु जो बिहान बेलुकिको छाकलाई घटाएर छोराछोरीलाई राम्रो पढाउने सपना देखिरहेका छन । अनी फरक पर्छ त ति विद्यार्थीलाई जो आफ्नो परिवारको सपना पुर गर्न पढ्न चाहन्छन । फरक पर्छ त ति विद्यार्थीलाई जो दिन रात मिहिनेत गरेर पढ्न चाहन्छन । के आन्दोलनले विद्यार्थीलाई वा अभिभावक कसैलाई फाईदा गर्छ ? तर यहाँ त विद्यार्थीलाई शिक्षाकले कुटे भने पनि कलेज बन्द , चक्का जाम हुन्छ । यसो गर्दा घाटा सरकारलाई हुन्छ कि शिक्षक, जसलाई घरमा बसे पनि तलब आउछ , वा त विद्यार्थी जसले कलेज गए पनि नगए पनि उती नै फी तिर्नु पर्छ? यसतर्फ पनि विद्यार्थी हकहितका लागि लड्नेहरुले सोच्ने कि ?

नागरिक सर्वोच्चता कि आन्दोलन सर्वोच्चता


भन्नलाई नागरिक सर्वोच्चताको लागि भनिए पनि माओवादीको आन्दोलनले नागरिकहरुलाई नै असार गरिरहेको छ । सरकारी कार्यालय बन्द गर्दा कर्मचारीहरुको तलब पाकिरहन्छ तर जनताको काम अड्किरहन्छ । यस्तो हुँदा घाटा कसलाई जनतालाई कि सरकारी कर्मचारीलाई कि सरकारलाई ? के हरेक माग पुर गराउन जनतालाई नै दु:ख दिनु पर्ने हो ? नागरिक सर्वोच्चता भनेको के हो जनतालाई बलिको बोको बनाउनु नै नागरिक सर्वोच्चता हो कि के हो ? जुनसुकै पार्टीको माग पुरा गराउनलाई पनि आन्दोलन नै गर्नु पर्ने हो कि के हो ? अब नेपालीहरुलाई सानो घटना भए पनि आन्दोलन गर्ने बनी बसिसकेको छ । सडकमा कुखुरा मरेपनी आन्दोलन , लोग्नेश्वासनिको झगडा परे पनि आन्दोलन । माओवादीको नागरिक सर्वोच्चताको लागि भनिएको आन्दोलनले सरकारको एउटा रौँ पनि हल्लाउन सकेको छैन । आज फेरी पनि नागरिक सर्वोच्चताको माग गर्दै निषेधित क्षेत्र सिंहदरबारको दक्षिण गेटमा माओवादीका दलीत सभासदहरुले विरोध प्रदर्शन गरेछन । होइन नागरिक सर्वोच्चता भनेको आन्दोलन सर्वोच्चता हो कि क्य हो ? थुप्रै दिनदेखी मेरो मस्तिस्कमा यै प्रश्न घुमीरहेको छ ।

अब नेपालीहरुलाई सानो घटना भए पनि आन्दोलन गर्ने बनी बसिसकेको छ । सडकमा कुखुरा मरेपनी आन्दोलन , लोग्नेश्वासनिको झगडा परे पनि आन्दोलन । माओवादीको नागरिक सर्वोच्चताको लागि भनिएको आन्दोलनले सरकारको एउटा रौँ पनि हल्लाउन सकेको छैन । आज फेरी पनि नागरिक सर्वोच्चताको माग गर्दै निषेधित क्षेत्र सिंहदरबारको दक्षिण गेटमा माओवादीका दलीत सभासदहरुले विरोध प्रदर्शन गरेछन । होइन नागरिक सर्वोच्चता भनेको आन्दोलन सर्वोच्चता हो कि क्या हो ? थुप्रै दिनदेखी मेरो मस्तिस्कमा यै प्रश्न घुमीरहेको छ ।
Image:dainikee.com

Saturday, September 12, 2009

के जनताले यिनिहरुलाई भोट दिएको यै दिन देख्न हो त ?

के जनताले यिनिहरुलाई भोट दिएको यै दिन देख्न हो त ? मनमा हिजो देखी यै बिचारले स्थान पाइरहेको छ जब सुनियो कि बर्षमान पुनले सुजाता जोस्ट उर्फ कोइरालालाई प्र.म. बनाएर राष्ट्रिय सहमतिको सरकार बनाउन सकिने बताए । अध्यक्ष काम्रेड त पहिले देखिनै बोलिको ठेगान नभएका नेताको रुपमा चिनिन्थे तर अब सिङ्गो पार्टी नै बोलिका ठेगान नभएका नेताहरुको पार्टीको रुपमा चिनाउन सहयोग गर्दै छन बर्षमान पुन । लोकतन्त्र मात्रै नभएर सिङ्गै गणतन्त्र आइसकेको देश नेपालमा माओवादीमा जनताहरुले विश्वाश गर्ने नेताहरुमा सबै भन्दा अगाडि आउने नामहरु हुन, बर्षमान पुन र बाबुराम भट्टराई । तर अब जनताले बर्षमान पुनमाथीको भरोसा पनि उनी आँफैले तब तोडे जब उनले बेबी किङ राख्‍नुपर्छ, २०४७ सालको संविधान ब्युँताउनु पर्छ भन्ने सुजाता जोस्ट उर्फ कोइराला यानी कलियुगका नेपाली धृतराष्ट्रपुत्रीलाई प्र.म. बनाएर राष्ट्रिय सहमतिको सरकार बनाउन सकिने बताए ।

हजुर हिजो धमला उर्फ रिपोर्टर्स क्लबमा आयोजित एक कार्यक्रममा माओवादी नेता वर्षामान पुनले राष्ट्रिय सहमतिको सरकार सुजाताको नेतृत्वमा पनि जान सकिन्छ भन्ने स्पष्ट स‍ंकेत गरेका छन्। शायद यस विचारमा क.प्रचन्ड लगायत सम्पूर्ण पार्टिको नै पनि सहमति भएर हो कि के हो यस बिषयमा हरेक संचार माध्यममा समाचार आउँदा पनि सिङ्गो पार्टी मौन छ । पार्टीका कुनै पनि नेताहरुले यस बिषयमा नबोल्नाले सिङ्गो पार्टीले नै मौन समर्थन गरिरहेको देखिन्छ । अध्यक्ष काम्रेड त पहिले देखिनै बोलिको ठेगान नभएका नेताको रुपमा चिनिन्थे तर अब सिङ्गो पार्टी नै बोलिका ठेगान नभएका नेताहरुको पार्टीको रुपमा निचिनियोस ।
जय गणतन्त्र !

Friday, September 11, 2009

साढे तीन महिनामा आठपटक मन्त्रीपरिषद विस्तार

यसरी भयो साढे तीन महिनामा आठपटक मन्त्रीपरिषद विस्तार :
  • पहिलो किस्ता : जेठ ११ गते (तीन सदस्यीय) - प्रधानमन्त्री माधव कुमार नेपालले एमालेका विद्या भण्डारीलाई रक्षा र सुरेन्द्र पाण्डे अर्थमन्त्रीमा नियुक्त गरे।
  • दोस्रो किस्ता : जेठ २१ (११ सदस्यीय ) - नेपाली काग्रेसका ६, मधेशी जनअधिकार फोरमको एक र नेकपा मालेको एक सदस्य थप गरियो। फोरमबाट विजय कुमार गच्छदारलाई उपप्रधानमन्त्री र भौतिक योजना तथा निर्माण मन्त्री र काग्रेसकी सुजाता कोइरालालाई परराष्ट्र मन्त्रीमा नियुक्त गरियो। काग्रेसका अन्य र मालेवाट मन्त्री बनेकालाई त्यस दिन जिम्मेवारी दिइएन।
  • तेस्रो किस्ता : असार ३ (२२ सदस्यीय) - तेस्रोपटकको मन्त्रीपरिषद विस्तारमा एमालेका चार मन्त्री, तीन राज्यमन्त्री र काग्रेसबाट एक मन्त्री र ३ राज्यमन्त्री थप गरियो। त्यसअघि नियुक्त काग्रेस र मालेका मन्त्रीलाई पनि विभागीय जिम्मेवारी दिइयो।
  • चौथो किस्ता : असार १० (३० सदस्यीय ) - चौथोपटकको मन्त्रीपरिषद विस्तारमा फोरमका दुई, तमलोपाका तीन, राप्रपाका एक मन्त्री तथा मालेका एक र तमलोपाका एक राज्यमन्त्री थप गरियो।
  • पाँचौ किस्ता : असार १९ (३२ सदस्यीय) - पाँचौपटकको विस्तारमा नेपाल सद्भावना पार्टीका अध्यक्ष राजेन्द्र महत्तो र समाजवादी प्रजातान्त्रिक प्रेमबहादुर सिंहलाई थप गरियो।
  • छैठौँ किस्ता : असार १९ (३२ सदस्यीय) - पाँचौपटकको विस्तारमा नेपाल सद्भावना पार्टीका अध्यक्ष राजेन्द्र महत्तो र समाजवादी प्रजातान्त्रिक प्रेमबहादुर सिंहलाई थप गरियो।
  • सातौँ किस्ता : साउन १४ (३३ सदस्यीय) - छैटौपटक मन्त्रीपरिषद विस्तार गर्दा नेकपा संयुक्तका ठाकुर शर्माले वातावरण मन्त्रीको जिम्मेवारी पाए।
  • आठौँ किस्ता : भदौ २६ (४४ सदस्यीय) - आठौपटक विस्तारमा तमलोपाका एक राज्यमन्त्री र एक सहायकमन्त्री थप गरिएको हो।
हुन त माधव कुमार नेपाललाईलाई अप्ठ्यारै होला नुनको सोझो नगर्दा तर पनि मन्त्रिमण्डल बिस्तार गरेर सभासदभन्दा धेरै मन्त्री गराउनु भन्दा तिनि(अनाबस्यक मन्त्री)हरुलाई दिने तलव भत्ताको रकम बिकास निर्माणमा खर्च गरे देशको केही प्रगती हुन्थ्यो कि ?

Thursday, September 10, 2009

एकै छिन रमाइलो गर्ने कि !!

कती देशको नराम्रो कुरामात्रै गर्नु एकै छिन रमाइलो पनि गरौँ न।
*********कोलम्बसको बुबा
**********

छोरा (आफ्नो बुवासँग):- बुवा तपाई र म मा को योग्य र राम्रो मान्छे हो?

बुबा:- तँ भन्दा म योग्य र राम्रो मान्छे हो, किनकि म तेरो बाबु हुँ, अर्को उमेरमा पनि तँ भन्दा ठुलो म हुँ, र बुद्दिमा पनि मेरै बढी छ।

छोरा:- त्यसो भने त तपाइलाई थाह होला, कि अमेरिका कस्ले पत्ता लगायो?

बुबा:- अमेरिका कोलम्बसले पत्ता लगायो ।

छोरा:- कोलम्बसको बुबाले किन पत्ता लगाएन किनकि कोलम्बसको बुबा उमेरमा पनि कोलम्बस भन्दा ठुलो हुनुहुन्थ्यो र बुद्दिमा पनि उहाकै बढी थियो होला नि ।


***********सगरमाथा भन्दा अग्लो मान्छे***********

सन्देह: सुन न आकाश, संसारमा सगरमाथा भन्दा अग्लो के होला है ?

आकाश: ल, तिमिलाई त्यति पनि थाहा छैन ?

सन्देह: अँह ।

आकाश: त्यो त मान्छे नै हो नि ।

सन्देह: कसरी नि ?

आकाश: सगरमाथाको टुप्पामा मान्छे चडेपछि त्यो भन्दा अग्लो भएन त !


***************सालीको कट्टु फुकाल्छु******************

दुईजना कर्मचारी कुरा गर्दै

पहिलो: आज गुड फ्राईडे कसरी मनाउने योजना छ त ?

दोश्रो: घरमा जान्छु..अस्तिको एक प्याक बाँकी नै छ…त्यहि मासुको भुटुवासँग…दिएर मनाउनु पर्ला । अनि तिम्रो नि ?

पहिलो: घर गएर मेरो सालीको कट्टु फुकाल्छु ।

दोश्रो: हँ ! किन …?

पहिलो: मैले बिहान हतारमा सालीको कट्टु लगाएर आएछु ।

Wednesday, September 9, 2009

नयाँ नेपालमा नयाँ संबिधान बन्ने कहिले


हैन यि नेताहरुलाई जनताहरुले भोट दिएका संबिधान बनाउन हो कि नेपाललाई संबिधानबिनाको देश बनाउन हो ?

अब यस्तै प्रश्न उब्जन थालेको हुन सक्छ हरेक नेपालीको मनमा जब फेरी पनि संवैधानिक समितिहरुले समयमा संविधानको प्रारम्भिक मस्यौदा बुझाउन नसकेपछि संविधान निर्माणको समय तालिका छैठौ पटक परिवर्तन भयो। नेता तथा दलहरुलाई सरकार बनाउने र ढाल्ने र अर्काले आफ्नो सरकार ढाल्ला भनेर सरकार कसरी टिकाउने भन्दैमा फुर्सद छैन त्यसैले संविधान जारी गर्ने २०६७ जेठ १४(जुन्सुकै बेला परिवर्तन हुन सक्छ। )सम्म सरकारमा रहेका पर्टिहरुलाई सरकार टिकाउने र प्रतिपक्षका नेताहरुलाई कसरी सरकार ढाल्ने भन्ने उपाय खोज्दैमा बित्ने भो । अब यस्तो भएपछी कसरी बन्छ नयाँ संबिधान , र कसरी बन्छ नयाँ नेपाल ?
के सभासदहरु पनि भत्ता खुवाउन मात्रै सभासदहरु बनाइएको हो त ? त्यसो हो भने सभासदहरुलाई दिने भत्ता कर्णालीबासी जनताहरुलाई खाध्यान्न बाँडे कम्सेकम तिनिहरुले खान त पाउछन । अथवा जुम्लाका झाडापखला पीडितहरुलाई लगेर औषधी बितरण गरे तिनिहरुको बिमार त निको हुन्छ । अब नयाँ नेपालमा नयाँ संबिधान बन्ने कहिले ??

Sunday, September 6, 2009

अध्यक्ष बिनोद पाण्डे पक्राउ ऋषि धमला सम्मानित

केही समय अघी मात्रै भूमिगत नेपाल डिफेन्स आर्मिका अध्यक्ष रामप्रसाद(आर.पि.) मैनाली पक्राउ परेको खबर आएको एक दिन नबित्दै मोरङ प्रहरीले भूमिगत सशस्त्र संगठन रणवीर सेनाका सुप्रिमो बिनोद पाण्डेलाई पक्राउ गरेको छ। गोप्य सूचनाको आधारमा मोरङ प्रहरीले आइतवार साँझ बिराटनगरबाट पाण्डेलाई पक्राउ गरेको जानकारी प्राप्त भए पनि पाण्डेलाई सर्वजनिक भने गरिएको छैन । प्रहरी स्रोतका अनुसार पाण्डेलाई सोमवार पत्रकार सम्मेलन गरी सार्वजनिक गरिनेछ।प्रहरीको मोस्ट वान्टेड सूचिमा रहेका पाण्डे विगत केही वर्षदेखि रणवीर सेनाका नाममा अपराधिक गतिविधिमा संग्लन छन्। रणवीर सेनाले पूर्वी तराईको झापा मोरङ सुनसरी र काठमाडौंमा आपराधिक गतिबीधि सँगै चन्दा असुली फिरौती र विष्फोटनका घटना गर्दै आएका थिए।


यसै बिच केही महिना अघी मात्रै रणवीर सेनासँग मिलेर बिभिन्न आपराधिक गतिबीधि सँगै चन्दा असुली फिरौती र विष्फोटनका घटनामा संलग्न भनी मुद्दा खेपेर केही अघी मात्रै जेलबाट छुटेका ऋषि धमलालाई नेपालको पत्रकारिताको क्षेत्र विशिष्ट योगदान पुर्‍याएबापत उपप्रधानमन्त्री एवं भौतिक योजना तथा निर्माण मन्त्री विजयकुमार गच्छदारलेनागरिक तथा सामाजिक सरोकार मञ्चको आयोजनामा आज दोसल्ला ओढाइ विशेष अभिनन्दन गरेका छन्। नेपाली पत्रकारिता क्षेत्रका भिन्न विधामा आफूलाई समर्पित गरी न्यायपूर्ण र सत्य समाचार सम्प्रेषण गरेर जनतालाई सुसूचित गरी रिपोटर्स क्लबमार्फत् राष्ट्रिय सहमति निर्माणमा धमलाको महत्वपूर्ण भूमिका रहेको अभिनन्दन पत्रमा उल्लेख छ। स्मरण रहोस् धमलासँगै जेल परेका अन्य दुई पत्रकारहरु(धमलाका साथीहरु )भने जेलमै छन । त्यै भएर होला नेपालको कानुन दैबले जानुन भनेको ।
जय होस् नेपालको कानुनको (संबिधान भन्न मन लागे पनि नेपालमा संबिधान नै छैन त्यो अन्तरिम संबिधान त काम चलाऊ मात्रै हो )।

हातहातमा बन्दुक नै नागरिक सर्वोच्चताः दाहाल

अजित तिवारी, विराटनगर भदौं २१- एकीकृत नेकपा माओवादीका अध्यक्ष पुष्पकमल दाहालले नागरिकको हातमा बन्दुक हुनु नै नागरिक सर्वोच्चता भएको बताएका छन्। माओवादीले उठाउँदै आएका नागरिक सर्वोच्चताको विषयमा सबैले आ-आफ्नै खाले तर्क र विश्लेषण गरिरहेको बेला दाहालले माओवादीले चाहेको नागरिक सर्वोच्चता बारे प्रष्ट पारेका हुन्।

'नागरिकको हातमा बन्दुक हुनुपर्छ, यो बन्दुकको कुन्दाभित्र नागरिक कुहिनु नपरोस त्यही हो नागरिक सर्वोच्चता'-आइतबार विराटनगरमा आयोजित जनसभालाई सम्बोधन गर्दै अधयक्ष दाहालले भने । नागरिक सर्वोच्चताको मर्म नै बन्दूक जनताको नियन्त्रणमा हुनु रहेको उनले तर्क गरे।


'वीपीले पनि भनेका थिए सेनालाई लोकतान्त्रिककरण गर्न सकिएन् अब कांग्रेसीहरुले वीपीको कुरा मान्नुपर्यो'-दाहालले भने-'लोकतन्त्रलाई संस्थागत गर्न चाहन्छन् भने कांग्रेसले वीपीको कुरा मान्नुपर्छ।'

'यतिखेर नेपालमा क्रान्ति र प्रतिक्रान्ति लोकतन्त्र र निरन्कुशता जनताको कि बन्दूकको सर्वोच्चता भनेर ठूलो बहस भइरहेको छ'-दाहालले भने- हामी क्रान्ति लोकतन्त्र र जनताको निम्ति लड्दैछौ।


सरकारप्रति संकेत गर्दै उनले विदेशी प्रभुको सहयोगमा आफूले लत्याएको सिंहासनमा बस्नेहरुले जनताको अभिमत बिर्सेर ठूलो भुल गरेको टिप्पणी गरे। नेपाली जनताले आर्जन गरेको प्रतिष्ठालाई धूलोमा मिलाउनको लागि देश-विदेशका दलालहरु लागेको उनले आरोप लगाए । तर ती देशी-विदेशी दलाल को हुन् भन्ने खुलाएनन्।
Source:-nagariknews.com

Saturday, September 5, 2009

माओवादी र पशुपतिनाथ अनी राजनीति

याद गर माओवादी तिमीहरु ठुलो दल हुनुमा हिन्दू धर्म मान्ने जनताहरुले दिएको भोटको नै भूमिका छ ।त्यसैले पशुपतिमा राजनीति नगर
पशुपतीनाथ जस्तो सम्पूर्ण हिन्दू धार्मालम्बीहरुको आस्थाका प्रतिकको मन्दिरमा नेपाली मात्रै होइन बिश्वभरिका हिन्दूहरुले योग्यताका आधारमा प्रतिस्पर्धाबाट पूजारी हुने अवसर पाउनुपर्छ ।

फेरी पनि पशुपतिनाथको मन्दिरमा एउटा अप्रिय घटना घट्यो । पशुपतीनाथको मन्दिरका नयाँ पूजारीहरुलाई माओवादीका कार्यकर्ताहरुले गुप्तवास बसिरहेको कोठाको ढोका फोरेर चुटेछन्। त्यति मात्र हो र, जनै पनि चुँडालिदिएछन् जस्ले गर्दा पूजारीहरु रोए रे।
यसबाट माओवादीलाई के-कती नाफा वा नोक्सान के भयो त्यो त उनिहरुलाई नै थाहा होला तर धर्ममा ठाडो राजनीति भएको छ जस्ले गर्दा देशको प्रतिस्ठाका साथै विवेकी आँखा भएकाहरुको नजरमा माओवादीको प्रतिस्ठा पनि खल्बलिएको छ । हो माओवादीको कुर ठीक हो तर ति बिचरा पूजारीहरुको के दोश थियो नेपालको सरकार/ल्याउने ले नल्याइदिएको भए तिनिहरु पनि त यहाँ आउने थिएनन । अर्को कुरा पशुपतीनाथ जस्तो सम्पूर्ण हिन्दू धार्मालम्बीहरुको आस्थाका प्रतिकको मन्दिरमा नेपाली मात्रै होइन बिश्वभरिका हिन्दूहरुले योग्यताका आधारमा प्रतिस्पर्धाबाट पूजारी हुने अवसर पाउनुपर्छ । तर माओवादीका कार्यकर्ताहरुको यस्तो प्रवित्तिले गर्द सम्पूर्ण नेपाली जनता निराश बनेका छन । पशुपती वरपर गौशाला चाबहिल क्षेत्रमा दिनदिनै आन्दोलन भईरहेका नै छन ।

फोटो सभार : krishnashenonline.org


यसैबिच भारतीय विदेश मन्त्रालय र भारतीय राजदूतद्वारा प्रचण्ड लगायतका नेतालाई थर्काइए पछी आजै माओवादीले प्रेस बिज्ञप्ती जारी गरी पशुपतिको घटनामा आफुहरुको सङ्ग्लग्नता नरहेको दाबी गरिसकेको छ । पार्टिका अन्तर्राष्ट्रिय विभाग इन्चार्ज कृष्णबहादुर महराले एक शनिबार एक विज्ञप्ति जारी गरी धार्मिक सदभाव खल्बलाउने र हस्तक्षेप गर्ने आफ्नो पार्टी नीति नभएको भन्दै 'जनसमुदाय'को स्वतन्त्र संघर्षको विषयलाई अनावश्यक र पूर्वाग्रही रुपमा आफ्नोपार्टीप्रति लक्षित नगर्न आग्रह गरेका छन।
'हाम्रो पार्टी जनताको धार्मिक स्वतन्त्रताप्रति विश्वास गर्छ र जनसमुदायको कुनै पनि विषयमा विरोध वा समर्थन गर्ने स्वतन्त्र अधिकार र भावनाको सम्मान गर्दछ' महराद्वारा जारी विज्ञप्तिमा भनिएको छ।
साथै उनले पशुपतिनाथ मन्दिरको पुजारीमा नेपाली नागरिक नियुक्त हुनुपर्छ भन्ने माग नेपाली जनसमुदायले लामो समयदेखि उठाउँदै आएको भन्दै हालै सरकारले पुजारी नियुक्ति सम्बन्धि गरेको निर्णयप्रति असहमति जनाउँदै 'जनसमुदाय'का तर्फबाट संघर्ष समिति गठन भइ संघर्षका कार्यक्रम गर्दै आएको जनाएका छन

पशुपतिमा घृणित राजनीति सुरु भएको लगभग एक बर्ष मात्रै बहेको छ । परम्पराका नाममा भारतीय पूजारी नै जारी राख्‍नुपर्छ भन्ने, नेपाली पूजारी पनि राख्‍नुपर्छ भन्ने र नेपाली पूजारी त राख्‍नुपर्छ तर हचुवा तालमा सरकारी नियुक्ति गरे सरह हैन योग्यताका आधारमा प्रतिस्पर्धा गरेर राख्‍नुपर्छ भन्ने तीन थरिका विचार देखापरेपछी नै पशुपतिमा थडो राजनीतिक हस्तक्षेप सुरु भएको हो ।

पशुपतिको भेटी व्यक्तिगत गोजीमा गइरहेकोमा सबैको चासो छ। यसलाई व्यवस्थित र पारदर्शी बनाउन सबैतिरबाट आवाज उठेको हो। तर यसरी मुठभेडको रणनीति अपनाएर मागहरु पूरा हुँदैनन्। चित्त नबुझेको कुरामा बहस गर्न पाइन्छ, विरोध गर्न पाइन्छ। तर निर्दोशहरुलाई कुटेर पिटेर आफ्ना कुरा मनाउँछु भन्ने सोच अब माओवादीले त्याग्नै पर्छ।नत्र जान्ने बुझ्नेहरुले भोली माओवादीको नै बिरोध गर्दै हिंड्नेछन ।

Wednesday, September 2, 2009

जवानीमा साथीहरुसंग संगतगर्दा ध्यान दिनुहोस:

यसो ईन्टरनेटको दुनियाँबाट संसार चियाउदै गर्दा दैनिकीडट्कम् मा भेटिएका टिप्स पुरानै भए पनि राम्रो लागेर यहाँ राखेको छु । तपाईंलाई कस्तो लाग्छ आफ्नो प्रतिकृया तलको कमेन्ट बक्समा लेख्नु होला ।

१. कुनै पनि कुरामा निर्णय गर्दा मन भन्दा दिमागको प्रयोग गर्ने गर्नुहोस् ।

२. पढाई नै सब भन्दा मह्त्वपुर्ण काम हो भन्ने कुरा कहिल्यै नबिर्सनुहोस ।

३. एक अर्काको भावनाको आदर गर्ने गर्नुहोस् ।

४. आफु कतै जाँदा आफ्नो नजिकको मित्रलाई भन्ने गर्नुहोस् ।

५. बाबु आमालाई साथी झै सम्झनुहोस । हरेक कुराहरु मिलाएर भन्ने गर्नुहोस ।

६. साथीहरुको लह लहैमा लग्नु भन्दा सोचेर निर्णय गर्ने गर्नुहोस ।

७. साथीले भन्छ भन्दैमा अफ्नो निर्णय नबदल्नुस, आफ्नो भावनाहरुलाई नियन्त्रनमा राख्नुहोस।

८. पछि पछुताउनुपर्ने कुनै काम नगर्नुहोस।

९. एक अर्का संग भेट्दा सके सकेसम्म एकान्तमा कहिले नभेट्नुहोस् ।

१०. बिश्वासको सिमा निर्धारण गर्नुहोस ।

११. आफ्नो पहिरनलाई शालिनताको हदमा राख्नुहोस।

१२. पैसाको लेनदेनलाई एक सिमा सम्म मात्र गर्ने गर्नुहोस।

१३. ग्ल्यामरको पछाडी नलाग्नुहोस ।

१४. आफ्नो सामर्थ अनुसारको ब्यबहार गर्नुहोस।

नेपालमा पनि सफल हुँदै छ सिक्किमी रणनिती

इतिहासकार र राजनीतिज्ञ दुबैवाट पटक पटक चर्चा परिचर्चा भएको विषय हो–इन्दीरा गान्धी नेपाललाई सिक्किम बनाउन चाहन्थीन । र उनले धेरै पटक यसको प्रयास पनि गरेकी थिइन । प्रधानमन्त्री भए लगत्तै उनले जवाहरलाल नेहरुले सिक्किम र नेपाललाई भारतमा गाभ्न सकेनन भनेर आलोचना गरेकी थिइन र त्यो कमजोरी सच्याउने अभिभारा आफुले बोकेकी थिइन । सिक्किमको विषयमा इन्दीरा सफल भए पनि नेपालको बिषयमा भने सफल हुन सकेकी थीइनन । तर अब आएर नेपालमा पनि सिक्किमी रणनिती केही सफल बन्दै गैरहेको छ । विपीका केही पुस्तकमा इन्दीराले नेपाललाई सिक्किम बनाउने अभियान शुरुवात गरेपछि विपी स्वदेश फर्किएको विषयमा लेखेको पाईन्छ । यही आधारमा नै स्पष्ट भन्न सकिन्छ नेपालको सिक्किमीकरण कुनै हल्ला हैन भारतको स्पष्ट रणनीति नै हो जो अहिलेसम्म सफल हुन सकेको छैन । तर, जारी छ रोकिएको छैन ।
जसरी सिक्किमलाई भारतले आफ्नो राज्यमा गाभ्यो त्यस्तै रणनिती नेपाललाई पनि प्रयोग गर्दै आइरहेको देखिन्छ । चाहे त्यो २००७ सालको राणाविरोधी आन्दोलन होस् या २०४६ सालको प्रजातन्त्र प्रप्तिको आन्दोलन होस् या त २०६२/२०६३को जनआन्दोलन नै किन नहोस् सबैमा भारतले मध्यस्तकर्ताको भूमिका निर्बाह गर्दै आइरहेको छ । जसरी सिक्किमको राजतन्त्र फालेर लेन्डुप दोर्जेलाई मुख्य मन्त्री बनाउन भूमिका खेलेको थियो । अहिले नेपालको सन्दर्भमा भने पुरै नेपाललाई गाभ्न नसकिने देखेर एक मधेश एक प्रदेशको नारामार्फत भाई भाईलाई लडाएर हुन्छ वा हिन्दी सपथ बिबादलाई प्रमुख बनाएर बिभिन्न रुपमा आन्दोलन गराएर पहिले तराइ अनी अन्य भु-भाग अतिक्रमण तथा एक मधेश एक प्रदेश जस्तै अन्य नाराको माध्यमबाट पुरै नेपाल नै भारतको भु-भाग बनाउने रणनिती देखिन्छ । यस् कार्यमा भारतीय दलाल तथा र क गुप्तचरहरु लागि परेका छन । सर्सर्ती हेर्दा राजदरबार हत्याकान्ड घटाऊनेदेखी राजा फाल्ने र गणतन्त्र ल्याउने कार्यमा नेता तथा राजनीतिक दलहरु मात्र नभएर भारतको पनि प्रत्यक्ष/अप्रत्यक्ष भूमिका खेलेको छ । र यसमा भारतको स्वार्थ लुकेको प्रस्टै देखिन्छ ।

Tuesday, September 1, 2009

पशुपती मात्रै छ राजनीति गर्नलाई ?

हैन जुन कम्युनिस्ट सरकारमा गए पनि हिन्दूहरुकै प्रमुख आरध्यदेव मानिने र देश विदेशका हिन्दूहरुले पुज्ने र नेपाललाई विश्वमा चिनाउन मद्घत गर्ने श्री पशुपतीनाथकै मन्दिरमाथि राजनीति गर्नै पर्ने किन ???

पशुपतिनाथको मन्दिरमा भईरहेको पूजारी सम्बन्धी विवाद सम्भवत: अब बल्झी नै रहने छ । अघिल्लो सरकार यानी माओवादी सरकारको पालामा पशुपतिनाथको मन्दिरमा नेपाली पूजारीलाई मुलभट्ट नियुक्ती दिने निर्णय गरी निर्णय कार्यन्वयन गर्दा ठूलो आलोचना र आन्दोलन सहनु परेकोले बाध्य भएर सरकारले त्यो निर्णय फिर्ता लिएको घोषणा सदनबाट गर्नुपरेको थियो ।

फेरी अहिलेको एमाले सरकारले दुई जना भारतीय पुजारीलाई पुजारी नियुक्त गर्न सिफारिस गरेछ। कोषले पशुपतिको उत्तरमुखका लागि गिरीश र बासुकीनाथ मन्दिरका लागि राघवेन्द्रलाई सिफारिस गरेको हो। पशुपति क्षेत्र विकास कोषका अध्यक्षसमेत रहेका संस्कृति मन्त्री मिनेन्द्र रिजालको अध्यक्षतामा बसेको बैठकले यस्तो सिफारिस कोषका संरक्षक प्रधानमन्त्री माधवकुमार नेपाललाई गरेको रहेछ।



अब माओवादीलाई यो घटनाले आन्दोलनको लागि नयाँ बिषय थपिदिएको छ । माओवादीहरुले पनि आफुहरुलाई अप्ठेरोमा पारेको इख बिर्सेका पक्कै छैनन् नै। त्यसको पालो फेर्ने तयारीका लागि माओवादी सरकारले पशुपतिका पुजारी नियुक्त गरेका डा ऋषिप्रसाद शर्मालाई नै अगाडि बढाइएको छ आन्दोलनको नेतृत्व गर्न। उनको संयोजनमा नेपाली पुजारी नियुक्त गर्न स‌घर्ष समिति बनाइएको छ।उक्त समुहले हिजो पशुपति क्षेत्र विकास कोषका सबै विभागहरुमा अनिश्चितकालीन तालाबन्दी गरे।

हिजोको तालाबन्दीका कारण पशुपति क्षेत्र हिजो दिनभर तनावग्रत रह्यो। प्रहरीले आज पनि बिहानैबाट त्यहाँ जनपद र सशस्त्र प्रहरी तैनाथ गरेको छ।

हैन जुन कम्युनिस्ट सरकारमा गए पनि हिन्दूहरुकै प्रमुख आरध्यदेव मानिने र देश विदेशका हिन्दूहरुले पुज्ने र नेपाललाई विश्वमा चिनाउन मद्घत गर्ने श्री पशुपतीनाथकै मन्दिरमाथि राजनीति गर्नै पर्ने किन ??? धर्ममा पनि राजनीति मिसाउने कुबुद्धिले भरिएको दिमागमा कहिले सदबुद्धि आउला ? सँधै पशुपतिनाथले हामी सबैको रक्षा गरुन् भन्नुपर्थ्यो, अब यो राजनीतिक दलहरुको राजनीतिकरणबाट कसले रक्षा गर्ने पशुपतिनाथलाई ? पशुपती मात्रै छ राजनीति गर्नलाई ?
हे कम्युनिस्ट सरकार रक्षा गर पशुपतिनाथको !
जय कम्युनिस्ट सरकार !

Linking Networks